Asosiy mavzular
25 noyabr 2021

TV shoular ustidan Kalonovning prezidentga shikoyati «mahallada duv-duv gap» bo‘ldi

“Nuroniy” jamg‘armasi shahar kengashi raisi Rustam Kalonovning 23 noyabr kuni prezident Mirziyoev bilan faollar uchrashuvi chog‘ida “Mahallada duv-duv gap”, “Yor-yor” kabi TV shoulari ustidan arzi tarmoqlardagi bahs va pichinglarga sabab bo‘ldi.

“Xalq balki birinchi va oxirgi bor yuzma-yuz ko‘rishgan davlat rahbariga o‘zining dardini emas, telekanallardagi tok-shoular muammosini aytadigan davrga yetibmiz-ey..))” deya izoh yozdi bu holatni kuzatgan, respublika telekanallarida uzoq yillar ishlagan jurnalist Shohira Hamro.

“Prezident bilan uchrashgan mahalliy liderlar TVdagi ko‘rsatuvlardan nolishibdi. To‘g‘ri, hukumat bu kanallardagi kontentni hal qiladi. Va bu jamoatchilik vakillari uchun hozirgi O‘zbekistonda o‘sha «bema'ni ko‘rsatuvlar»dan boshqa muhimroq muammo yo‘q”, deya piching qildi “Amerika ovozi” muxbiri Navbahor Imomova.

Telegram kanali blogeri Zafar Solijonov esa Kalonovning shu yilgi prezident saylovida O‘zLiDePni bir jinsli nikohlarni qo‘llashda ayblaganini eslab, “ikkiyuzlamachilikdan battar bu”, deya yozg‘irdi:

«Ko‘rsatuvlar haqida gapirsam, bu yerda ham «ma'naviyat»ni yoqib olishni yig‘ishtirish kerak. Yechimi oson – yoqmasa, ko‘rma, boshqa kanalga olib qo‘y. Hech kim seni majburlayotgani yo‘q. Bu ko‘rsatuvlarning ko‘plarga foyda tegayotganini ko‘rib turibmiz. Yotvolib chet el tajribasi deydigan davlatlarda ham bu shou bo‘lishi normal holat. Davlatdan so‘z erkinligini so‘rashdan oldin o‘zimizni tsenzuralashni bas qilish kerak»

23 noyabr kuni Toshkent shahrining Shayxontohur tumaniga tashrifi chog‘ida mahallalar faollari bilan uchrashgan prezident Shavkat Mirziyoevga «Nuroniy» jamg‘armasi poytaxt kengashi raisi Rustam Kalonov TV tomoshalari ustdan shikoyat qilib, jumladan, quyidagilarni aytgan:

“Mana, muhtaram prezident, mahallalarga katta e'tibor beryapsiz. Lekin bir fikr bor edi – “Sevimli” telekanalida “Mahallada duv-duv gap” degan ko‘rsatuv bor. Umuman bizning an'analarimizga zid. Qanday qilib uni oila davrasida tomosha qilish mumkin, hayronman. Shunchalik bir masalani muhokama qilmoqchi ekan, o‘sha mahallasiga borib qilsin shuni. Yana “Yor-yor” degani ham bor. Unda chiqib xotinlar er topaman deydi, erkaklar xotin. Yaxshi erkak bo‘lsa, o‘zi xotin topib oladi”.

Kalonovning shikoyatini tinglagan prezident Mirziyoev bosh vazir Abdulla Aripovga bu yuzadan topshiriq berib: “Abdulla Nig‘matovich, o‘zingiz nazoratga oling bu masalani”, degan.

Eltuz.com

Tag‘in o‘qing
28 may 2019
“Shoma mening yonimga kelib, tizzamga tepdi. Men “He, onangni…”, deb uning ustiga qarab yurdim. Shoma stoli ortiga qochdi va ...
3 aprel 2018
Jurnalist Bobomurod Abdullaev va yana uch nafar shaxs ustidan Toshkent shahri sudida 2 aprel kungi mahkamada, asosan, Hayotxon Nasriddinov ...
28 dekabr 2019
Kelayotgan yilning fevral oyida O‘zbekiston prezidenti Shavkat Mirziyoevning Rossiyaga kutilayotgan tashrifi chog‘ida mamlakat uchun hayotiy masalalar muhokama qilinadi.  Bu ...
19 may 2017
O‘zA tomonidan davlat arbobi Sharof Rashidovning 100 yillik yubileyiga bag‘ishlab tayyorlangan maqolani mamlakatning bir qancha gazetalari bosdi. Sh.Rashidov bilan ...
Bloglar
23 may 2022
(Taniqli shoir va siyosatchi Muhammad Solihning “Imperativ” kitobidan 50-qism. Audiokitob matnini muallifning o‘zi o‘qigan) «Sof ...
17 may 2022
(Taniqli shoir va siyosatchi Muhammad Solihning “Imperativ” kitobidan 49-qism. Audiokitob matnini muallifning o‘zi o‘qigan. Davomi ...
11 may 2022
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...