Document UZ
21 mart 2018

100 million dollar o‘zlashtirgan amaldor ozod etilish arafasida

“Eltuz” nashri qamoqdan chiqishi kutilayotgan, 100 million dollarni o‘zlashtirishda ayblanib qamalgan amaldor Jur'at Meliqulov faoliyatiga oid filmni taqdim etadi.

O‘zbekiston Bosh prokuraturasi yuqori lavozimli mulozimining “Eltuz”ga bildirishicha, 54 yoshli Jur'at Meliqulov fevral oyida Qarshidagi 64/49-jazoni ijro etish koloniyasidan Pskentdagi 64/75-manzil koloniyaga o‘tkazilgan.

Marhum prezidentning to‘ng‘ichi Gulnora Karimovaning “cho‘ntagi” ekani aytiladigan Jur'at Meliqulov 2012-2013 yillar oralig‘ida Farg‘ona neftni qayta ishlash zavodidan 100 million AQSh dollaridan ko‘proq mablag‘ni o‘zlashtirishda aybdor deb topilib, 2014 yilning 20 avgustida jinoyat ishlari bo‘yicha Toshkent shahri sudi tomonidan 15 yilga ozodlikdan mahrum etilgandi.

Bosh prokuratura xodimining aytishicha, xalq orasida FNPZ nomi bilan mashhur Farg‘ona neftni qayta ishlash zavodining sobiq tijoriy direktori Jur'at Meliqulov yaqin kelajakda butunlay ozod bo‘lish uchun bor imkoniyatlarini ishga solmoqda.

Uning ilova qilishicha, mart oyi boshida Pskentdagi manzil koloniya rahbariyati Meliqulovdan prezident nomiga kechirim nomasi yozdirib olgan.

Jur'at Meliqulovning davlatga yetkazgan moddiy zarari qoplangani yo‘q.

«Eltuz» bir oycha davom etgan tekshiruvi davomida Jur'at Meliqulovga aloqador shirkatlar va mol-mulklarning ba'zilarini aniqlashga muvaffaq bo‘ldi.

Ular quyidagilardan iborat:

  • Toshkent shahri, Oybek metrosi yaqinidagi 4 qavatli ofis;
  • Toshkent shahri, Taras Shevchenko ko‘chasidagi EVO ko‘p qavatli binosi;
  • Dubayning «Palma» orolidagi qimmatbaho villa;
  • Moskvaning «Malina Rosha» mavzesidagi 7 qavatli biznes markazi;
  • Stamford Capital Lnc ofshor shirkati (bu shirkatda Jur'at Meliqulovning qancha mablag‘i saqlanayotgani ma'lum emas)

Eltuz.com

Tag‘in o‘qing
9 oktyabr 2019
Aksariyat o‘zbekistonliklar orasida Salimboy deya sig‘iniladigan, boshqa manbalarda “kriminal avtoritet” atalgan Salim Abduvaliev “Qizil kitob”ga kirgan ayiq, bo‘ri va ...
11 mart 2020
Ota o‘g‘liga telefonda: “Damasga pulim yetmadi, bolam. Yana o‘n million yubor”. Rassom Kirpi
21 sentyabr 2018
“Integral Invest” shirkati rahbari, 18 oy hibsda qolgan yirik tadbirkor 51 yoshli Jahongir Umarov kassatsiya shikoyatidan so‘ng 15 sentyabrda ...
10 fevral 2020
Madaniy meros ob'ektlari ro‘yxatiga kiritilgan Toshkent davlat yuridik universiteti binosining mehmonxonaga aylanish ehtimoli tarixchi va me'morlar tashvishiga sabab bo‘ldi. ...
Bloglar
21 sentyabr 2020
Ayollar diskriminatsiyasi va gender tenglikka qarshi harakatlar avval masjidlarda, ichki ishlar xodimlari orasida (ayollarni yechintirib, ...
14 sentyabr 2020
Bir tanishim bor edi. Hozir o‘tib ketgan. Ikki-uch yilda chorraha yoki metro vagonida to‘qnash kelib ...
11 sentyabr 2020
“Biz tomonlargayam koronavirus infektsiya yetib keldi. Qishlaxta o‘n beshta odamda o‘sha kasallik bor ekan”,- dedi ...