Asosiy mavzular
17 mart 2021

Universitetda koronavirus chiqdi

Andijon davlat universitetining olti xodimida koronavirus aniqlangani haqida xabarlartarqaldi. ADUdagi manbaning “Eltuz”ga aytishicha, aslida kasallik yuqtirgan talaba va xodimlar soni bundan ham ko‘p bo‘lishi mumkin. 

Talabalardan birining vafot etgani haqidagi mish-mishga munosabat bildirgan manba hozircha bu ma'lumot sir saqlanayotganini ma'lum qildi. 

ADU rektori Akromjon Yo‘ldoshevning so‘zlariga ko‘ra, hozir ta'lim dargohiga tibbiy niqobsiz kirish, bir-biri bilan qo‘l berib ko‘rishish taqiqlangan. 

“Kirayotganda har bir kishining tana haroratini o‘lchash va qayd qilib borish yo‘lga qo‘yildi. Dars jarayonlarida masofa saqlash qat'iy nazoratga olindi. Universitet hududi va barcha binolar SEOM xodimlari tomonidan to‘liq dezinfektsiya qilindi”, degan universitet rektori Kun.uz saytiga.

“Eltuz” manbasi ma'lumotlariga ko‘ra, aynan tana harorati o‘lchanganda 30 nafar talabada isitma qayd etilgan. 

– Biroq bu ularning barchasi koronavirusga chalinganini anglatmaydi. Hali test natijalarini kutish kerak. Bu oddiy shamollash ham bo‘lishi mumkin. Lekin universitetimizda koronavirus aniqlangan bemorlar rasmiy e'lon qilingan 6 tadan ko‘p. Ular asosan fizika-matematika fakulteti hamda Axborot-resurs markazi ishchi-xodimlaridir. Hozir kutubxona yopib qo‘yilgan, – deydi manba.

Kuni kecha Andijon viloyati Xalq ta'limi boshqarmasida koronavirus mavzusiga bag‘ishlangan tezkor yig‘ilish o‘tkazilgan. Boshqarma boshlig‘i Azizbek Mirkomilov viloyatdagi barcha umumta'lim maktablari rahbarlariga o‘z hududlarida karantin qoidalarini kuchaytirish yuzasidan topshiriqlar bergan. 

Hozir viloyatdagi barcha maktablar kuchaytirilgan qat'iy tartibda ishlamoqda. Maktablarga begonalar, hatto ota-onalarning ham kirishi man qilingan. 

Ayni paytda Andijon shahri yuqumli kasalliklar shifoxonasida koronavirusga chalingan 6 nafar bemor bor. Bu haqda navbatchi shifokorlardan biri ma'lum qilgan. 

Biroq ular Andijon davlat universitetining koronavirusga chalingan xodimlari emas, balki xorijda ishlab qaytgan bir oilaning a'zolari ekani aytilmoqda.

Tag‘in o‘qing
14 fevral 2019
O‘zbekiston-Germaniya inson huquqlari forumi O‘zbekistondagi davlat xizmatchilarining majburiy mehnati haqidagi navbatdagi hisobotini e'lon qildi. “Biz, byudjet xodimlari qilmagan ish ...
14 mart 2016
“O‘zbekiston ovozi” gazetasi o‘z mushtariysining: “Prezidentdek odam million-million ishidan ortib, vaqt topib, bizning bola-chaqamiz salomatligini, baxtini o‘ylab, jon kuydirib ...
15 mart 2023
«Brilliant qo‘l» kinofilmi qahramoni chet elda «it odamga do‘stdir» «bizda esa domkom do‘stdir» deydi. O‘zini «domkom» yoki «etajkom» deb ...
5 dekabr 2019
Ichki ishlar vaziri general Po‘lat Bobojonov uyida gaz va elektr toki yo‘qligidan sovuqda o‘tirgan oilaga elektr isitgich sovg‘a qildi ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...