Asosiy mavzular
15 sentyabr 2020

Gulnoraning pullari O‘zbekistonga qaytmoqda

Shveytsariya va O‘zbekiston marhum prezidentining qizi Gulnora Karimovaning musodara qilingan aktivlarni rasmiy Toshkentga qaytarish to‘g‘risida bitim imzoladi.

Xabarlarda aytilishicha, bitim, bir tomondan, Gulnora Karimovaga qarshi qo‘zg‘atilgan jinoyat ishlardan birida allaqachon musodara qilingan taxminan 131 million AQSh dollari miqdoridagi aktivlarga tegishli.

Boshqa tomondan, u hali ham davom etayotgan jinoyat ishi bo‘yicha kelajakda shubhasiz musodara qilinishi mumkin bo‘lgan boshqa aktivlarga ham taalluqli.

Bitim restitutsiya tamoyillari va bosqichlarini belgilab beradi. Aktivlar O‘zbekiston xalqi manfaatlari uchun ishlatiladi.

Xalqaro huquq direktsiyasi rahbari, elchi Korin Siseron Byuler Federal kengash tomonidan tasdiqlangan qonuniy majburiy bo‘lmagan bitimni imzoladi. Ushbu bitim Shveytsariyada musodara qilingan noqonuniy o‘zlashtirilgan aktivlarni qaytarish maqsadida tuzildi.

2012 yilda Shveytsariya Bosh prokuraturasi Gulnora Karimova bilan bog‘liq jinoyat ishi doirasida 800 million shveytsar franki atrofida bo‘lgan aktivlarni muzlatib qo‘ydi.

2019 yilda taxminan 131 million AQSh dollari musodara qilingan. Imzolangan bitimda ushbu summani O‘zbekistonga qaytarish asoslari belgilab berilgan. Unda restitutsiya jarayoni va tamoyillari bayon etilgan.

Bajarilishi kerak bo‘lgan asosiy tamoyillar:

– restitutsiya jarayonidagi shaffoflik va javobgarlik;

– aktivlardan O‘zbekiston aholisining turmush sharoitini yaxshilash uchun foydalanish;

– mablag‘larni barqaror rivojlanishni qo‘llab-quvvatlovchi loyihalarga investitsiya qilish (BMTning 2030 yil masalalari va O‘zbekistonni rivojlantirish strategiyasiga muvofiq);

– monitoring mexanizmini tashkil etish;

– nodavlat sub'ektlarning potentsial ishtiroki.

Asosiy bitimdan so‘ng yaqin kelajakda Shveytsariya va O‘zbekiston o‘rtasida qonuniy majburiy shartnomalar bo‘yicha muzokaralar boshlanishi rejalashtirilgan.

Shu nuqtai nazardan, taxminan 131 million AQSh dollari Shveytsariya tomonidan qaytarilishi aytilmoqda. Bundan tashqari, restitutsiyaning o‘ziga xos usullari belgilab qo‘yiladi.

Gulnora Karimovaga qarshi davom etayotgan jinoyat ishi doirasida yuzlab million dollarlik aktivlar muzlatilganicha qolmoqda. Imzolangan bitim ushbu ish doirasida kelajakda musodara qilinishi mumkin bo‘lgan boshqa aktivlarni qaytarish uchun ham qo‘llaniladi.

«Asosiy bitim Shveytsariyaning siyosiy ta'sirga ega shaxslarning noqonuniy o‘zlashtirilgan aktivlarini muzlatib qo‘yish, musodara qilish va qaytarish bo‘yicha strategiyasiga (“Aktivlarni tiklash”) mos keladi», deyiladi Shveytsariya hukumati tarqatgan xabarda.

Eltuz.com

Tag‘in o‘qing
9 may 2022
(Taniqli shoir va siyosatchi Muhammad Solihning “Imperativ” kitobidan 48-qism. Audiokitob matnini muallifning o‘zi o‘qigan. Davomi bor.) «Sof san'at» fidoiylarining ...
5 oktyabr 2017
Prezident Mirziyoev 30 sentyabr kuni Maktabgacha ta'lim vazirligini tuzish haqidagi farmonni imzoladi. Farmonda, mamlakat bo‘ylab bog‘chalar sonini ko‘paytirish, maktabgacha ...
3 avgust 2020
O‘zbekistonda sog‘liqni saqlash tizimidagi vaziyat yomonlashgan bir paytda Toshkent shahri hokimi bilan bog‘liq xususiy universitet to‘g‘risidagi davlat hujjatlari g‘azablantirmoqda. ...
12 oktyabr 2018
Jenevaning Lombard Odier banki seyflaridan topilgan va Gulnora Karimovaga tegishli ekani aytilayotgan qimmatbaho zargarlik buyumlarining qiymati 38 million frankka ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...