Asosiy mavzular
23 avgust 2021

69 yoshli otaxon mashinasiz qoldi

Qoraqalpog‘iston Respublikasining To‘rtko‘l tumanidagi “Sho‘raxon” ovul fuqarolar yig‘inida istiqomat qiluvchi 69 yoshli Sulton Rahimov mashinasiz qoldi. 

U 2019 yil 6 noyabrda “Cobalt” mashinasi xaridi uchun “Beruniy avto savdo” MChJga 87 million 400 ming so‘m to‘lov qilgan edi. Oradan 2 yil o‘tdi, ammo   otaxonning muammosi yechilmadi.

“Eltuz” muxbiri holatni o‘rganish maqsadida tomonlar bilan gaplashdi.

“Otamga mashina sovg‘a qilmoqchi bo‘lib, ancha yillardan buyon pul yig‘ib yurardim, – deydi Sherzod Rahimov. – Ozroq pul to‘planganidan so‘ng otam “Cobalt” uchun to‘lov qilgan. 

Bu orada men Rossiyadan kelib, Toshkentda qora ishchi bo‘lib ishlab yurgandim. Oradan hech qancha o‘tmay, mashinadan xabar olgani borsa, chek va to‘lov qog‘ozida muammo borligini aytishgan, so‘ng mashinaga to‘lov qilinmagan, deyishgan. 

Otam bu holat bo‘yicha dastlab tuman sudiga, so‘ng prokuraturaga, Oliy sudga, Bosh prokuraturaga ariza bilan chiqdi. Xullas, bormagan joyi qolmadi. Hozir otam qand kasali bilan og‘rib yotibdi”.

“Eltuz”ga taqdim etilgan hujjatlarda mashinaga to‘lov qilgan MChJ muhri aks etgan.

“Beruniy avto savdo” MChJ direktori Ne'mat Turdiev pul to‘lovi haqida o‘zining iddaolarini keltirib o‘tdi.

“Pulni hisobchimiz Jasur Matkarimov olgan va u bizning hisobga kelib tushmagan, -deydi Ne'mat Turdiev. – Ammo ularga taqdim etilgan hujjatda MChJ muhri bosilgan. 

Holat bo‘yicha bir yildan oshiqroq vaqt davomida surishtiruv o‘tkazildi. Biz xodimga nisbatan chora ko‘rilishini, korxona nomidan qilgan ishlariga javob berishini so‘raganmiz”.

Nukus prokuraturasi mulozimi “Beruniy avto savdo” MChJ hisobchisi Jasur Matkarimov bilan bog‘liq masala o‘rganilgani, u bilan bog‘liq 5 ta shunday holat yuz berganini ma'lum qildi. 

Uning bildirishicha, 3 nafar fuqaroga pullari qaytib berilgan. Qolgan ikki nafariga berilgan muddatda pullarni qaytarish imkoni bo‘lmagan va qonuniy chora ko‘rilgan.

2020 yil dekabrda Ellikqal'a tumani sudi tomonidan dastlab Jasur Matkarimovga 5 yil ozodlikdan mahrum etish belgilanadi, tomonlar qarshi chiqib, pulni qaytarib bersa, boshqa da'vosi yo‘qligini aytadi. 

Shunda hisobchi Jasur Matkarimovga 6 oy muhlat berilgan. Biroq bu muddat ichida Sulton Rahimovdan olingan pullar qaytarilmagan va u sud belgilagan muddatga qamalgan.

Tag‘in o‘qing
9 iyun 2020
Bu maqolani o‘tgan yili yozgan edim. Lekin hech qaerga jo‘natmadim. Sababi, O‘zbekiston Respublikasi prezidenti Sh.Mirziyoevning tashabbusi bilan O‘zbekiston bilan ...
14 dekabr 2015
Malohat Eshonqulova Eltuz.com Ular “Do‘stlik” tuman sog‘liqni saqlash tizimi tibbiyot xodimlari edi. Dam olish kuni bo‘lishiga qaramay ular, erta ...
19 mart 2022
1989 yilning 19 martida Toshkent markazidagi Lenin (hozirgi Mustaqillik) maydonida norozilik mitingi bo‘lib o‘tdi. Mitingni “Birlik” xalq harakati tashkil ...
27 yanvar 2022
(Taniqli shoir va siyosatchi Muhammad Solihning “Imperativ” kitobidan 39-qism. Audiokitob matnini muallifning o‘zi o‘qigan. Davomi bor.) Masalan, chayonning insonga ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...