Asosiy mavzular
17 yanvar 2021

Nasafiy: “Qo‘shiq o‘g‘risi emasman”

Nasafiy taxallusi bilan ijod qilayotgan 23 yoshli qo‘shiqchi Aziziddin Akmalov o‘zining ma'muriy javobgarlikka tortilganini internetda tarqalgan xabarlar orqali bilganini ma'lum qildi. 

Uning “Eltuz”ga aytishicha, unga hech kim jarima to‘lashi haqida xabar bermagan.

“Mualliflik va turdosh huquqlarni himoya qilish jamoat birlashmasi tomonidan O‘zbekiston xalq artisti Sherali Jo‘raev ijrosidagi “Qora ko‘zli sanamjon” qo‘shig‘i va she'rini muallifning roziligisiz, asar yaxlitligini buzgan holda ijro etib, uni internetda tarqatayotgan va buning ortidan moddiy manfaat topayotgan ekansiz, degan qabilida qo‘ng‘iroq bo‘ldi. 

Biz buning asossizligini isbotlab ariza bilan murojaat qildik. Men Usmon Azimning she'rini emas, marhum shoir Oxunjon Hakimovning she'rlarini qo‘shiq qilib kuylaganman. Men buni o‘z arizamda ham aytib o‘tganman. 

Hech kimning ijodini o‘g‘irlamaganman va buzmaganman. Mening yo‘nalishim na Sherali Jo‘raevnikiga, na boshqanikiga yaqin. Mening o‘z uslubim, ularning alohida yo‘lim bor”, dedi Nasafiy “Eltuz” bilan suhbatda.

Intellektual mulk agentligi matbuot kotibi Feruz Jo‘raevning “Eltuz”ga aytishicha, tomonlarning arizasi ikki oy davomida ekspertlar tomonidan o‘rganib chiqilgan.

– Ekspertlar xulosasiga ko‘ra, sud Nasafiyni Ma'muriy javobgarlik to‘g‘risidagi kodeksning 177(1)-moddasi 1-qismida nazarda tutilgan ma'muriy huquqbuzarlikni sodir qilgan, deb topdi, – dedi Feruz Jo‘raev. – Unga nisbatan bazaviy hisoblash miqdorining 3 baravari, ya'ni 669 ming so‘m jarima jazosi tayinlagan. Tomonlar norozi bo‘lsa, ish yana ko‘rib chiqilishi mumkin.

Qo‘shiqchining ma'muri Zohid Jabborov “bugun odamlar Nasafiyni eshita boshlagani, tushuna boshlagani”ni ta'kidladi. 

“Yoshlikda nimalar bo‘lmaydi. Bilib-bilmay, yangilik qilaman deb yaratgan imiji tufayli unga toshlar yog‘ildi. Aslida u hayotda unaqa emas. Jiddiy, yoshiga mos kiyinadi. 

Eng muhimi, san'atni tushunadi. Tug‘ma iste'dodli bola. O‘sha ovoza bo‘lgan imij – soch bo‘yash, noodatiy mo‘ylov va kiyimlar barchasi klip uchun qilingan. Buni Nasafiyning klip uchun yaratgan obrazi, deb qabul qilish kerak. 

Bugungi kunda Nasafiy bilan xayriya kontsertlari o‘tkazyapmiz, mehribonlik uylariga, maktablarga borib sovg‘a-salomlar ulashib kelyapmiz. Nasib etsa, karantin ochilgandan so‘ng gala kontsertlar, yakkaxon kontsertlar o‘tkazish niyatimiz bor”, dedi Zohid Jabborov “Eltuz” bilan suhbatda.

Tag‘in o‘qing
24 yanvar 2019
Markaziy bank Navro‘z arafasida yuz ming so‘mlik banknotlarni muomalaga kiritishi haqida bildirib, bundan qulayliklar yaratish, pullarni tashish xarajatlarini kamaytirish, ...
21 fevral 2018
Prezident Mirziyoevning Milliy xavfsizlik xizmatini keskin tanqidlar qilgani ortidan masjidlardagi MXX xodimlari faoliyati ham cheklana boshlandi. O‘zbekiston Musulmonlari idorasi ...
22 dekabr 2016
21 dekabr kuni Toshkent shahar sudida Davron Norboev hakamligida diniy ekstremizmda ayblanayotgan to‘rt nafar shaxs ustidan sud davom etdi. ...
5 fevral 2019
Bir vaqtlar qadimiy Rim saltanatining targ‘ibot-tashviqotchilari sifatida voizlar va faylasuflar imperiyaning ravnaq topishida katta hissa qo‘shgan. Aristotel va Suqrotning, ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...