Asosiy mavzular
18 aprel 2020

O‘zbek kinochilari o‘z rahbarini koronavirusdan foydalanganlikda ayblashdi

«Eltuz» tahririyatga joriy yilning 14 aprel kuni bosh vazir Abdulla Aripov nomiga yuborilgan jamoaviy murojaat nusxasi kelib tushdi.

109 nafar o‘zbek kino arbobi imzolagan bu hujjatda 2019 yil sentyabrida «O‘zbekkino»ga rahbar etib tayinlangan Firdavs Abduxoliqov o‘zining volyuntaristik harakatlari bilan o‘zbek kinematografiyasini butunlay botqoqqa botirayotganidan shikoyat qilinadi.

Maktubda Firdavs Abduxoliqov koronavirus pandemiyasini bahona qilib odamlarni ishdan bo‘shatayotgani va agentlik mulki bo‘lgan kinolarni o‘z tasarrufidagi telekannalarga tekin ulashayotganidan xavotir bildiriladi.

16 aprel kuni «Daryo» va «Hyuman.o‘z» saytlaridan sirli tarzda o‘chib qolgan bu murojaat 17 aprel kuni yana shu saytlarda qayta tiklandi. Kamiga «Kun.o‘z»da ham chiqibdi.

18 aprelga kelib, «Eltuz»ning «O‘zbekkinoda»gi manbasiga ko‘ra, kinochilar ikki lagerga ajralishgan, shikoyatga imzo chekkan ayrim shaxslar esa o‘z imzolarini qaytib olishganini bildirishmoqda.

Kinochilar shikoyati bilan tanishgan faol Farhod Akbarov “Kinochilarning boshlig‘i yomon bo‘lsa, yaxshi kinochilar qani?” deya savol qo‘yadi.

“Kinochilarning o‘zi yomon bo‘lsa, yaxshi boshliq qani?

Har ikkisi yaxshi bo‘lsa, yaxshi kino qani !?

Har ikkisi yomon bo‘lsa, bular nega va nimani talashmoqda?

Byudjetdan ajratilgan milliardlab pullarni nimaga sarflashmoqda?

Nega dehqon foyda-zararni gardaniga olib yashashi kerak?

Kinochi dehqonning puliga san'atkor bo‘lib, nega xalqni didsizlikda ayblashi kerak?

Nima uchun ularni xususiylashtirish haqida hech kim o‘ylab ko‘rmaydi?

San'atning barcha janr va yo‘nalishlari xususiylashtirilsagina haqiqiy iqtidorlarga ehtiyoj tug‘iladi, haqiqiy san'at asari dunyoga keladi.

Amaldorning bolasi amaldor bo‘lishi mumkin, ammo amaliga loyiq bo‘la olmaydi.

Shuningdek, san'atkorning farzandlari ham ota-onasi kabi yuksak san'atkor bo‘lishi mumkin emas.

Ya'ni ko‘lmak kuni kelib dengizga, ummonga aylanishi mumkin, ammo ummon o‘zidan kattaroq yana bir suv havzasiga aylanishi mushkuldir”.

«Eltuz» o‘z o‘quvchilari diqqatiga o‘zbek kinochilari bosh vazirga yo‘llagan maktubni to‘laligicha taqdim qiladi. O‘zingiz o‘qib xulosa chiqaring.

Ilova: Bosh vazirga murojaatning PDF matni.

eltuz.com

Tag‘in o‘qing
7 fevral 2024
«Yoshlarning 100 ta eng ilg‘or loyihasi» tanlovida g‘olib topilib, to‘rtinchi o‘rinni olgan Navoiylik tadbirkor Pardaev Umid imtiyozli kredit olish ...
1 aprel 2019
Bugun xoh smartfon, kompyuter yoki planshet bo‘lsin, ularning eng mukammali va ishonchlisi sanalgan Apple sohiblari 40 yil muqaddam unga ...
14 iyun 2017
Prezident Shavkat Mirziyoevning viloyatlarga xizmat safarlari o‘zbek telekanallari orqali buyuk voqea kabi talqin qilinmoqda. Ayniqsa 2-iyun kuni Mirziyoevning Andijonga ...
17 avgust 2022
Salom qadrli tomoshabinlar, Eltuz portalining bugungi soni odatdagi formatda. Ya'ni undan navbatdagi beshta shikoyat o‘rin olgan. Shikoyatlar mazmuni yangi ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...