Asosiy mavzular
11 mart 2023

11 mart – Litva mustaqilligi akti imzolangan kun

1990 yilning 11 martida Litva parlamenti davlat mustaqilligi tiklangani haqidagi aktni tasdiqladi.

80-yillarda Boltiqbo‘yi mamlakatlarida boshlangan milliy ozodlik harakatlari keyinchalik O‘zbekiston mustaqilligining ham xamirturushi bo‘lgan edi.

Sovet imperiyasiga qarshi Litva, Latviya va Estoniya xalqlari yakdil kurash olib borishgan

1988 yili tashkil topgan «Sayudis» ijtimoiy-siyosiy harakati madaniy qadriyatlar, demokratiya, iqtisodiy erkinliklarni ko‘zlab, amalda davlat mustaqilligini tiklash ishlariga bosh bo‘ldi.

Ayni harakat tamoyillari keyinchalik «O‘zbekiston erkin yoshlari uyushmasi» va «Birlik» xalq harakati nizomi uchun asos qilib olindi.

Boltiqbo‘yi xalqlarining ozodlik harakati o‘zbek muxolifati uchun ham o‘rnak bo‘ldi

Zohir A'lam, Davron Yo‘ldoshev kabi o‘zbek ijodkorlari ham o‘sha yillari Litvaga borib, «Sayudis»ning erkinlik uchun kurash uslublarini o‘rganib qaytishgan edi.

1988 yili Litva, Estoniya va Latviya muxolifati vakillari SSSR tarkibidagi boshqa respublikalar, xususan, O‘zbekiston bilan ham aloqalar olib borishgani, «Pribaltizdat» nomi bilan mashhur nashrlarning butun ittifoq bo‘ylab qo‘lma-qo‘l tarqalgani haqida ma'lumotlar bor.

Toshkentdagi Talabalar shaharchasida yoshlar yashirincha o‘qiydigan, Rossiyada chop etilgan qo‘lbola inqilobiy «samizdat»lardan farqli o‘laroq, «Sayudis»ning rus tilidagi «Vozrojdenie», «Soglasiya», «Kauna aydas» vaqtli nashrlari poligrafiya sifati bilan ham ajralib turar edi.

1988-89 yillarda «Turkiston yoshlari manifesti», «Ku-ku-88», «Erkin so‘z», «Birlik» kabi «samizdat»lar chiqarilgan.

1989 yilning 18 mayida Litva SSR Oliy Kengashi respublika suverenitetini e'lon qildi, 1990 yilning 11 martida esa Litva mustaqilligining tiklanishi aktini qabul qildi.

1991 yili Litva Respublikasi mustaqilligi ilk bor Islandiya tomonidan tan olindi. Avgust putchidan keyin esa Rossiya tomonidan ham e'tirof etildi.

1991 yilning 17 sentyabrida Litva BMTga a'zo bo‘ldi.

Eltuz.com

Tag‘in o‘qing
28 noyabr 2019
Turkiyada yashayotgan taniqli adib va siyosatchi Muhammad Solih shu yilning 20 dekabrida 70 yoshga to‘ladi. Muhammad Solih hayoti haqidagi ...
29 oktyabr 2018
So‘nggi olingan xabarga ko‘ra, «Amerika ovozi» radiosining Istanbulda hibsga olingan, Malik Mansur taxallusi ostida ishlaydigan 49 yoshli muxbiri Abdumalik ...
3 noyabr 2021
O‘zbekiston tashqi ishlar vaziri Abdulaziz Komilovning Rossiya jurnalistlari uchun 22 oktyabrda bo‘lib o‘tgan matbuot anjumanida gapirgan gaplari o‘zbek faollarining ...
18 dekabr 2019
Bundan roppa rosa 33 yil oldin, 1986 yilning 17-18 dekabr kuni Sovet Ittifoqi rahbariyati Olmaota yoshlarining isyonini shafqatsizlarcha bostirgan ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...