Asosiy mavzular
28 oktyabr 2020

O‘zbekistonda ziyoli oqsoqollar partiya tuzmoqchi. Ularga nima to‘sqinlik qilmoqda?

Joriy yilning 17 oktyabrida O‘zbekistonning turli viloyatlaridan bir guruh ziyolilar Toshkentda yig‘ilgan. Bu yig‘in “Haqiqat va taraqqiyot” sotsial demokratik partiyasi ta'sis majlisi oldidan bo‘lib o‘tgan.

Yangi tuzilishi rejalashtirilayotgan partiya tashabbuskorlari orasida jurnalist, huquqshunos, iqtisodchi, faylasuf, general-mayor, inson huquqlari faollari bor.

Yig‘ilishga “Adabiyot gazetasi” nashri bosh muharriri Baxtiyor Karim moderatorlik qilib, tashabbuskorlarga bir qator savollar bilan murojaat etgan. 

Ijtimoiy tarmoqlarda e'lon qilingan videoda nafaqadagi jurnalist Tursun Qoratoev “O‘zbekistonda ushbu partiya tuzilsa, kelajak avlod uchun yaxshi bo‘lishi”ni ta'kidlaydi.

Falsafa fanlari doktori Bo‘ri Ziyomuhammedovning aytishicha, partiya tuzilsa, “O‘zbekistonning amaldagi prezidenti Shavkat Mirziyoevning obro‘si oshadi. O‘zbekiston kelajagi haqiqatan ham buyuk bo‘ladi”.

Tuzilajak partiyaning ta'sis majlisini o‘tkazish uchun partiya faollari sentyabr oxirida Prezident nomiga ariza yo‘lladi. Unda karantin sharoitida sanitariya talablari saqlangan holda partiya yig‘ilishini o‘tkazish uchun ruxsat so‘ralgan.

Tashabbuskorlar rahbari sifatida ko‘rilayotgan iqtisod fanlari doktori, professor Xidirnazar Allaqulov partiya tuzishda mamlakatda mavjud qonunlar asosida harakat qilayotganini ta'kidladi. 

U faoliyatni davom ettirishda sun'iy to‘siqlar, siyosiy tahdid va g‘ayriqonuniy qarshiliklar qilinmasligi katta imkoniyat ekanini aytadi. 

Allaqulov, shuningdek, partiya ta'sis yig‘ilishini chaqirishga oid jo‘natilgan arizaga mamlakat rahbaridan ijobiy javob olinishiga ishonishini bildiradi.

Tag‘in o‘qing
13 noyabr 2020
“Ug‘ur” degani eski turkchada “muvaffaqiyat”, “omad” degan ma'no beradi.  Ug‘ur hali uch yosh ekan, ishchi oilaning farzandi o‘laroq Iskanderundan Germaniyaga ketdi. Bu 1965 yil edi. Onasi va otasi ...
26 avgust 2016
O‘z tomorqasida meva sabzavot yetishtirgan dehqonlarning hosilini erkin sotishiga ruxsat berilmayotgani, ularga militsiya va kuchishlatar idoralari orqali bosimlar ko‘rsatilayotgani ...
26 mart 2018
Jurnalist Bobomurod Abdullaev va boshqa uch nafar shaxs ustidan o‘tayotgan sudning 26 mart kungi majlisiga Toshkentdagi xalqaro anjuman qatnashchilari ...
Bloglar
1 dekabr 2020
«Oshin» – 1983 yilda Yaponiyada suratga olingan ko‘p qismli film. Bosh rollarda Nobuko Otova, Yuko ...
25 noyabr 2020
Kuzda ketib kuzda qaytdim Sovet Armiyasi safidan. Bizni armiya safiga oliy o‘quv yurtlarining kunduzgi bo‘limidan ...
24 noyabr 2020
“Humo” nomli uchoq shirkati haqida gap chiqishi bilan eronlik do‘stlarim o‘zbeklarni plagiatda aybladi. Eronda “Humo” ...