• Foto: Uzreport
Asosiy mavzular
3 dekabr 2020

O‘zini yoqqan ayolning onasi hamon hokimdan yordam kutmoqda

Namanganning yangi hokimi Shavkat Abdurazzaqov MIB xodimlari tomonidan uyidan chiqarilishiga norozilik sifatida o‘zini yoqib halok bo‘lgan Gulandom Dadaboevaning onasi va bolalariga bergan va'dasini hunuz bajarmadi.

O‘zbek internet saytlari Namangan hokimi marhumaning oilasiga ko‘mak bermoqchi ekanligi, ikki bolasini otaliqqa olgani haqida xabarlar tarqatgandi. 

“Eltuz” bu masalaga oydinlik kiritish maqsadida marhumaning yaqinlari va hokimlik vakillari bilan bog‘landi. 

Gulandom Dadaboevaning onasi uy muammosi hali-hamon o‘z yechimini topmagani, hokim bergan va'dasining ustidan chiqmaganini bildirdi.

– Uyni sotgan bola qochib yuribdi, – dedi marhumaning onasi Muhabbat Dadaboeva. – Uy muammosi ham hali bartaraf etilgani yo‘q. Hokim kelib ikki nabiramni ikki yoniga olib rasmga tushdi. U qilaman, bu qilaman, yordam beraman, dedi. Ammo shu bo‘yicha yo‘q bo‘lib ketdi. 

Uning so‘zlariga ko‘ra, hokimlikka ikki marta borib, rahbarning yordamchisi bilan gaplashgan. Yordamchi esa barcha gaplarni hokimga yetkazishga va'da bergan. Lekin hunuzgacha hech qanday ijobiy natija yo‘q. 

“Hatto Saida Mirziyoeva ham bu oilaga yordam qilinadi, deganiga katta umid bog‘lagandim. Hammadan ham hokimdan ko‘nglim qoldi. Balki yuqoridagilar hokim rostan shu ishni qildi, oilaga ko‘mak berdi, bolalarni otaliqqa oldi, deb o‘ylar. Yo‘q, hokim hech qanaqa amaliy yordam ko‘rsatmadi”, dedi marhumaning onasi.

“Eltuz” muxbiri bilan gaplashgan hokimlik vakili Muhabbat Dadaboevadan hech qanday murojaat kelib tushmagani, bu bo‘yicha ma'lumot taqdim etolmasligini aytish bilan cheklandi. 

“Eltuz” joriy yilning 29 sentyabr kuni uy masalasi ustidagi tortishuv oqibatida Namangan shahrining Bog‘i Eram ko‘chasida yashovchi 35 yoshli Gulandom Dadaboeva MIB xodimlari oldida o‘zini yoqib yuborgani haqida yozgandi. 

30 sentyabr kuni esa u shifoxonada vafot etdi. Bu voqea o‘zbek internet segmentini larzaga keltirgandi. Marhuma ikki o‘g‘li va onasi bilan o‘sha mojarosi yechim topmagan uyda yashardi. 

Eltuz.com

Tag‘in o‘qing
9 sentyabr 2019
Zimbabvening 37 yillik diktatori o‘lgani fonida O‘zbekiston parlamentining qariyb shu yoshlardagi deputati Akmal Umirzoqov mavjud nomenklaturadan tashqaridagi shaxslarning deputat ...
15 aprel 2022
Ramazon oyining juma kuni pasportiga qashshoq deya yozilgan ulus oldiga chiqib gapirarkan, aynan ro‘za oyi bo‘lgani uchun ham hissiyotlarimni ...
1 iyun 2022
ACCA.media yozishicha, “Ochiq chiziq” tashabbus guruhi huquq himoyachilari mahbuslar uchun posilkalarda mahsulotlar noqonuniy olib qo‘yilishi va ma'naviy kamsitilishi bilan ...
12 may 2023
Kecha Eltuz bosh redaktori Qudrat Bobojon bilan gaplashsam¸ «kultur-multur mavzularga avom qiziqmaydi. prosmotri oz bo‘ladi,” dedi. Bugun Bolt taksi ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...