Asosiy mavzular
4 mart 2019

Chiqindixonalarga “o‘lpon” solindi

Toshkentdagi aholining maishiy chiqindilari yig‘iladigan shoxobchalarga plastmassa va makulatura topshirish majburiyati yuklandi.

Poytaxtdagi chiqindi yig‘ish shoxobchasida ishlaydigan Abror akaning “Eltuz”ga bildirishicha, endilikda u har oyda 45 kilogramm plastmassa va 20 kilogramm makulatura yig‘ib topshirishga majbur bo‘lmoqda.

“Ilgari baklajka va qog‘oz to‘plab, lo‘lilarga yoki ularni yig‘ish bilan shug‘ullanadigan boshqa odamlarga sotar edik. Tirikchiligimiz shu edi. Chunki beradigan oyligi urvoq ham bo‘lmaydi. Buxorodan kelib, yangangiz bilan shu joyda yashaymiz. Atroflarini ham toza-ozoda tutamiz. Shu chiqindilarni saralab yig‘ib, keyin sotib, ro‘zg‘or o‘tkazayotgandik. Endi bu ham kimlargadir ko‘p ko‘rindi shekilli”, deydi suhbatdosh.

Toshkentdagi chiqindixonalar “Maxsustrans” davlat korxonasiga qarashlidir. Har bir chiqindi yig‘ish shoxobchasiga maxsus odam biriktirilgan.

Bu xodimlarga chiqindilarni saralash, tozaligini nazorat qilish kabi vazifalar yuklangan.

Chiqindixonada ishlovchilar plastmassa va makulaturadan tashqari non bo‘laklari, temir-tersak kabilarni ham yig‘ib, bir-ikki so‘m daromad topadi.

Abror akaning so‘zlariga ko‘ra, u ilgari plastmassaning bir kilogrammini 3 ming so‘mdan sotgan. Hozir esa bu narx ham nima sababdandir 2 ming so‘mga tushib qolgan.

“Bolalarim hali o‘zini tiklab olgani yo‘q. O‘zimizda ish bo‘lmagani uchun uzoqdan kelib, bu sassiq joyda ham yashab, ham ishlab bir kunimizni ko‘rayotgandik. Endi Rossiyaga ketishni o‘ylab turibman”, dedi Abror aka.

Joriy yil boshidan buyon O‘zbekistonda chiqindi uchun to‘lovlarni undirish “Maxsustrans” tashkilotidan Majburiy ijro byurosi (MIB) ixtiyoriga berildi.

Ammo yil boshidan bu aholidan chiqindi uchun to‘lovlar qabul qilinmayapti. MIB xodimlari buning sababini avvalgi to‘lovlar bo‘yicha hisob-kitoblarni va o‘zaro vazifalarni aniqlashtirib olish zarurati bilan izohlamoqda.

Aholidan to‘lovlarni qabul qilish qachon boshlanishi masalasi esa hamon ochiqligicha qolayotir.

So‘nggi yillarda plastmassa va qog‘oz chiqindilarini yig‘ish Toshkentda juda yaxshi biznesga aylangan. Daydilar va alkashlar, ba'zan esa iqtisodiy nochor oddiy fuqaro ham bu chiqindilarni yig‘ib, ularni qabul qiladigan shoxobchalarga topshirish orqali kun o‘tkazib keladi.

O‘z navbatida, bu holat poytaxt obodonchiligiga ham ijobiy ta'sir ko‘rsatdi. Toshkentning nisbatan ozoda shahar sifatida tanilishiga mazkur biznes rivojining o‘rni katta.

Hukumat bu biznesni bir qolipga solish, ekologiya va atrof-muhit tozaligini asrash maqsadida chiqindini qayta ishlash sohasiga e'tibor qaratishni boshladi. Shu maqsadda maxsus loyihalarni hayotga tatbiq etishga kirishilgan.

Xususan, chiqindilarni yig‘ish, qayta ishlashga investorlarni jalb qilish sa'y-harakatlari bormoqda.

Ammo bu investorlar ham xuddi qurilish sohadagi (masalan, “Toshkent siti”ni qurayotgan shirkatlar) kabi shubhali sarmoyadorlar bo‘lishi ehtimoli ham yo‘q emas.

“Endi chiqindilar bilan ham Toshkent shahri hokimining biznes tuzilmalari shug‘ullanadi, degan gaplar chiqyapti. Lekin bu gaplar qanchalik to‘g‘riligini bilmayman”, deydi poytaxtdagi chiqindi yig‘ish shoxobchasida ishlovchi Abror aka.

Bahodir Sharif
eltuz.com

Tag‘in o‘qing
24 may 2019
Internetning o‘zbek segmentini stakan deb qarasak, bu stakan ichida vaqti-vaqti bilan to‘fonlar yuz berayotganini kuzatamiz. Ëki Matbuot agentligi bu ...
24 may 2018
Muhammad Bekjonning ukasi Rashid Bekjon ham deyarli Toshkentdagi 1999 yil 16 fevral portlashi sodir bo‘lgan kuni qamalgan akasi Komil ...
19 oktyabr 2020
Prezident Shavkat Mirziyoev 8 oktyabr kungi chiqishida rahbarlar uyma-uy yurib, ishsizlik muammosini hal qilishlari kerakligi haqida gapirdi. Qishloq xo‘jaligi ...
30 noyabr 2022
Ulug‘ o‘zbek shoiri va muholifat lideri Muhammad Solih suhbatning 15-qismida yoshligida yozgan she'rlarini o‘qib beradi. @eltuz
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...