Document UZ
31 yanvar 2018

MXX raisi Rustam Inoyatov ishdan ketdi

31 yanvar kuni MXX raisi Rustam Rasulovich Inoyatov ishdan bo‘shatildi. Bu haqda O‘zbekiston prezidentining MXX va prokuratura xodimlari ishtirokida o‘tkazgan selektor yig‘ilishida ma'lum qilindi.

MXX raisi lavozimiga shu vaqtgacha O‘zbekiston Bosh prokurori bo‘lgan Ixtiyor Abdullaev tayinlandi. Bosh prokuror lavozimini esa prezidentning davlat maslahatchisi sifatida ishlab kelgan Otabek Murodov egalladi.

23 yildan beri MXX raisi lavozimida ishlab kelayotgan Rustam Inoyatovning bo‘shatilishi O‘zbekiston prezidenti Shavkat Mirziyoevning MXXni ochiq tanqid qilgani ortidan yuz berdi.

1995 yilning 26 iyunidan beri MXX raisi lavozimini egallab kelayotgan 74 yoshli Rustam Inoyatovning mavqei Karimov o‘rtadan ketishi bilan zaiflashgani haqida “Eltuz” 2016 yilda yozgan edi.

2016 yil 27 avgustigacha, ya'ni Karimovning miyasiga qon quyulguniga qadar O‘zbekistonning so‘nggi 25 yili davomidagi mutlaq rahbari Islom Karimovgagina bo‘ysunib kelgan MXX idorasi va uning raisi qo‘lida asosiy boshqaruv richagi qolgani, “Eltuz” suhbatlashgan mulozimlarga ko‘ra, Mirziyoev havotiriga sabab bo‘lgan.

Hozirda ishdan olingan Rustam Inoyatov nafaqat KGB/MXX, balki mustaqil O‘zbekiston hokimiyat tizimlari tarixida o‘z kursisida eng uzoq o‘tirgan amaldor sifatida tarixda qoldi.

“Eltuz” Rustam Inoyatovning korruptsiya yo‘li bilan qo‘lga kiritgan mol-mulklari haqida qator maqolalar e'lon qilgan edi.

<iframe width=”560″ height=”315″ src=”https://www.youtube.com/embed/2wlrRXDWgSw” frameborder=”0″ allow=”autoplay; encrypted-media” allowfullscreen></iframe>

Eltuz.com

Tag‘in o‘qing
22 noyabr 2016
Shunday ishtiyoqni bildirganlar orasida 68 yashar farg‘onalik fermer, 63 yashar xorazmlik pensioner, andijonlik novvoy bor. Jumladan, farg‘onalik keksa fermer ...
29 oktyabr 2020
O‘zbek modern she'riyatining taniqli namoyandasi, O‘zbekiston xalq shoiri Omon Matjon 77 yoshida Toshkentda olamdan o‘tdi. Shoir Xorazm viloyatining Gurlan ...
3 aprel 2017
Rossiya millionlab o‘zbek muhojirlarining ikkinchi uyiga aylandi. Ular yillar davomida shu mamlakatda ishlashmoqda va yashashmoqda. Ijtimoiy tarmoqdagi bahslarga ko‘z ...
7 may 2020
Qadimgi Rim arenalaridagi hayot-mamot janglarini eslaysiz-a? O‘qigandirsiz, kinosini ko‘rgandirsiz… Tepada hayqirayotgan, to‘lqinlanayotgan tomoshabinlarni-chi? Hozir hayot sahnasida ro‘y berayotgan voqea-hodisalar ...
Bloglar
1 dekabr 2020
«Oshin» – 1983 yilda Yaponiyada suratga olingan ko‘p qismli film. Bosh rollarda Nobuko Otova, Yuko ...
25 noyabr 2020
Kuzda ketib kuzda qaytdim Sovet Armiyasi safidan. Bizni armiya safiga oliy o‘quv yurtlarining kunduzgi bo‘limidan ...
24 noyabr 2020
“Humo” nomli uchoq shirkati haqida gap chiqishi bilan eronlik do‘stlarim o‘zbeklarni plagiatda aybladi. Eronda “Humo” ...