Asosiy mavzular
14 noyabr 2019

Blogerning advokati majburiy psixiatriya qaroriga qarshi cudga shikoyat kiritdi

Majburiy tartibda ruhiy shifoxonaga yotqizilgan xorazmlik 32 yashar bloger Nafosat Olloshukurovaning advokati fuqarolik ishlari bo‘yicha Xorazm viloyati sudlov hay'atiga 6 noyabr kuni kassatsiya shikoyati topshirdi.

“Nafosatni ruhiy shifoxonaga yotqizish haqidagi sud qarori  “Psixiatriya yordami ko‘rsatish to‘g‘risidagi qonun”ning 27-moddasi talablariga xilof. Nafosat Olloshukurova sud majlisiga chaqirilmagan. Uning ruhiy holati buzilganiga to‘liq ishonch hosil qilinmagan. Psixiatrik ekspertiza xulosasi olinmagan. Sud qaroriga yolg‘onlardan iborat ariza asos qilib olingan”, deya bildiriladi kassatsiya shikoyatida.

Nafosat bilan 6 noyabr kuni uchrashgan advokat Umid Davletovning so‘zlariga ko‘ra, psixiatrik dispanser sharoitlari va Nafosatning ahvoli “yaxshi”.

Ikki farzandning onasi Nafosat Olloshukurova Jahon tillari universitetini ingliz tili mutaxassisligi bo‘yicha tamomlagan. U o‘zining jamiyatdagi faol pozitsiyasi bilan tanilgan. Uning yaqinlari bloger ilgari hech qachon ruhiy kasallikka uchramaganini bildirishadi.

Garchi u nohaqliklarga qarshi emotsional va keskin chiqishlar qilsa-da, adolatparvar inson bo‘lganini aytishadi.

Nafosat fuqarolik ishlari bo‘yicha Urganch tumanlararo sudining qarori bilan 2019 yilning 30 sentyabridan buyon Xorazm viloyati asab kasalliklari dispanserida majburiy saqlanmoqda. Bu qarordan avval u jurnalist Mahmud Rajab himoyasiga uyushtirilgan norozilik aktsiyasidagi ishtiroki uchun 10 kunlik qamoqqa olingan edi.

Qator huquq himoyasi tashkilotlari, jumladan, Xalqaro amnistiya, “Paxta kampaniyasi” koalitsiyasi va Jurnalistlarni himoya qilish qo‘mitasi blogerni ruhiy shifoxonadan chiqarish talabi bilan bayonotlar berishgan.

Eltuz.com

Tag‘in o‘qing
21 iyun 2017
Andijonlik shifokorlarning bergan ma'lumotlariga ko‘ra, keyingi paytlarda ari chaqishidan shikoyat qilib murojaat qiluvchi bemorlar tez-tez uchramoqda. Bu bemorlarning aksariyati ...
17 sentyabr 2020
O‘zbekistonda 2021 yildan bojxona xodimlarining farzandlari tavsiyanoma bilan oliy o‘quv yurtlarida grant asosida o‘qishga tanlovsiz qabul qilinishi mumkin. Vazirlar ...
28 fevral 2019
So‘nggi ikki yil davomida O‘zbekiston bir necha bor yanada ochiq bozor iqtisodiyotiga o‘tishi haqida e'lon qildi. Asta-sekin bu o‘zgarishlar ...
21 mart 2016
“Toshkent shahar hokimining 18 mart kuni imzonlagan 244-sonli qaroriga ko‘ra, “Navro‘z” umumxalq bayrami o‘tkazish vaqtida yo‘llarda harakatlanish xavfsizligini ta'minlash ...
Bloglar
24 noyabr 2020
“Humo” nomli uchoq shirkati haqida gap chiqishi bilan eronlik do‘stlarim o‘zbeklarni plagiatda aybladi. Eronda “Humo” ...
20 noyabr 2020
Bugun kechqurun gazim yonmadi, o‘zi shundoq ham past yonardi. O‘tin-ko‘mir g‘amlamagandim. Kichkina elektrpech o‘zini o‘zi ...
18 noyabr 2020
Ertalab mosh sotdim. Ko‘p emas, besh yuz kilo. Moshimni sotib olgan tadbirkor yigit: “Moshning pulini ...