Asosiy mavzular
2 sentyabr 2016

Karimovni ko‘mish marosimi 3 sentyabrga belgilandi

Samarqand markazidagi qabriston O‘zbekistonni 27 yil boshqargan marhum hukmdorni dafn qilishga hozir.

O‘zbekistondagi ”Eltuz” muxbiriga ko‘ra 1 sentyabrdan beri Samarqandda qolayotgan Bosh vazir Shavkat Mirziyoev janoza bilan bog‘liq tashkiliy ishlarni boshqarmoqda.

rasm1810Bu orada O‘zbekiston Vazirlar Mahkamasi 2 sentyabr tongida Islom Karimovning «sog‘ligi birdaniga yomonlashdi»deya shoshilinch habar tarqatdi.
Vazirlar mahkamasi shifokorlarga tayanib prezident vaziyatini «o‘ta og‘ir» deya baholadi.

«Aziz vatandoshlar, chuqur qayg‘u bilan shuni ma'lum qilamizki, o‘tgan sutkada Prezidentimizning sog‘ligi birdaniga yomonlashdi va shifokorlar vaziyatni o‘ta og‘ir deb baholamoqda», – deyiladi xabarda.

”Eltuz” muxbirining aytishicha oddiy aholi Karimovning o‘lganini allaqachon bilib bo‘lgan:

Qo‘l telefonlarida Karimov o‘lganiga bag‘ishlangan marsiya she'rlar tarqatilmoqda. Mana shulardan birini o‘qib bersam.

Yurt Otasi jannat degan joyda endi,
Bugun yig‘lab uyg‘onadi O‘zbekiston!
Bel bog‘laydi million – million o‘g‘loningiz,
Fig‘onlardan tars yorilib ketar osmon.
Obod bo‘lsin endi oxir makoningiz.
So‘ngi yo‘lga kuzatadi O‘zbekiston.

Samarqanddagi oddiy aholiga uydan tashqariga chiqmaslik, buyurildi, dedi ”Eltuz” muxbiri.

Muxbirning o‘z tasarrufidagi ma'lumotlarga asoslanib aytishicha, Karimovning jasadi solingan uchoq 2 sentyabr kuni Samarqandga kelgan.
Unga ko‘ra, Samarqand xalqaro aeroportiga tinimsiz uchoqlar kelmoqda.

Ma'lumotlarga ko‘ra, 3 sentyabr kuni O‘zbekistonga Rosiya federatsiyasi Prezidenti Vladimir Putin va AQSh Davlat kotibi Djon Kerri O‘zbekistonga kelmoqda,

Qozog‘iston prezidenti Nursulton Nazarboevning ham shanba  -3 sentyabr kuni O‘zbekistonga borishi ma'lum bo‘ldi.

Bu haqda Reuters agentligi Qozog‘iston hukumatidagi manbalarga tayangan holda xabar berdi.

Avvalroq Qozog‘iston prezidentining Xitoyga G-20 sammitiga borshi rejalashtirilgani aytilgan edi. Reuters agentligining yozishicha, Nazarboevning

O‘zbekistonga kelishi Xitoy safari kechiktirilganini anglatadi.

2 sentyabr kuni Reuters uchta diplomatik manbaga asoslanib Islom Karimovning o‘lganini ma'lum qildi.

Bundan oldin 29 avgust kuni Eltuz.com O‘zbekiston prezidenti o‘limi haqida habar bergan edi.

Eltuz.com

Tag‘in o‘qing
24 sentyabr 2015
O‘zi mustaqillikdan keyin tug‘ilgan, majburlikdan Rossiyaga ishlash uchun kelgan yosh yurtdoshimiz «SSSR davrida hammasi yaxshi edi» dedi yarim alam ...
20 noyabr 2020
Istayman: uyimning derazalari Doim ochiq tursin, lang ochiq tursin. Xonamda o‘ynasin quyosh zarlari, Yetmish yurt – iqlimdan shamollar yursin. ...
23 mart 2021
Turkmaniston hukumati karantin qoidalari sabab o‘z talabalarini mamlakat hududiga kiritmayapti. Talabalar chegara punktida qolib ketgan va bir necha kundirki, ...
25 yanvar 2019
25 yanvar kuni «Eltuz» nashri Toshkent viloyatining Angren shahri yaqinidagi tog‘li hududda joylashgan Yangiobod turbazasining bosib olingani haqidagi xabarni ...
Bloglar
21 aprel 2024
Kartinani kecha uyimga olib keldim. Bir kecha termilib yotmoqchi edim. Lekin imkon bo‘lmadi. Doimgidek hayot ...
6 aprel 2024
Bugungi kunda rus propagandasi faqat rus telekanallari orqali berilyapti degan odam qattiq yanglishadi, chunki propaganda ...
28 mart 2024
Rossiya gumondorlarini qiynagani IShID versiyasini yo‘qqa chiqarmaydi.  Bu yerda bir eski siyqa tryuk ishlatiladi. Spetsslujbada bu ...