Asosiy mavzular
28 noyabr 2022

Hukumat amaldorlarining san'at asarlariga bo‘lgan ikki xil munosabati

2014 yilning dekabrida Jinoyat ishlari bo‘yicha Yakkasaroy tumani sudi O‘zbekiston davlat san'at muzeyi bosh muhofizi Mirfayz Usmonovni 9 yilu 3 oyga ozodlikdan mahrum qilgan edi.

Jinoyat ishiga muzey fondidan yo‘qolgani va qalbakisiga almashtirilgani aniqlangan 25 ga yaqin rangtasvir asari asos bo‘lgan.

Biroq ayni muzeyga taalluqli ayrim tasviriy san'at asarlari 2013 yili uy qamog‘iga tashlangani iddao qilinadigan prezidentning to‘ng‘ichi Gulnora Karimovaning Jenevadagi uyidan topilgan edi.

2015 yilning 25 avgustida esa suratlar kamomadida ayblanib Nukusdagi Qoraqalpoq davlat can'at muzeyi direktori Marinika Bobonazarova ham ishdan bo‘shatildi.

Marinika Bobonazarova o‘zining ishdan bo‘shatilishini hukumat doxil shaxslarning muzey durdonalarini talon-taroj qilishlari uchun ochilgan yo‘l, deya baholagan edi.

Jumladan, 2015 yili 32 ta nodir kartina MXX zobiti bo‘lgan O‘zbekiston fuqarosi Yuriy Savinkovning uyidan topilgan.

O‘z davrida san'at durdonalari maskanlarining Gulnora Karimova va uning MXXdagi shotirlari uchun ochilgan kalitlari bugun boshqa shaxslar qo‘lida jaranglarkan, oldingi davrda kamomad qilgan muhofizni jazolashdan boshqacha munosabatni ham ko‘ramiz.

Masalan, hukumat nazdida istalmagan shaxs deya ko‘rilgan rassomning asarlarini yoqish istagini.

2016 yilning 2 dekabr kuni Urganch suratlar galereyasini tekshirgan MXX xodimlari galereya bosh muhofizi Shirin Toshevaga taniqli rassomlar Vyacheslav Oxunov va Shuhrat Bobojonov mo‘yqalamiga mansub 25 tacha asarni yoqishni buyurishdi.

Hamkasbi Mirfayz Usmonovdan farqqli Shirin Tosheva bunday jinoyatdan ko‘ra ishdan bo‘shash haqida ariza yozishni ma'qul ko‘rdi.

Oradan bir necha yil o‘tib, 2021 yilning noyabrida rassom Shuhrat Bobojonning ayni asarlari «Gilamlarda aks etgan urush» (War on carpet) kontseptsiyasi ostida Toshkentdagi «Hamar» ko‘rgazmalar zalida namoyish etildi.

Eltuz.com

Tag‘in o‘qing
7 dekabr 2018
Osiyo tennis federatsiyasining 1 dekabr kuni Filippin poytaxti Manilada o‘tgan yillik kongressida O‘zbekiston maxsus xizmatining sobiq raisi Rustam Inoyatov ...
30 aprel 2016
«Milliy tiklanish» gazetasi shu nomdagi partiya tashabbusi bilan joylarda «Oilalar saodati – mustaqillik samarasi» nomli tanlov o‘tkazilayotganini ma'lum qildi. ...
11 yanvar 2019
10 yanvar kungi selektor yig‘ilishida prezident Mirziyoev IIV ishini qoniqarsiz deb topdi. Vazirlikning o‘nlab rahbar xodimlari ishdan olindi. O‘tgan ...
20 noyabr 2020
Bugun kechqurun gazim yonmadi, o‘zi shundoq ham past yonardi. O‘tin-ko‘mir g‘amlamagandim. Kichkina elektrpech o‘zini o‘zi zo‘rg‘a isitdi, aksiga olib ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...