Asosiy mavzular
29 noyabr 2016

Xorijlik kuzatuvchilar o‘zimiznikilardek gapirmoqda

Jahon agentligi, go‘yoki horijliklar O‘zbekistondagi demokratik o‘zgarishlarga qoyil qolishayotganday shubhali usullarni qo‘llamoqda.

Yaqindagina O‘zbekistondagi prezident saylovi haqida jahonning nufuzli gazetalaridan birida tijoriy maqola chiqarib, keyin uni mazkur nashrning bu saylovoldi kampaniyasi demokratik va ochiq-oshkoralik ruhida o‘tayotgani to‘g‘risidagi fikri o‘laroq talqin qilgani uchun «Jahon» axborot agentligining yuzi qizargandi.

Shu jihatlarini o‘ylaganda saylov to‘g‘risida «Jahon» tayyorlagan, xalqaro kuzatuvchilar fikri o‘rin olgan maqolalar ancha jiddiy e'tibor talab qiladi shekilli. Chunki bu fikrlar dunyoning eng demokratik hisoblanadigan davlatlari vakillari nomidan e'lon qilinmoqda.

Bu fikrlarning e'tiborni tortadigan jihati esa ularning o‘zbekistonlik deputatlar, hukumat kosasidan nafsini qondiradigan arboblarnikiga juda-juda o‘xshab ketayotganidir.
Xalqaro kuzatuvchilarning «Jahon» AA tomonidan tayyorlangan ana shunday fikrlariga oid navbatdagi maqola «Xalq so‘zi» gazetasida (25.11) bosildi.

«Aholining keng ishtiroki, fuqarolik institutlari, ayniqsa, ovoz beruvchilarga har tomonlama ko‘maklashayotgan va mazkur muhim ijtimoiy-siyosiy tadbirni muvaffaqiyatli o‘tkazishga katta hisa qo‘shgan fuqarolarning o‘zini o‘zi boshqarish organlarining faolligiga qoyil qoldim», degan Belgiya Vakillar palatasi deputati David Geerts.

Agar bu deputat mahallaqo‘mning xalqni nazorat qilish, tegishli organlarga ma'lumotlar yetkazib turish, paxta terimi mavsumida majburiy mehnatga jalb qilishdagi faolligini bilganida yanada ko‘proq qoyil qolgan bo‘larmidi?!

2014-2015 yilgi parlament va prezident saylovlarida kuzatuvchi sifatida ishtirok etgan Belgiya faxriy senatori Dominik Tilmans esa o‘z hamyurtiga jo‘r bo‘lib: «O‘zbekistonni yaxshi bilganim bois mamlakat birinchi prezidenti Islom Karimov rahbarligida siyosiy, ijtimoiy-iqtisodiy va boshqa sohalarda keng ko‘lamli islohotlar muvaffaqiyatli olib borilganini ta'kidlashni istar edim», degan.

Faxriy senator bu «keng ko‘lamli islohotlar» xalqning tinkasini quritgani, aholi qashshoqligini tugatishga zarracha hissa qo‘shmayotganini bilganida balki shu ta'kididan qaytgan bo‘larmidi!?

Eslatib o‘tish kerakki, O‘zbekistonda shu paytgacha o‘tkazilgan birorta saylovni yevropaliklar demokratik va ochiq-oshkoralik, tenglik asosida o‘tdi, deb hisoblamagan. «Jahon» gapirtirgan yevropalik xalqaro kuzatuvchilar esa buning mutlaqo teskarisini aytadi.

Berlin shahridagi Xalqaro iqtisodiyot akademiyasi direktori Xans-Yoaxim Knaupe ham shulardan biri. U 2009 yilgi parlament saylovida xalqaro kuzatuvchi sifatida qatnashganini, bu saylov «ochiqlik va demokratiya asosida o‘tganiga ishonch hosil qilgani»ni bildirgan.

U, shuningdek, «O‘zbekiston to‘plagan ulkan tajribani hisobga olib, bo‘lajak prezident saylovi ham fuqarolarning faol ishtirokida, ularning huquqlari va qonuniy manfaatlariga rioya qilingan holda o‘tishi»ni ta'kidlagan.

Agar demokrat xorijliklar shuncha maqtovlarni aytayotgan ekan, o‘zimiznikilarning og‘iz ko‘pirtirishiga jon bor ekan-da, deb o‘ylab qoladi soddaroq kishilar.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
5 avgust 2019
O‘zbekiston prezidenti Shavkat Mirziyoev so‘nggi vaqtlarda xalqning cheksiz g‘azabiga duchor bo‘layotgan buz-buzlarda o‘zining aybi yo‘qligini bildirdi.  Davlat rahbari uy-joylar ...
15 yanvar 2019
Nemis shirkatlari Toshkentdagi Xalqaro forumlar saroyi qurilishi uchun o‘n yildan buyon o‘z ish haqlarini kutishmoqda. Germaniya matbuotiga ko‘ra, federal ...
1 sentyabr 2016
Bugun o‘zbek hukumati Karimov nomidan tabriklar yozmoqda va boshqa davlat raxbarlarinng prezident nomiga tabrik maktublarini qabul qilmoqda. Ayni paytda ...
2 noyabr 2023
Hukumatdagi Eltuz manbalarga ko‘ra, sobiq AKT vaziri Shuhrat Sodiqov Oliy ta'lim, fan va innovatsiyalar vaziri etib tayinlanishi kutilmoqda. Shuhrat ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...