Asosiy mavzular
30 mart 2019

Kitoblari va telefoni olib qo‘yilgan shoir Mahmud Rajab Toshkentga chaqirildi

Toshkent aeroporti bojxonasida kitoblari va telefoni olib qo‘yilgan o‘zbekistonlik shoir, xorazmlik 56 yoshli Mahmud Rajab 30 mart kuni unga bojxona bo‘limidan qo‘ng‘iroq qilishganini «Eltuz»ga bildirdi.

«Hozir Gurlandaman, Toshkentga 1 aprel kuni yetib borishim kerak ekan. Menga bu haqda bojxona noziri, leytenant Husan Boboniyozov qo‘ng‘iroq qilib aytdi, dushanba kuni soat 10.00 ga Toshkent aeroportiga yetib kelishimni tayinladi», dedi Mahmud Rajab.

Bojxona xodimi Mahmud Rajabdan musodara qilingan Muhammad Solih va uning ukasi Muhammad Bekjonning kitoblari, shuningdek, uning olib qo‘yilgan telefoni ekspertizadan o‘tkazilgani, unga nisbatan diniy idora xulosasi olinganini ma'lum qilgan.

Mahmud Rajab Muhammad Solihni vatanga qaytarishni so‘rab prezident Shavkat Mirziyoevga murojaat bilan chiqqan o‘zbek ziyolilarining biridir.

«Erk» demokratik partiyasi lideri Muhammad Solih o‘zbek she'riyatining ulug‘ daholaridan biridir. Muhammad Bekjon esa «Eltuz» tinglovchilariga «Alvido, Jasliq» (Qo‘rquvning nariyog‘ida) kitobi audioversiyasi bilan yaxshi tanish.

Bir yil ilgari, 2018 yilning 29 mayida shoir Mahmud Rajab va yana uch nafar shaxs Muhammad Solih rasmi bilan tushgan suratini tarmoqqa qo‘ygani uchun prokuraturaga chaqirilgan edi.

«Eltuz» nashri 26 mart kuni Gurjistonning Tiflis shahridan qaytayotganida Toshkent aeroportida ushlangan, Yevropa Birdamlik markazi seminarida qatnashgan shoir Maxmud Rajabning yonidan chiqqan kitoblar va telefoni musodara qilingani haqida xabar bergan edi.

Eltuz.com

Tag‘in o‘qing
21 aprel 2021
O‘zbekistonda Rassomlar kuni munosabati bilan bugun – 21 aprel sanasida rassom Elsevar do‘stlik hazili sifatida hamkasbi rassom Tuz rasmini ...
30 noyabr 2015
Do‘stlik tumani TIIB tergovchisi Orif Anorboev kimdir maslahat uchun pul to‘laganligini bilish uchun O‘ktam Pardaevga yordam so‘rab murojaat qilgan ...
3 aprel 2018
Milliy xavfsizlik xizmatining merosxo‘ri bo‘lgan Davlat xavfsizlik xizmati hali ham muxolifatni mavjud hokimiyatning dushmani deb biladi. DXX raisi Ixtiyor ...
23 noyabr 2022
Shvetsiyada 2013 yildan beri Rossiya foydasiga josuslik qilgan o‘ris er xotin qamoqqa olindi. 1990 yillar oxirida Shvetsiyaga ko‘chib kelgan ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...