Asosiy mavzular
22 oktyabr 2020

Hokim “pogromchilar” sharafiga 10 ta qo‘y so‘yishga va'da berdi

Payshanba kuni Qashqadaryo viloyatida Enter Engineering kompaniyasining g‘alayon ko‘targan xodimlari bilan suhbatlashgan G‘uzor tumani hokimi Behzod Suyunov katta kontsert o‘tkazilishini ma'lum qildi. U, shuningdek, “pogromchilar” sharafiga 10 ta qo‘y so‘yishga ham va'da berdi.

Ayni kuni ertalabdan Enter Engineering kompaniyasi rahbariyati ishchilariga bir necha oydan buyon to‘planib qolgan maoshlarini to‘lay boshladi.

«Eltuz» bilan suhbatlashgan zavod ishchilaridan biri bir necha oydan buyon qolib ketgan maoshlarni to‘lash uchun zavodga ikki yuk mashina liq to‘liq pul yetib kelganini aytdi.

Uzbekistan GTL zavodini qurayotgan Enter Engineering kompaniyasining minglab ishchisi maoshlar to‘lanmayotgani va ovqatlar vaqtida berilmayotganiga e'tirozan chorshanba kuni g‘alayon ko‘tarishgan edi.

Ommaviy tartibsizliklar stixiyali ravishda oshxonada tirbandlik sabab yuzaga chiqqandi.

Yuzlab ishchilar dastlab oshxonani ag‘dar-to‘ntar qilishgan, so‘ngra zavod ma'muriyati binosiga hujum qilib, u yerdagi orgtexnika va mebellarni buzib tashlashgan edi.

«Eltuz» bilan suhbatlashgan guvohlardan birining aytishicha, tartibsizliklar ishchilar sonining ortishi barobarida kuchaygan. Darg‘azab olomon zavodning mas'ul xodimlarini do‘pposlagan.

Ishchilar bilan muzokara qilishga va ularni tinchlantirishga kelgan zavod va mahalliy mulozimlar ham quvib solingan.

Guvohlarning «Eltuz»ga bildirishicha, tartibsizliklar bir necha soat o‘tib, milliy gvardiya va militsiya kuchlari tomonidan kuch bilan bostirilgan.

O‘zbekiston Bosh prokuraturasi matbuot xizmatining ma'lum qilishicha, G‘uzordagi voqea prokuratura xodimlari tomonidan o‘rganilmoqda.

«Eltuz» suhbatlashgan ishchilardan birining aytishicha, ayni kuni kechga borib, kechki ovqat va payshanba tongida nonushta sifati yaxshilangan.

Eltuz.com

Tag‘in o‘qing
24 oktyabr 2017
Farg‘ona viloyatidan safarbar etilgan 15 mingga yaqin aholi bugungi kunda Sirdaryo, Jizzax viloyatlari hamda Qoraqalpog‘iston Respublikasida paxta terayotganiga qaramay, ...
31 oktyabr 2018
Toshkentning Chilonzor tumanidagi maktabning jismoniy tarbiya o‘qituvchisi, 30 yashar Farhod Miniyozov o‘z arizasiga ko‘ra ishdan bo‘shatildi va sud qarori ...
21 sentyabr 2019
Sumkasidan Muhammad Solih kitoblari chiqqani uchun ustidan jinoyat ishi ochilib, tergovga chaqirilgan xorazmlik 56 yashar shoir Mahmud Rajab 20 ...
21 noyabr 2017
O‘zbekiston BMTning Qrimga nisbatan Rossiya siyosatini qoralovchi rezolyutsiyasi loyihasiga qarshi ovoz berdi. Ushbu hujjatni 75 davlat qo‘llab-quvvatladi, 25 davlat ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...