Asosiy mavzular
20 aprel 2017

Toshkent hokimlari nega almashdi?

18-19 aprel kunlari Toshkent shahar hokimlarining yarmidan ko‘pi almashgani sabablarini tahlil qilgan Kun.uz nashri eng avvalo buni aholidan tushayotgan shikoyatlar bilan bog‘laydi.

So‘nggi ikki kun ichida Toshkentning 11 ta tumanidan 6 tasida hokim almashgani yuzasidan ekspert fikri chop etilgan maqolada, hokimlarning yoppasiga almashtirilishi ortida ularning fuqarolar murojaatiga e'tiborsizligi sabab bo‘layotganini tusmol qilinar ekan, bu borada nashr o‘z eksperti mulohazalariga ham joy beradi.

Ismi keltirilmagan ekspert bu o‘zgarishlar borasida bir necha taxminni bayon qiladi.

Uning fikricha, bunga birinchi sabab Toshkent shahrining rahbar kadrlari mamlakat hukumati darajasidagi kadrlar bilan boyitilayotganidir.

Shuningdek, yangi tayinlovlar o‘ziga xos “shtrafbat” ham bo‘lishi ehtimoli yo‘q emas.

“Tumanlarga tayinlanayotgan hokimlar ilgari markaziy idoralarda rahbar bo‘lib, tarallabedod bo‘lib yurgan bo‘lsa, mamlakat rahbariyati ularning ko‘zini ochib qo‘yish maqsadida muammoli tumanlarga rahbar qilib yuborayotgan bo‘lishi mumkin”, degan ekspert.

Ekspert bu o‘zgarishlar shahar hokimi mamlakat rahbariyati oldida o‘z pozitsiyasini yo‘qotib borayotganligini ko‘rsatayotganini ham aytgan.

“Voqealar rivoji shuni ko‘rsatmoqdaki, (Toshkent shahri hokimi) Rahmonbek Usmonov ham ishdan olinishi yoki lavozimi tushirilishi, uning o‘rniga esa yana bir yuqori lavozimli amaldor tayinlanishi mumkin”, degan xulosa keltiriladi maqolada.

Internet nashr hokimiyat tizimlaridagi lavozim o‘zgarishlari haqida mulohazalar bildirgani ortidan mahalliy matbuot hozircha ancha chegaralangan erkinlik havosidan kuch olayotganini taxmin qilish mumkin.

Lekin, maqolada arifmetikaning oddiy qoidasi, miqdor ichidagi raqamlar o‘rni almashgani bilan summa o‘zgarmasligi aytilmayapti.

Ya'ni eski amaldorlarning faqat o‘rni almashtirilayapti xolos.

Korruptsiyaga botgan ta'lim tizimi jiddiy islohotga muhtoj va u mamlakat ravnaqini o‘zgartira oladigan yangi kadrlarni yetkazib berayotgani yo‘q.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
5 avgust 2018
1997 yili meni hayratga solgan voqea birinchi raketka ustasining otasi va murabbiyi Shteffi Grafning soliq to‘lashdan bo‘yin tovlagani uchun ...
12 noyabr 2019
“Bizlarni Toshkentga chaqirsa, bilingki, faqat MVD podvaliga olib kelishadi. “Erk”ni batamom yo‘q qilishni kreslodagi qo‘tir eshshak ukasi Zokir qo‘tirga ...
22 aprel 2017
Rossiyalik muxolifatchi bloger Aleksey Navalniyning fikricha, tagi o‘zbekistonlik bo‘lgan milliarder Alisher Usmonov turli yo‘llar bilan pora berganini yashirmoqchi. Aprel ...
1 avgust 2019
O‘zbekiston ham sharmandali ravishda uyg‘ur qardoshlarimizga bo‘layotgan Xitoy hukumati zulmini qo‘llab chiqqan 50 ta davlat qatoriga qo‘shildi. Adolatdan, o‘z ...
Bloglar
14 sentyabr 2020
Bir tanishim bor edi. Hozir o‘tib ketgan. Ikki-uch yilda chorraha yoki metro vagonida to‘qnash kelib ...
11 sentyabr 2020
“Biz tomonlargayam koronavirus infektsiya yetib keldi. Qishlaxta o‘n beshta odamda o‘sha kasallik bor ekan”,- dedi ...
7 sentyabr 2020
Bizda bugundan sovuqroq kuzak shamoli boshlandi. Men kabi sovuqqa yupqa odamlar yengi uzun ko‘ylak kiyib ...