Asosiy mavzular
20 dekabr 2016

Va'da qilingan mashina terimi o‘rniga munosabatbozlik

Mahrum prezident Islom Karimovning har bir chiqishi, va'dalari ortidan xalqning turli qatlami vakillarining bu chiqishlarga munosabat bildirishi sovet davridan qolgan mazkur an'ananing umri uzayishiga xizmat qilib kelayotgan edi.

Yangi prezidentning chiqishlari ortidan ham mahalliy nashrlarda munosabatbozlik avjiga mindi. Xususan, Shavkat Mirziyoevning Konstitutsiya kuniga va prezident lavozimiga kirishishga bag‘ishlangan tantanali marosimlardagi ma'ruzalari ortidan gazetalar sahifa-sahifa munosabatlarni chop etmoqda.

«Adolat» gazetasida (16.12) e'lon qilingan ana shunday munosabat maqolalarning birida shu nomdagi partiyaning parlamentdagi deputati ko‘pchilik biladigan, lekin ochiq aytilmaydigan bir haqiqatni oshkor qilib qo‘ygan.

Bu maqolada deputat Qonunchilik palatasiga tashabbus huquqi asosida kiritilayotgan qonun loyihalarining asosiy qismi Vazirlar Mahkamasi tomonidan kiritilayotganini tan olgan.

Ya'ni u xalq saylagan deputatlar hukumat tayyorlagan qonun loyihalarini tasdiqlash bilan band ekanini, ularning o‘zlari qonunchilik tashabbuslari borasida deyarli ish qilmasligini aytib qo‘ygan.

«O‘zbekiston ovozi» gazetasi ham o‘z muassisi bo‘lmish Xalq demokrati partiyasi faollarining Sh.Mirziyoev ma'ruzalariga qator munosabatlarini e'lon qildi.

Bu faollar yangi prezident tilga olgan masalalarning «dolzarbligi» haqida to‘lib-toshib gapirib, mazkur ma'ruzalardan kelib chiqadigan «vazifalarni belgilab olish» bilan mashg‘ul shu kunlarda.

Eng qizig‘i, ular avvalgi prezidentning ma'ruzalaridan «kelib chiqadigan vazifalar»ni ham juda tez belgilab olar, ammo bu vazifalar ijro etilmay qolib ketaverar edi.

Shuning uchun xalqda bu faollarning Sh.Mirziyoev ko‘tarayotgan masalalarni yechish va'dalariga nechog‘lik ishonish mumkin, degan istihola paydo bo‘lishi tabiiydir.

Ayni paytda Mirziyoevning o‘zi ham va'dasining ustidan chiqishi bilan maqtana olmaydi. Uch yil avval u, 2016 yilda paxtaning 90% mashinalarda terilishini va'da qilgan edi.

Biroq paxta hamon va'da qilingan mashinalar o‘rnini bosayotgan minglab talabalar va davlat muassasalari xodimlari qo‘li bilan terilmoqda.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
30 noyabr 2016
Bir guruh o‘zbek faollari Telekommunikatsiya sektoridagi korruptsion sxemalar yordamida to‘plangan aktivlarning musodara qilinishi va korruptsiya jabrdiydalariga qaytarilishi lozimligi haqida ...
23 fevral 2016
Sobiq harbiy, iste'fodagi keksa podpolkovnik, 77 yoshli Botir Shermatovich Toshmuhammedov 1976 yildan buyon mudofaa kuchlariga qarashli ikki xonali uyida ...
15 dekabr 2020
O‘zbekistonning barcha viloyatlarida MFY amaldorlari tarozi ko‘tarib, odamlar vaznini o‘lchab yuribdi. Haddan oshiq semizlar esa maxsus daftarga xatlanmoqda. Kelajakda ...
4 yanvar 2018
So‘nggi ikki hafta ichida mamlakat viloyatlari bo‘ylab jami 54 ta militsiya postlari tugatildi. IIV matbuot xizmatiga ko‘ra, tugatilgan postlarning, ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...