Namanganlik aktyorlar qorong‘u cahnada yangi yilga tayyorlanishmoqda

Qalin kurtkalar, quloqchinlar kiyib, smartfon yorug‘ida turgan bu odamlar – Namangan musiqali drama aktyorlari. «Eltuz»ga ushbu suratni jo‘natgan muxlisga ko‘ra, ular 17 dekabr kuni teatrning qorong‘u va sovuq zalida bu yilgi yangi yil spektakli repetitsiyasini qilishmoqda…

Teatr jamoasiga tezlik bilan yangi yil tomoshalariga tayyorgarlik ko‘rish haqida «yuqori»dan buyruq bo‘lgan. Lekin, rasmda ko‘rinib turganidek, chiroq berilmagan, teatr zali juda sovuq.  

«Namangan teatri ijodkorlari og‘ir ahvolda ishlashyapti. Teatr garderobdan boshlanadi, degan kalima bugun Namangan teatriga taalluqli emas», dedi «Eltuz»ga surat muallifi D.F.

Namangan davlat musiqali drama teatriga ilk bor havaskorlik jamoasi ko‘rinishida 1931 yili asos solingan.

O‘tgan yillar davomida teatr sahnasiga Cho‘lponning «Hujum», K.Gotsining «Malikai Turondot», Shillerning «Makr va muhabbat», Shekspirning «Qirol Lir nabiralari» kabi sahna asarlari olib chiqilgan edi.

Eltuz.com