1991 yil 30 noyabr kuni matbuot nimalarni yozgan edi?

Bu 1991 yil 30 noyabrdagi “Pravda vostoka“ gazetasi. Gazetada so‘nggi 27 yil ichida o‘zbek millatiga berilgan yagona siyosiy tanlov haqi aks etgan.

Gazeta 1991 yil dekabriga belgilangan prezident saylovi poygasida qatnashadigan ikki nomzod haqida bilgi beradi. Bu saylovda marhum prezident Islom Karimovning raqibi «Erk» demokratik partiyasi raisi Muhammad Solih bo‘lgan edi.

Narxi o‘sha payt puli bilan 8 tiyin bo‘lgan bu gazetada hali SSSR tarqamagan kabi mazmundagi maqolalarni ham ko‘ramiz.

Gazetada chop qilingan TASSga oid maqola “Ukraina mustaqilligini AQSh tan olishi yomon oqibatlarga sabab bo‘lishidan” ogoh qiladi.

Ayni sahifada Qirg‘iziston SSR bosh vaziri Nasridin Isanovning aviahalokat oqibatida 29 noyabr kuni halok bo‘lgani xabari chop qilingan.

Sahifa boshida esa SSSR parlamenti quyi palatasi SSSR Davlat bankiga SSSR Moliya vazirligi uchun 90 milliard so‘m (sovet so‘mi) ajratishga izn bergani yoziladi.

O‘sha kuni Moskvada chop qilingan «Nezavisimaya gazeta»si esa «Sovet imperiyasi o‘ldi” sarlavhani manjetga chiqardi.

Ayni gazetada Litvadagi KGB josusi bo‘lgan siyosatchilar sazoyi qilingani va arman-ozari chegarasida otishmalar tinmayotgani haqida ham yoziladi.

Gazetada 30 noyabr kuni Moskvadagi bo‘shab qolgan oziq-ovqat do‘koni ustiga GKChP tarafdorlari qizil bayroq tikib, unga “GKChP tirik. Ura!” degan yozuvni yozgani bilan bog‘liq hodisa haqida yoziladi.

Eslatib qo‘yamiz, 1991 yil 30 noyabrida magazin ustiga qizil bayroq osish shu kunlarda Toshkentda IShIDning qora bayrog‘ini osish bilan teng oqibat kasb qilgan.

Eltuz.com