Asosiy mavzular
7 noyabr 2016

Buni siyosiy hushyorlik deydilarmi?

Ayrim siyosiy partiyalarning nashrlari siyosiy hushyorlikning yorqin namunasini namoyon etdi.

«Adolat» partiyasining shu nomdagi gazetasi (4.11) ilk sahifasini saylovchilarni partiya yetakchisini emas, balki uning dasturini qo‘llab-quvvatlashga chaqirdi!

«O‘zbekiston «Adolat» sotsial-demokratik partiyasidan prezidentlikka nomzod Narimon Umarovning dasturini qo‘llab-quvvatlashga chaqiramiz», deb yozdi gazeta.

Xuddi shu holatni «Milliy tiklanish» gazetasida ham ko‘rish mumkin. U ham shu nomdagi partiyadan ko‘rsatilgan nomzodga oid ayni shunday chaqiriqni e'lon qildi.

To‘g‘ri, «Adolat» gazetasida partiya nomzodiga ovoz berish da'vati ham bor. Ammo bu chaqiriq gazetaning so‘nggi sahifasiga joylashtirildi.

«O‘zbekiston ovozi» esa (5.11) biroz dadillik qildi. Xalq demokratik partiyasidan nomzod Xatamjon (hamma joyda shunday yozilyapti, pasportdagi yozuv qursin-da!) Ketmonovga ovoz bering, deya baralla yozdi.

To‘g‘ri, nashrlar nomzodlarning o‘zinimi, ularning dasturlarinimi qo‘llab-quvvatlashga qanchalik chaqirmasin, saylov natijasi qanday bo‘lishini bugun mamlakatda ko‘pchilik bilib turibdi.

Shuningdek, partiyalar nashrlari ulardan prezidentlikka nomzodi ko‘rsatilgan shaxslarning dasturlarini e'lon qildi.

Bu dasturlarni sinchiklab qarab, bir jihatga e'tibor qaratdik. O‘zLiDeP nomzodi Shavkat Mirziyoevning dasturi aniq raqamlar, konkret summalarga juda boy. Sh.Mirzieyov hatto keyingi yili davlat tomonidan qilinishi yaqindagina deputatlar tomonidan tasdiqlangan rejalarni ham o‘z dasturiga tiqib yuborgan.

Masalan, buni 2017 yilga mo‘ljallangan aholi bandligi dasturiga oid qilinadigan ishlar, bo‘lajak qurilishlarga doir raqamlarda ham ko‘rish misolida ham mumkin.

Boshqa nomzodlarniki bilan solishtirganda Sh.Mirziyoevning dasturi xuddi marhum prezident Islom Karimovning davlatning kelajakdagi rejalari to‘g‘risidagi nutqlarini eslatadi.

Bundan xulosa shuki, Sh.Mirziyoev halitdan «o‘z juni bilan davlat juni»ni aralashtirib yuboryapti. Shu paytgacha davlat rahbari darajasida hal etilib kelingan masalalarni hali nomzod paytidayoq o‘z dasturiga kirib, «uyda kim xo‘jayin ekani»ni ko‘rsatib qo‘ygan.

Boshqa partiyalar nomzodlari dasturlari haqida bunday deb bo‘lmadi. Ular bir-birinikiga o‘xshash bo‘lgan, partiyalarning saylovoldi dasturlaridan kelib chiqadigan anchayin umumiy gaplardan iborat.

Xususan, deyarli barcha nomzodlar dasturlarida bandlikni ta'minlash masalasiga e'tibor qaratilgan bo‘lsa-da, O‘zLiDeP nomzodinikidan farqli o‘laroq, bunga tegishli birorta raqam yo‘q.

Shuningdek, aksariyat gazetalarda bo‘lajak saylovda birinchi marta qatnashayotgan yoshlar nomidan maqolalar berilyapti. Bu maqolalarda yoshlar «saylov kunini hayajon bilan, orziqib kutayotgani», «mazkur muhim jarayon ularda katta qiziqish uyg‘otayotgani» kabi balandparvoz gaplar qalashtirib tashlangan.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
3 may 2017
Karimov davrida shahar chekkasiga chiqarib tashlangan Shomahmudovlar haykali yana markazga qaytarilmoqda. “San'at asari o‘laroq men bu haykal majmuasini hech ...
11 may 2020
Bir manzara hech esimdan chiqmaydi. Adashmasam, 1996 yillar edi. O‘rda bozorida paypoq olaman deb, rastalar oralab yurgandim. Bir joyda ...
30 yanvar 2018
Rassom Dumham Eltuz.com
26 aprel 2018
Ohak zarralaridan ko‘zlari shikastlangan, davlat to‘ntarishida ayblanib qamalgan 28 yoshli toshkentlik bloger va yosh olim Akrom Malik hamon qamoqxona ...
Bloglar
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...
25 oktyabr 2022
Ulug‘ o‘zbek shoiri va muholifat lideri Muhammad Solih bilan suhbatning 10-qismida muxbir undan o‘z ota-bobolari ...