Asosiy mavzular
17 fevral 2020

Mirziyoevning Kremlga tashrifi nega kechiktirildi?

O‘zbekiston prezidenti Shavkat Mirziyoevning Rossiyaga fevral oyi boshida bo‘lishi rejalashtirilgan, ancha ovoza qilingan davlat tashrifi joriy yil iyun oyining ikkinchi yarmiga qoldirildi.

Bu haqda O‘zbekiston tashqi ishlar vazirining birinchi o‘rinbosari Ilhom Ne'matov ma'lum qildi.

Mazkur tashrif joriy yil fevralda bo‘lishi ovozasi tarqaganiga bir necha oy bo‘lgan va rasmiy doiralar tomonidan tasdiqlangan edi.

Xususan, o‘tgan yil oktyabrda O‘zbekistonga kelgan Rossiya Federatsiya kengashi spikeri Valentina Matvienko birinchilardan bo‘lib Mirziyoevning Moskvaga tashrifi haqida gapirgandi.

“Biz O‘zbekiston prezidentining kelasi yil fevraldagi davlat tashrifiga jiddiy tayyorlanyapmiz. Uning doirasida davlatlararo va hukumatlararo 12 ta hujjat imzolanishi rejalashtirilyapti”, degandi o‘shanda Matvienko.

Shundan so‘ng bu xabarni O‘zbekiston Oliy Majlisi Senati raisining birinchi o‘rinbosari Sodiq Safoev, bugun tashrifning yangi sanasini e'lon qilayotgan Ilhom Ne'matovning o‘zi ham tasdiqlagandi.  

Ammo keyinchalik, 2020 yil yanvarda Rossiya tashqi ishlar vaziri Sergey Lavrov bilan uchrashgan Mirziyoev tashrif iyulga qoldirilganini aytgandi.

Fevralga kelib esa Rossiya prezidenti matbuot kotibi Dmitriy Peskov: “5 fevralda hech qanday tashrif rejalashtirilmagan. Shuning uchun hech qanday qoldirish to‘g‘risida gap bo‘lishi mumkin emas. Bu noto‘g‘ri axborot”, degandi.

Shuncha rasmiylar tasdiqlagan davlat tashrifining vaqt o‘tib rad etilgani, endi dastlabki belgilangan muddatdan qariyb besh oy kechiktirilayotganiga sabab nima?

“O‘zbekistonning Yevroosiyo iqtisodiy ittifoqi (YeOII)ga qo‘shilishi masalasida o‘zbek jamiyatining fikri ikkiga bo‘linib qoldi, – deydi “Eltuz”ning mas'ul idoralardagi manbalaridan biri. – Shu bois prezidentimiz Oliy Majlisga murojaatnomasida ham bu masala xalq fikri asosida hal etilishini bildirdi. 

Davlat tashrifi doirasida YeOIIga a'zolik bo‘yicha muhim kelishuvlar belgilangandi. Hozir hukumatda bu masalada yakdillik yo‘q va kelishuvlar nihoyasiga yetmay qoldi.

Jizzaxda AES qurish loyihasi bo‘yicha ikkilanishlar ko‘p. Yana ba'zi bir mavzularda, masalan, mehnat migrantlari bo‘yicha hali yechimi yuzasidan yakuniy qarorga kelinmagan masalalar bor.

Menimcha, davlat tashrifining kechiktirilishi shu kabi omillar bilan bog‘liq. Bunda xalqning fikri, kayfiyati ham o‘ziga xos rol o‘ynagan bo‘lishi tabiiy”.

Albatta, avvaldan e'lon qilingan tashrifning keyinchalik qoldirilishiga har ikki davlat rahbarining ish jadvallari to‘g‘ri kelmay qolgani ham sabab bo‘lishi mumkin.

Har holda haqiqatan ham o‘zbek xalqi manfaatlarini himoya qilish bo‘yicha  Rossiya bilan qandaydir masalada kelishmaganlik oqibatida Mirziyoevning Moskvaga tashrifi qoldirilgan bo‘lsa, bundan faqat quvonish kerakka o‘xshaydi.

Eltuz.com

Tag‘in o‘qing
12 may 2023
Toshkent shahar IIBB axborot xizmati rahbari Nilufar Isaxonova  ko‘chada yuzlab odamlarning Stalinni olqishlab, qichqirishini qonuniy deb baholadi.
3 mart 2021
Surxondaryo viloyatining Denov tumanidagi “Katta Karchin” MFY “Obod qishloq” dasturiga kiritilgan. Hudud aholisiga 2019 yilda barcha xonadonlar ichimlik suv ...
18 may 2017
Shahrixon tumanida yuz bergan ommaviy zaharlanish muzqaymoq biznesiga sezilarli ta'sir ko‘rsatdi. Andijon shahridagi o‘nlab muzqaymoq do‘konlarida savdo 30 % ...
30 mart 2016
«Buta va yarim butalarning turli ehtiyojlar uchun chopib olinishi tufayli o‘simliklarning urug‘dan ko‘payish xususiyati ancha cheklanib qolyapti. Bugungi kunda ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...