39 kishini o‘ldirganlikda gumon qilingan Masharipov ushlandi

17 yanvarga o‘tar kechasi Masharipov bilan birga qirg‘iz millatiga mansub bir erkak va uch ayol ham qo‘lga olingan.

Shu bilan birga Istanbuldagi Markaziy Osiyodan kelgan salafiylar yashaydigan hujralarda reydlar davom etmoqda.

Turkiya matbuotiga ko‘ra, terrorchinig yonida 4 yashar o‘g‘li ham bo‘lgan. Gumon qilinuvchilar Vatan ko‘chasidagi Istanbul Amniyat mudirligiga keltirilgan.

O‘ta sir tutilgan amaliyot Istanbul Amniyat mudirligi Terrorga qarshi kurash va istixborat sho‘'basi tarafidan amalga oshirildi.

Matbuot habarlariga ko‘ra terrorchi yashayotan uyiga birdan bosqin uyushtirilgan va Masharipovning qo‘l-oyog‘i kishanlangan.

Qo‘liga kishan solinayotgan paytda Masharipov zobitlarga tashlangan.

Ba'zi ma'lumotlarga ko‘ra, qo‘liga kishan solingan Masharipov amniyat zobitlari tarafidan kaltaklangan.

Masharipov turk matbuotida o‘zbekistonlik yoki tagi o‘zbek degan tarzda taqdim qilinmoqda.

Masharipovning O‘zbekiston vatandoshi ekanligi haqida aniqlama yo‘q.

Uning xotini va bir yarim yashar qizi Istanbulning Moltepa mavzesida salafiy o‘zbeklar yashaydigan mahallalardan birida 12 yanvar kuni o‘tkazilgan reyd chog‘ida qo‘lga olingan edi.

Ayni reyddan sal avval Masharipov 4 yashar o‘g‘lini olib qochib ketgani ham aniqlandi.

Turk matbuotida yozilishicha, IShIDning o‘zbek hujralaridan birida ta'limot olgan Masharipov 15 dekabr kuni Turkiyaning Ko‘nya shahridan Istanbulga kelgan.

Ma'lum bo‘lishicha qatliomda qo‘llanilgan qurollar IShIDning o‘zbek xujrasi faollari tarafidan Istambulga keltirilgan.

Iddaoga ko‘ra ayni faollar Masharipovning hujum uyushtirgani ortidan logistik qo‘llovni muntazam amalga oshirishgan.

IShID archaga qarshi

IShID ekstremistik guruhi yangi yil kechasi Istanbulda 39 kishi o‘ldirilgan tungi klubga hujum uchun mas'uliyatni o‘z zimmasiga oldi.

Guruh nomidan e'lon qilingan bayonotda aytilishicha, «xalifalik askari nasroniylar bid'at bayramni qutlayotgan klubga hujumni amalga oshirgan».

Istanbuldagi Reina tungi klubidagi hujumda 39 kishi halok bo‘lgan, 69 odam yaralangan.

Eltuz.com