Asosiy mavzular
27 noyabr 2018

Sustlashayotgan siyosiy iroda

O‘zbekistonning bosh rasmiy huquq himoyachisi Akmal Saidov hozir ancha o‘zgargan. Mamlakat Inson huquqlari milliy markaziy rahbari sohada ko‘tarilgan og‘riqli masalalarga ham bosiqlik va mulohaza bilan javob berishga harakat qilyapti.

Hatto uning inson huquqlari borasidagi sa'y-harakatlarini ochiqda e'tirof etganlar ham topilyapti.

Xususan, yaqinda Samarqandda bo‘lib o‘tgan Osiyo inson huquqlari forumi ishiga baho bergan O‘zbekiston shaxs huquqlarini himoya qilish qo‘mitasi raisi, shu bilan birga, Germaniyadagi Xalqaro inson huquqlari jamiyati kotibiyati bosh kotibi Marat Zohidov Akmal Saidov sha'niga maqtov yog‘dirdi ham.

“Ta'kidlash kerakki, bo‘lib o‘tayotgan forum Inson huquqlari milliy markazi direktori Akmal Saidov va jamoasining yutug‘idir. Men uning faoliyatiga salbiy baho berib judayam adashgan ekanman”, dedi soha vakillari orasida hukumatga murosasozligi bilan tanilgan M.Zohidov.

“Ish uslubi va shakli, shuningdek, o‘tgan ikki yil davomida O‘zbekistonning ko‘rinib turgan yutuqlari mamlakatning munosib kelajagiga ishonch uyg‘otadi”, deb yozdi u.

Ha, O‘zbekistonda so‘nggi ikki yil davomida inson huquqlari sohasida qator ijobiy o‘zgarishlar ko‘zga tashlandi.

Ko‘plab huquq himoyachilari qamoqdan chiqarildi, o‘z e'tiqodi uchun ta'qibga uchraganlarga nisbatan bosimlar kamaydi.

Akmal Saidovning Yevropada bo‘lib o‘tgan xalqaro anjumanda mamlakatdagi inson huquqlari holati bo‘yicha tanqidlarga javoban stol mushtlagani voqeasini ham kimlardir unutdi.

Bugun esa o‘sha paytda mamlakatda inson huquqlari buzilishi faktlarini tan olmagan bu shaxs bo‘layotgan o‘zgarishlar haqida og‘iz ko‘pirtirib, yana sahnada bosh rolni o‘ynamoqda.

Yuz bergan ijobiy o‘zgarishlar hukumatning siyosiy irodasi bo‘lsa, mamlakatda inson huquqlari holatini yaxshilash imkoni borligini ko‘rsatmoqda.

Shunga qaramay, so‘nggi vaqtlarda huquq himoyachilarini nazoratda ushlash harakatlari yana kuchayayotgani haqidagi xabarlar bu siyosiy iroda hali ancha sust ekanidan darak beradi.

Jumladan, o‘sha maqtalgan Osiyo inson huquqlari forumida hukumat pozitsiyasini tutmayotgan, haqsizlikka qarshi murosasiz turgan mahalliy huquq himoyachilari taklif etilmadi.

Aksincha, ba'zi huquq himoyachilari huquq-tartibotorganlari tomonidan ushlandi, boshqalarini o‘z uyidan chiqarmaslik choralari ko‘rildi.

Umuman, inson huquqlari borasidagi ahvol yana iziga qaytayotgani haqidagi bu kabi xabarlar ancha xavotirlarga sabab bo‘lishi kerak.

Yuqoridagilardan xulosa qilish mumkinki, huquq himoyachilari ustidan nazoratni kuchaytirish fikri ham yana o‘sha yuqoridan kelib chiqqan.

Lekin bu fikr xato ekanini o‘tgan yaqin tariximiz to‘la ko‘rsatib berdi. Endi xatolardan xulosa chiqarib, to‘g‘ri yo‘lni tanlash fursati yetdi.

Zero, inson huquqlari ishonchli ta'minlanmagan davlatda taraqqiyot ham, farovonlik ham bo‘lmasligini tushunib yetishimiz uchun yetarli xatolar qilib ulgurganmiz.

Sardor Azim
eltuz.com

Tag‘in o‘qing
23 aprel 2019
So‘nggi vaqtlarda bosh vazir o‘rinbosari Tanzila Norboeva, bandlik va mehnat munosabatlari vaziri Sherzod Kudbiev, mamlakatning AQSh va Belgiyadagi elchilari ...
21 may 2018
Andijon shahrining so‘kong‘ich hokimi Dilmurod Rahmatullaevning tilini tushovlashning umuman imkoni bo‘lmayapti. O‘tgan yili shunday fe'li sababli u sud qarori ...
7 dekabr 2017
AQSh Davlat departamenti; AQSh Adliya departamenti; Birlashgan qirollikning Hamdo‘stlik ishlari va tashqi ishlar vazirligi. Markaziy Osiyoda inson huquqlari uyushmasi, ...
26 sentyabr 2016
Oliy Majlis palatalarining qo‘shma qarori bilan amaldagi bosh vazir, mustaqil kuzatuvchilar fikricha, noqonuniy tarzda prezident vazifasini bajaruvchi etib tayinlanishini ...
Bloglar
18 yanvar 2022
Tarmoqda ikki toifa mullalar bir-biri bilan qirpichoq bo‘lmoqda. 1-toifa: Hukumat va DXX yo‘rig‘ida yurib chiziqdan ...
16 yanvar 2022
O‘zbekistondagi har bir mulozimning ichida bitta shoir, har bir shoirning ichida bitta mulozim yashaydi. Bu ...
10 yanvar 2022
O‘zini bir guruh faollar deb tanishtirgan guruh Eltuz telegram kanaliga yozib, quyidagi murojaatni chop qilishni ...