Asosiy mavzular
13 yanvar 2017

Inson huquqlari vaziyatini yaxshilash – ustivor vazifa

Hokimiyat almashinuvi masalalarini hal etish va ichki siyosatni belgilashda Markaziy Osiyo davlatlari rahbarlari fuqarolarning huquqlari va erkinliklari kafolatini ta'minlashga o‘ta jiddiy e'tibor qaratishi kerak, deya bayonot berdi «Hyuman rayts uotch» 12 yanvarda o‘zining 2017 yilgi jahon hisoboti e'lon qilinishi munosabati bilan.

«Markaziy Osiyoda inson huquqlarining ko‘pgina jabhalari inqiroz holatidadir, – deydi «Hyuman rayts uotch» tashkilotining Yevropa va Markaziy Osiyo bo‘yicha direktori Hyu Uilyamson. – Mintaqa mamlakatlari rahbarlari elitalar o‘rtasidagi kurashlar bilan ovora bo‘lish yoki o‘z hokimiyatini mustahkamlash o‘rniga qatag‘onlarni bas qilishga intilib, hibsxonalarda qiynoqlarga barham berish, so‘z erkinligini ta'minlash va hokimiyatni tanqid qilgani uchun qamoqqa
tashlanganlarni ozod etish bilan shug‘ullansa, maqsadga muvofiq bo‘lardi.

«Hyuman rayts uotch»ning 687 sahifalik 27-jahon hisobotida 90 dan ortiq mamlakatdagi inson huquqlari bilan bog‘liq vaziyat tahlil etilgan.

Unda aytilishicha, O‘zbekistonda Islom Karimov davrida bosh vazir lavozimini egallab turgan Shavkat Mirziyoevning hokimiyat tepasiga kelishi hozircha mamlakatdagi inson huquqlari bilan bog‘liq ayanchli vaziyat amalda bir qadar yaxshilanishiga umid uyg‘otayotgani yo‘q. Hokimiyat hali-hamon yig‘ilishlar, fikr bildirish va din erkinligini o‘ta cheklagan holda fuqarolarni ommaviy nazorat qilmoqda. Siyosiy ayblar bilan qamalgan minglab odamlar panjara ortida qolmoqda, qiynoqlar keng tarqalgan, huquq himoyachilari, muxolifatchilar va jurnalistlar muntazam ta'qib-tazyiqlarga duchor qilinmoqda. 2016 yilgi paxta yig‘im-terimi mavsumida milliondan ortiq kishi dalaga jo‘natildi va og‘ir sharoitlarda mehnat qildi.

Hisobot bilan rus tilida quyidagi ilovada tanishish mumkin: Vsemirnыy doklad 2016: Uzbekistan

Eltuz.com

Tag‘in o‘qing
6 aprel 2015
O‘zbekiston Inson huquqlari markazi direktori Akmal Saidov deyarli 20 yildan buyon xalqaro tashkilotlarda Islom Karimovning himoyachisi bo‘lib chiqishlar qilib ...
1 noyabr 2016
Teramiz paxta, Yotamiz zaxda… Qornimiz och, paxtadan qoch Do‘xtirga Paxta… Qozonda makaron Oshqozon hayron Domlalar der: «Paxtani ter qolmasin ...
19 dekabr 2018
Fuqarolik ishlari bo‘yicha Urganch tumanlararo sudi sudyasi Zokirjon Ibragimov 14 dekabr kuni 12 ming AQSh dollarini pora sifatida olayotganida ...
2 oktyabr 2015
29 sentyabr kuni o‘zbek huquq himoyachilari Yelena Urlaeva va Maloxat Eshonqulovalar Xorazm viloyat Xazorasp TIIB militsionerlari tomonidan ushlangan va ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...