Asosiy mavzular
5 noyabr 2021

O‘zbekiston: Darg‘azab internet foydalanuvchilari ijtimoiy tarmoqlardagi taqiqlar ustidan qisman g‘alaba qozonishdi

O‘zbekistonda internetdagi bir qancha tarmoqlarning bloklab qo‘yilishi ko‘plab foydalanuvchilarning keskin noroziligini keltirib chiqarishi ortidan bu ishga aloqador ko‘ringan ayrim amaldorlarning “boshi uchdi”.

Taqiq qo‘yilgan tarmoqlardan biri bo‘lgan Telegram messenjeri O‘zbekiston aholisining aksariyati uchun yangiliklarni o‘qish, oila, do‘stlar va hamkasblar bilan muloqot qilish uchun qulay ilova hisoblanadi.

Shu bois, 3 noyabr kuni ushbu xizmatning uzilishi noroziliklarga sabab bo‘lganidan ajablanmasa ham bo‘ladi.

Shuningdek, ko‘pchilik foydalanuvchilar Telegramda biznes bilan ham shug‘ullanishi sababli bu uzilish odamlarga pul va shaxsiy noqulayliklarni keltirib chiqaradi.

Shaxsga doir ma'lumotlarni saqlashni tartibga soluvchi qonunchilikni buzganlikda ayblanib, internetni nazorat qilish uchun mas'ul davlat organining qora ro‘yxatiga kiritilganlar orasida global ijtimoiy media gigantlari – Facebook va YouTube, shuningdek, Rossiyaning mashhur “Odnoklassniki” tarmog‘i ham bor edi.

O‘zbekistonlik internet foydalanuvchilari uchun sevimli ijtimoiy tarmoqlarining qayta ochilishi umidsizdek ko‘rindi.

Axborot texnologiyalari va kommunikatsiyalarini nazorat qilish davlat inspektsiyasi (“O‘zkomnazorat”) qaroridan kelib chiqqan noroziliklar ortidan vaziyatga O‘zbekiston prezidentining aralashuvi sababli tarmoqlar ishi qayta tiklandi.

Oradan ko‘p vaqt o‘tmay, Telegram, Facebook, YouTube va “Odnoklassniki” odatdagidek ishlay boshladi, deb xabar berdi O‘zbekistondagi foydalanuvchilar 3 noyabr kuni kechqurun.

O‘zbekistonning xalqaro imijiga salbiy ta'sir etuvchi bloklash voqeasi prezidentning aralashuvi bilan hal etilishi ayrim amaldorlar uchun jiddiy oqibatlarga olib kelishi dastlabki soatlardan ma'lum bo‘ldi.

Avvaliga “O‘zkomnazorat” rahbari, sal o‘tib esa AKT vaziri va Bosh vazirning AKT bo‘yicha maslahatchisi ishdan olingani haqida xabarlar paydo bo‘ldi.

Aytish joizki, aynan prezidentning o‘zi yanvar oyida O‘zbekiston hududida fuqarolarning shaxsga doir ma'lumotlarini saqlashni talab qiluvchi qonunni ma'qullagan edi. Xuddi shu talab asosida endilikda “O‘zkomnazorat” ijtimoiy tarmoq kompaniyalarini qonunbuzarlikda ayblamoqda.

Qolaversa, prezident 29 oktyabr kuni ushbu qonunni buzganlik uchun jarima miqdorini oshirish to‘g‘risidagi qonunni imzolagandi.

Bu qonun O‘zbekistonda tarmoq foydalanuvchilari internetga taqiqni chetlab o‘tish uchun foydalaniladigan virtual xususiy tarmoqlarning (VPN) yuklab olinishi keskin oshishiga olib keldi.

Shunday qilib, Telegram, Facebook va YouTube muxlislari yana mamnun holda internetda “suzayotgan” paytda hukumat fuqarolarni ijtimoiy tarmoqlardan uzoqlashtirish uchun qo‘llayotgan vosita o‘z kuchini yo‘qotgani yo‘q.

O‘zbekistondagi foydalanuvchilarga ko‘ra, iyul oyidan beri mashhur ijtimoiy tarmoqlar, jumladan, Twitter va TikTokka kirish taqiqlanganicha qolmoqda.

Eltuz.com

Tag‘in o‘qing
7 aprel 2018
Amir farmonida nufuzli kishilardan iborat majlis, davlat xazinasini ta'sis etish va mamlakat byudjetini belgilash, poytaxtda bosmaxona ochish, sanoat va ...
21 noyabr 2022
Salom qadrli muxlislari. Bugun 21 noyabr. E'tiboringizga Eltuz «600 sekund»ning navbatdagi sonini taqdim etadi.+++Kattaqo‘rg‘onda itni temir bilan urib o‘ldirgan ...
17 aprel 2017
«Erk» Demokatik partiyasi lideri Muhammad Solih Qozog‘istonning yil oxirigacha lotin yozuviga o‘tish qarorini qo‘llab quvvatlashini bildirdi. Qozog‘iston prezidenti Nazarboev ...
20 noyabr 2018
Prezident Shavkat Mirziyoevning eng katta islohotlaridan biri aholiga davlat xizmatlari ko‘rsatish tizimini tubdan yaxshilash bo‘ldi, desak yanglishmaymiz. Hozir Yagona ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...