Asosiy mavzular
14 aprel 2022

Qarshi shahar hokimligidagi jinoiy ish sudga oshirildi

2022 yil 1 aprel kuni Qarshi shahar hokimi Xolboev Normo‘min Yaxshievich IIB xodimlari tomonidan hibsga olinib, jinoiy ish ochildi. Bundan tashqari xokimlik qurilish bo‘limiga aloqador 7 mulozim  ham qo‘lga olingan. Bu haqdagi xabar Eltuzga Qarshi shahar IIO FMB bo‘limidan yetib keldi.

Eltuzda mavjud ma'lumotga ko‘ra¸ Qarshi shahar hokimligi, Kadastrlar palatasi viloyat boshqarmasi va Qurilish bo‘limining 7 nafar xodimi qonunga zid ravishda 318 ta holatda 105 gektar yerni auktsionsiz berib yuborgani aniqlandi. Ushbu yer maydonlarining bozordagi bahosi 156,4 mlrd so‘mni tashkil qiladi. Gumondorlarga nisbatan qo‘zg‘atilgan jinoyat ishi sudga yuborilgan.

Eltuz tasarrufidagi hujjatlarga ko‘ra, shahar hokimi Xolboev bilan birga ehtiyot chorasi sifatida qamoqqa olingan uning sheriklari orasida Qarshi shahar hokimligi huzuridagi yer uchastkalariga egalik qilish, floydalanish va ijaraga berish (realizatsiya qilish) masalalarini ko‘rib chiqish doimiy komissiyasi raisi G‘. Sultonov, mavsumiy ishchi  Fozilov Jamshid G‘ayratovich va boshqalar bor.

Shuningdek bildirilishicha ular “oldindan til biriktirib, bir guruhga birlashib, ish faoliyati davomida, O‘zbekiston Respublikasi Prezidentining 20.04.2018 yildagi “Tadbirkorlik shaharsozlik faoliyatini amalga oshirish uchun yer uchastkalarini doimiy foydalanishga berish tartibini tubdan takomillashtirish chora tadbirlari to‘g‘risida”gi PQ-3677-sonli qarorining 1-bandida ko‘rsatilgan 01.07.2018 yildan boshlab yuridik va jismoniy shaxslarg tadbirkorlik va shaharsozlik faoliyatini amalga oshirish uchun yer uchastkalarini doimiy foydalanishga berish” qoidalarini buzishgan.  

“Yer uchastkalarini  doimiy foydalanishga berish “Ye-IJRO AUKSION” yagona elektron savdo maydonchasida elektron auktsion orqali amalga oshirish belgilangan bo‘lsada, bu normani qasddan buzib, yer uchastkasiga talabgor jismoniy va yuridik shaxslarga auktsion savdosida qatnashish imkoniyatini yaratib bermasdan, jami 280 xolatda 1.042.04 kv.metr bahosi 153 mlrd. so‘mlik yer maydonlarini belgilangan tartibda auktsion savdosiga chiqarmasdan, jismoniy va yuridik shaxslarga to‘g‘ridan to‘g‘ri doimiy foydalanish uchun ajratib berib yuborganligi aniqlangan”, deyiladi jumladan Eltuzga yetib kelgan hujjat nushasida.
Mazkur holat yuzasidan Qashqadaryo viloyati Prokuraturasi tomonidan 31 mart kuni ochilgan O‘zR JKning 205-moddasi 2-qismi “a” bandi bo‘yicha ochilgan jinoyat ishi Qashqadaryo viloyat sudiga o‘tkazildi.

PS: Shoshilinch xabar Eltuzda e'lon qilingach, 14 aprel kuni Qarshi shahrining sobiq va amaldagi hokimlari qamoqqa olinganligi» haqidagi ma'lumotlar yuzasidan Ichki ishlar raddiya berdi: «Mazkur jinoyat ishi bo‘yicha Qarshi shahrining sobiq hokimi Fozilov va amaldagi hokim Xolboevlar ayblanuvchi sifatida jalb qilinmagan. Viloyat prokuraturasi tomonidan yer talon-torojliklari holatlari bo‘yicha xizmat soxtakorligiga yo‘l qo‘ygan kadastr, qurilish bo‘limi, shahar hokimligi sobiq yuristlari – jami 7 nafar shaxs Jinoyat kodeksining 205, 206, 209, 229-4-moddalari bilan ayblanib, jinoyat ishi sud muhokamasiga yuborilgan».

Eltuz.com

      
Tag‘in o‘qing
27 mart 2019
Rasmdagi ayol Estoniya prezidenti Kersti Kalyulayd. Myunxendagi konferentsiyada odamlar orasida o‘tirganida uni tanishmadiyam. U majlis zalida el qatori oddiy ...
20 yanvar 2020
O‘zbekistonda Oliy Majlis Senatiga saylanganlarning aksariyati, to‘g‘riroq aytganda, asosiy roldagilar yana o‘sha eski amaldorlarning o‘zlaridir. Bundan avvalroq O‘zbekiston prezidentining ...
20 aprel 2019
Ko‘plab manbalarda Muhammad CAV tug‘ilgan kunlari turlicha talqin qilinadi, biroq sahih deya atalgan ko‘p manbalarda 571 yilning 20 apreli ...
2 mart 2018
19 yillik tutqunlikdan keyin «Erk» demokratik partiyasi faoli 54 yoshli jurnalist Yusuf Ro‘zimurodov 22 fevral kuni Chirchiq qamoqxonasidan ozod ...
Bloglar
28 may 2024
Men millatchi emasman! Lekin qaytadan ta'mirlatilgan va Toshkent shahrining sobiq hokimi J. Ortiqxo‘jaev tomonidan Pasxaga ...
11 may 2024
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. ...
6 may 2024
Hayrli kun! Urganch shahrida yashayman. Bugun quyidagi voqea yuz berdi: men avtobusda telefonda gaplashib turgandim. ...