Asosiy mavzular
18 dekabr 2017

Biz qashshoqlashdikmi?

Davlat statistika qo‘mitasi ma'lum qilgan ma'lumotlarni tahlil etib, rasmiy matbuotda «Ijtimoiy fikr»ga asoslanib aytilganidek, farovonligimiz yuksalayotganini emas, balki so‘nggi bir yilda ancha qashshoqlashganimiz ayon bo‘lib qoladi.

Statistika qo‘mitasi ma'lumotlariga ko‘ra, joriy yilning dastlabki 9 oyida mamlakatimizning yalpi ichki mahsuloti hajmi 170 trillion so‘mni tashkil etgan.

Agar buni AQSh dollariga o‘girsak, taxminan 40 milliard chiqadi. Iqtisodchilarning fikricha, yillik YaIM joriy yil oxirida 60 milliard dollar atrofida bo‘ladi.

60 milliard dollarni mamlakatimiz aholisi soniga, ya'ni 32 million kishiga bo‘lsak, 1875 dollar chiqadi.

Iqtisodchi emasmiz, shuning uchun boshqa jihatlarga e'tibor qaratmay, faqat mana shu yalang‘och raqamlar bilan ish ko‘rishga majburmiz.

MVF ma'lumotiga ko‘ra, 2016 yilda O‘zbekistonda kishi boshiga YaIM hajmi 2122 dollar bo‘lgan va 186 ta davlat ichida 133-o‘rinni egallagan.

To‘lov qobiliyati pariteti (PPS) bo‘yicha hisoblaganda esa bu ko‘rsatkich 6561 dollarni tashkil etgan va 187 davlat ichida 125-o‘rinda turganmiz.

Aytib o‘tilgan davrda O‘zbekistonda o‘rtacha oylik miqdori 1 million 346 so‘mdan iborat bo‘ldi. Agar buni dollarga chaqsak, 120 dollardan bir-ikki chaqa ko‘proq chiqadi.

Bu raqamlarni ko‘rgandan keyin bir vaqtlar Islom Karimovning mamlakatda o‘rtacha ish haqi 400-500 dollar ekani to‘g‘risidagi dabdabali, ayni paytda ko‘pchilikning istehzoli kulgisiga sabab bo‘lgan gaplari esga tushadi.

Hali ham AQShning puliga o‘girganda 120 dollar chiqqan oylik o‘tgan yilning shu davriga nisbatan 14,2 foiz o‘sgani. O‘sgandayam so‘mga nisbatan o‘sgan. Dollarga nisbatan esa aslida qancha o‘sgan yoki pasayganiga aniqlik kiritilgani yo‘q.

Lekin bir narsa aniq, valyuta konvertatsiyasining yo‘lga qo‘yila boshlagani O‘zbekiston iqtisodiyotining misini chiqardi. Aslida ahvolimiz qandayligi ancha oydinlashdi.

Konvertatsiyaning ijobiy holat ekaniga shubha yo‘q. Ammo konvertatsiya bahonasida bozorlarda narx-navo quturgani ayni haqiqat.

Samolyotda jahon narxida uchamiz, temir yo‘lda jahon narxlarida yuramiz, benzinni jahon narxlariga yaqinlashtirishga shoshib yotibmiz.

Xalqaro reytingda Toshkent yashash eng qimmat bo‘lgan shaharlar ro‘yxatida yetakchilar qatorida ekanini esa qanday izohlashni ham bilmaydi odam.

Hammasi jahon narxlari tomon chopmoqda. Oyliklarimizu yashash sharoitimiz qachon jahonnikiga yetib olar ekan, shunisiga aql yetmaydur!

Eltuz

Tag‘in o‘qing
27 aprel 2017
Hukumat «Bolalar sog‘lig‘iga zarar yetkazuvchi axborotdan ularni himoya qilish to‘g‘risida»gi qonun loyihasini muhokamaga qo‘ydi. Bu qonun kuchga kirsa, hukumat ...
13 dekabr 2018
Filmning so‘nggi, 5-qismi sobiq militsiya mayori, xalq orasida “Rembo” deya nom qozongan Qahramon Xo‘jaqulov qarindoshlarining sirli o‘limlari, Xo‘jaqulovni hibsga ...
21 fevral 2021
Jizzax viloyatining Baxmal tumanidagi Do‘smat qishlog‘ida yashovchi Ulug‘bek Murodov Senat raisasi Tanzila Norboeva bergan va'dasini bajarmagani xususida ijtimoiy tarmoqda ...
15 fevral 2021
Voqea bizning kunlarda bo‘lib o‘tadi. Farhod 18 yoshda. U sevgiga mushtoq. Ma'naviyatsiz sinfdoshlari telefonda hard porno ko‘rib o‘tirishganida Farhod ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...