Asosiy mavzular
15 aprel 2021

Norasida go‘dakning qotili kelinoyisi bo‘lib chiqdi

5 aprel kuni maktabdan kelinoyisi tomonidan olib ketilgan 5-sinf o‘quvchisi Ma'rifat Asatullaevaning jasadi Katta Namangan kanalidan topildi. Qizni kanalga aynan kelinoyisi itarib yuborgani aytilmoqda.

Namanganlik Samijon Mamadaliev qizining maktabdan qaytib kelmagani, noma'lum shaxs tomonidan olib ketilgani haqida o‘sha kuniyoq Chortoq tumani prokuraturasiga ariza bilan murojaat qilgan. 

Holat yuzasidan prokuratura tomonidan jinoyat ishi qo‘zg‘atilib, tergov jarayonida norasidaning joniga o‘z kilinoyisi Feruza Qodirova qasd qilgani aniqlangan. 

Hamma yaxshi ko‘rgan qiz edi, juda aqlli, deydi Ma'rifat haqida u tahsil olgan Chortoq tumanidagi 47-umumta'lim maktabi psixologi Zulfiya Jamoliddinova. 

Uning so‘zlariga ko‘ra, Ma'rifatni qarindoshi kelib, maktabda tanaffus vaqtida buvisi kasal ekanini aytib olib ketgan. Qiz sinf rahbarini ogohlantirmay maktabdan chiqib ketgan. U tez borib qaytishni rejalashtirgan bo‘lishi mumkin. 

Maktabdagi tartib-intizom, ota-onalar bilan hamkorlik va 5 aprel kuni maktab ma'muriyati yo‘l qo‘ygan xatolar bo‘yicha namanganliklar.uz sayti  muxbiri bergan savollarga maktab direktorining ma'naviy-ma'rifiy ishlari bo‘yicha o‘rinbosari Sh.Oxunov qoniqarli javob bera olmadi. 

U o‘sha kuni jinoyatchini maktab oldida ko‘rgan va kimning oldiga kelganini so‘ragan. Ma'rifatning qarindoshi ekani, bolada zarur gapi borligini aytgach, direktor o‘rinbosari tanaffus paytida qizchani chaqirib berishlarini tayinlaydi. 

Noma'lum shaxsning shunchaki “qarindoshiman, zarur gapim bor”, degan gapi bilan unga bolani o‘qish paytida chaqirib berishgan. Jinoyatchi esa uni maktabdan xotirjam olib chiqib ketgan.

Ma'rifat oilada eng katta nabira edi. Marhumaning amakisi Humoyun Mamadalievning aytishicha, taxminan bir yarim yil oldin ukasi uylanib, uyga kelin kelgan. Yosh oilaning 2 farzandi tug‘ilmasdan nobud bo‘lgan. Yangi oilada ko‘p nizolar bo‘lib turgan. 

Marhumaning onasi 5 aprel soat kunduzgi 3 lar orasida maktabga qizini izlab borishganida faqat farroshlarni topishgani, rahbariyatdan hech kimni topa olishmaganini bildirdi. 

Onasi qizning sinfiga kirib, uning o‘quv qurollarini yig‘ib, sumkasini olib qaytgan. Keyin ular marhumaning sinf rahbarini telefonda chaqirib, qizni birga qidirishgan. 

Ammo u ham nabirasi kasalligini aytib, tezda ketib qolgan. Bola topilmagach, yana sinf rahbariga telefon qilishgach, o‘qituvchining o‘g‘li uni haqoratlagan. 

Marhumaning amakisi surishtiruvlaridan ma'lum bo‘lishicha, gumondor shaxsning onasi ham o‘sha kungi jinoyatdan xabardor bo‘la turib, buni yashirishga uringan. 

“Maktab binosi oldida o‘rnatilgan kameralardagi tasvirlar orqali qizchani kelinoyisi olib ketgani tasdiqlandi. Ammo maktabning ayrim xodimlari bu ishni hanuz yashirishga harakat qilmoqda”, deydi Humoyun Mamadaliev.

U bu jinoyat sodir bo‘lishida maktab ma'muriyatining ham aybi borligi, mas'uliyatsizlik, befarqlik bilan noma'lum kimsaga voyaga yetmagan o‘quvchini berib yuborgani uchun ularni ham jazoga tortish kerakligini aytdi.  

Tag‘in o‘qing
2 oktyabr 2018
Majburiy ijro byurosi tomonidan xalqdan undirilgan trillionlab so‘m mablag‘ning bir qismi aholining zimmasiga yuklangan asossiz qarzdorlik bo‘lishi ehtimoli juda ...
16 may 2017
«Oila va jamiyat» gazetasi (10.05) mobil aloqa kompaniyalari «xizmatlarining milliy ma'naviyatimizga tahdidi» haqida bong urdi. Unda mobil aloqa operatorlari ...
5 sentyabr 2016
O‘zbekiston ichidagi jurnalistika yana bir bor navbatdagi sinovdan o‘ta olmadi. TVsi ham, gazetayu jurnallari ham o‘ta olmadi. O‘zbekistonda prezident ...
18 aprel 2016
«Milliy tiklanish» gazetasi shu nomdagi partiyaning xalq deputatlari mahalliy kengashlari deputatlari tomonidan «xalq farovonligi» yo‘lida olib borilayotgan ishlar, ular ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...