Asosiy mavzular
7 iyul 2016

Yevropada aholi turmushi pasayib, O‘zbekistonda yuksalayotgani haqida

«Hurriyat» gazetasi Ramazon hayiti munosabati bilan e'lon qilgan «E'tiqod erkinligining toza havosi» sarlavhali maqola yurtimiz mo‘min-musulmonlari hayit namozini ado etib, «Vatanimizning tinch-osoyishtaligi va obodligi, dasturxonlarimizning to‘kinligi-yu hayotimizning farovonligi uchun Yaratganga cheksiz shukronalar aytgani»ni ta'kidlash bilan boshlanadi.

Keyin esa, albatta, yurtboshimiz Islom Karimov tashabbusi bilan «ma'naviy qadriyatlarimizning uzviy qismi bo‘lgan Ramazon va Qurbon hayitlari tiklanishi … istiqlol sharofati» ekanini uqtirish bilan davom etadi.

«Yaqin o‘tmishda sho‘ro zug‘umi tufayli e'tiqodidan mahrum etilgan ota-bobolarimiz hayit namozlarini pana-pastqamda, yashirinib o‘qigani» eslatilib, «xalqimiz bugungi istiqlol zamonida e'tiqod erkinligining toza havosidan nafas olayotganidan cheksiz faxr va g‘ururga to‘layotgani» uqtiriladi.

Maqolaning hamdu sano qismi yakunlangach, muallif yurtimiz qanchalik tinchu, dunyo qanchalik ostin-ustun bo‘lib yotganiga e'tibor qaratadi. Saudiyadagi Masjidi Nabaviya yaqinida va yana ikki shaharda kuni-kecha sodir etilgan terror harakatlari tilga olinadi.

«Turli mintaqalardagi qonli mojarolar, xalqaro terrorizm, ekstremizm tahdidi, jahon bo‘ylab davom etayotgan inqiroz har bir sog‘lom fikrli kishini mulohaza qilishga, aniqrog‘i, bugungi kunimizning, osoyishta hayotimizning qadriga yetishga undaydi», deyiladi maqolada.

Shundan so‘ng muallif «ayni paytda Yevropa mamlakatlarida aholining turmush sharoiti tobora pasayib, katta-katta korxona va kompaniyalarda ish o‘rinlari qisqartirilayotgani»dan fol ochadi va AQShda ishsiz darajasi 6 foiz, Yevropada esa 12 foizni tashkil etayotganidan tashvish bildiradi.

Maqolada bechora Yevropa salkam tanazzulga uchrayotgan bir paytda «yurtimizda tinchlik barqarorligi tufayli» yalpi ichki mahsulotimiz yiliga 8 foizdan o‘sib borayotgani, dunyo havas qiladigan yana allaqancha yutuqlarimiz borligi ta'kidlanadi.

Yuqoridagi hamdu sanoyu maqtovlarni, noo‘rin taqqoslashlarni o‘qigandan keyin parlari yal-yal tovlanib turgan tovusni ko‘rib hasaddan ichi kuygan tovuq: «Zato, bizning katakdagi xo‘roz hammanikidan zo‘r», deb o‘zini ovutgani to‘g‘risidagi latifanamo gaplar esga tushadi.

Eltuz.com

Tag‘in o‘qing
25 may 2022
2010 yilda 25 may sanasi National Center for Missing and Exploited Childrene – NCMEC tashkiloti tashabbusi bilan Yo‘qolgan bolalar ...
30 sentyabr 2015
Kecha majburiy paxta terimi jumladan bolalar ekspluatatsiyasi avj olgan Xorazm viloyatiga reydga chiqqan huquq himoyachilari Yelena Urlaeva va Malohat ...
12 fevral 2020
Gapning qisqasi, «Ilhom» teatrini o‘z o‘rnida qoldirishga erishildi. Ammo Toshkentdagi «Ilhom» teatri atrofida gap chuvalashdi. Ijtimoiy tarmoqlarda «Ilhom» teatr ...
12 aprel 2015
Sizga aeroportda yoki o‘zbek chegarasining boshqa qismida deklaratsiyalar to‘ldirishga to‘g‘ri kelganmi? – deya savol beradi jurnalist Qudrat Bobojonov. To‘g‘ri, ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...