Asosiy mavzular
12 fevral 2020

Rossiya foydasiga ishlagani iddao qilingan o‘zbek generali davlatga xiyonatda ayblandi

Toshkent harbiy mahkamasi sobiq mulozim Rafiq Sayfulin va O‘zbekiston qurolli kuchlari birlashgan shtabi boshqarma boshlig‘i Akbar Yorboboevni davlatga xoinlik qilishda ayblamoqda. Bu haqda «Ozodlik» radiosi ma'lum qildi.

Sud ishi o‘tayotganini O‘zbekiston Oliy sudi matbuot kotibi Aziz Obidov «Bi-bi-si»ning Toshkentdagi muxbiriga tasdiqladi.

«Eltuz» muxbiri qamalganlarning yaqinlari bilan gaplashdi.

Ularning aytishicha, o‘ndan ziyod polkovnik va general rutbasidagi harbiy 2019 yilning iyul oyida “Rossiya foydasini ko‘zlab davlatga xoinlik qilganlikda” ayblangan.

Ular orasida iste'fodagi podpolkovnik, O‘zbekiston Mudofaa vazirligining “Vatanparvar” gazetasi muxbiri Vladimir Kaloshin ham bor.

Akbar Yorboboevning akasi, Rossiyaning Sankt-Peterburg shahrida yashaydigan Aleksey Yorboboev «Surrent time» ko‘rsatuviga bergan intervyusida ukasining aybsizligini iddao qildi.

«Biz advokat bilan shartnoma tuzganmiz, lekin uni sud zaliga kiritishmadi, shu bois biz bu haqda hech narsa bilmaymiz. Faqat taxmin qilishimiz mumkin, bu uning kasbi bilan bog‘liq bo‘lishi mumkin.

Biz bu borada hech qachon gaplashmaganmiz. Avval boshidan u harbiy uchuvchi bo‘lgan, harbiy qismlarda xizmat qilgan. Men hatto uning qanday lavozimda ishlagani haqida bilmayman. Shuning uchun men uni provokatsiya ostida qoldirmaslik uchun uning ishi haqida gaplashmaganmiz.

Garchi biz hamisha aloqada bo‘lganmiz. Biz har kuni ertalab ijtimoiy tarmoqlar orqali bog‘langanmiz, bir-birimizga xayrli kun tilaganmiz, keyin kechasi bog‘lanib bolalari haqida so‘raganmiz.

Uning oilasi odatdagi o‘zbek oilalari kabi katta. Qaysi xizmatda ishlashidan kelib chiqib, ishiga oid jihatlarni muhokama etmaganmiz.»

Yorboboev 1986 yili Volgograd (Rossiya)dagi Kachinsk harbiy uchuvchilar oliy maktabini tugatgan. 1993 yildan boshlab O‘zbekiston qurolli kuchlari safida ishlay boshlagan. Ikkita farzandi bor.

Eltuz.com

Tag‘in o‘qing
27 mart 2019
Rasmdagi ayol Estoniya prezidenti Kersti Kalyulayd. Myunxendagi konferentsiyada odamlar orasida o‘tirganida uni tanishmadiyam. U majlis zalida el qatori oddiy ...
19 sentyabr 2016
«XXI asr» gazetasi (17.09.2016) Tadbirkorlar va ishbilarmonlar harakati – O‘zbekiston liberal demokratik partiyasidan bo‘lajak davlat rahbari sayloviga vaqtinchalik prezident ...
18 oktyabr 2018
18-19 oktyabr kunlari  O‘zbekistonga davlat tashrifi doirasida Rossiya prezidenti Vladimir Putin Buxoro viloyati chegarasida qurilishi rejalangan atom elektr stantsiyasining ...
3 noyabr 2021
Odatda ichki siyosiy masalalar yuzasidan jamoatchilik fikridan o‘zini tiyadigan O‘zbekiston Tashqi ishlar vaziri Abdulaziz Komilov to‘satdan xorijda “pistirma”da turgan ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...