Document UZ
19 aprel 2018

“Damas” – oddiy xalq uchun emas!

O‘zbekistonda ishlab chiqariladigan “Damas” avtomobilining narxi oxirgi uch yilda ikki baravar oshib, 50 mln so‘mga yetgan bo‘lsa-da, hali-hamon ochiq savdoda mavjud emas.

“Yana uch yil navbat kutishim kerak”, deydi “Eltuz”ning 2017 yildan navbatda turgan suhbatdoshi

«GM O‘zbekiston» AJ tomonidan 2017 yilning sentyabr oyidan avtomobillarni elektron navbat orqali sotish tizimi yo‘lga qo‘yilgani ham mavjud muammoni bartaraf eta olmadi.

“Damas” avtomobili sotib olish uchun 2017 yil noyabrdan elektron navbatda turgan O‘zbekiston vatandoshining “Eltuz”ga ma'lum qilishicha, olti oy ichida uning navbati faqat 80 taga qisqargan va hozirda 470-o‘rinda.

“Damas” olishim uchun o‘rtacha hisobda yana uch yil navbatda turishim kerak, agar bu avtomobil ishlab chiqarishdan olib tashlanmasa, sotib olishim mumkin ekan», – deya kinoya qiladi u.

“GM O‘zbekiston” ma'lumotlarni “tijorat siri” deya yashirmoqda

Xaridorlarlarning “GM O‘zbekiston” elektron navbatlariga shubha bildirishida bir nechta asos mavjud.

Birinchidan, O‘zbekistonda yillar davomida avtomobillarning «shapka» orqali sotilganidan hamma xabardor.

Ikkinchidan, hozir ham hamma avtomobil bozorlarida qo‘shimcha haq evaziga avtosalonlardan navbatsiz avtomobil sotib olishda yordam beradigan shaxslar faoliyat yuritmoqda.

Asaka avtomobil zavodi 2018 yilning birinchi uch oyida Rossiyada 4100 dona avtomobil sotganligi ma'lum, lekin ayni shu muddatda uning O‘zbekiston ichki bozorida nechta mashina sotgani ochiqlanmagan.

«GM O‘zbekiston» AJning “Eltuz” muxbiriga bergan rasmiy bayonotiga ko‘ra, avtozavodning dilerlar orqali sotgan avtomobillari soni, rusumi va shu kabi boshqa ma'lumotlar tijorat siri bo‘lib, oshkor etilmaydi.

Hukumat tomonidan bir yoshga “to‘lmagan” avtomobillarning oldi-sotdisini cheklovchi qarorning bekor qilingani ortidan yangi avtomobillar bozori to‘la ravishda olibsotarlar qo‘liga o‘tishi mumkin.

Oddiy fuqarolarning O‘zbekistonda ishlab chiqarilgan “Damas” kabi arzon avtomobillar sotib olish orzusi esa haligacha armon bo‘lib qolmoqda.

Umid Erkin
Eltuz.com

Tag‘in o‘qing
24 yanvar 2020
Prezident Mirziyoev 2020 yilni “Ilm-ma'rifat va raqamli iqtisodiyotni rivojlantirish yili”, deb e'lon qildi. Prezident Shavkat Mirziyoev Oliy Majlisning Senati ...
19 yanvar 2017
Eltuz nashri jurnalist Shamsiddin To‘laganovning Milliy havfsizlik xizmati raisi Rustam Inoyatov iste'fosi haqidagi maqolani chop etishi ortidan Respublika telekanali ...
31 yanvar 2018
“Erk” demokratik partiyasi raisi Muhammad Solih “Eltuz” muxbiri bilan suhbatda o‘z tasarrufidagi ma'lumotlarga asoslanib “Inoyatov tarafdorlarini zaiflashtirish ancha qiyin ...
26 fevral 2019
Toshkent shahri prokuraturasi shahar hokimligining Anhor bo‘yidagi buzilayotgan 78-uyda yashovchilarni ko‘chirishda qatnashgan mulozimga intizomiy chora ko‘rdi. Bu ayni mahalla ...
Bloglar
2 iyul 2020
6-sinfda o‘qirdim, Kampuchiyada davlat to‘ntarishi bo‘lib hukumatga Pol Pot rahbarligidagi “Qizil kxmerlar” kelganini, ular butun ...
25 iyun 2020
​​Xalqaro press-klubda matbuot anjumani bo‘lib o‘tibdi, unda Inson huquqlari bo‘yicha Milliy markaz direktori Akmal Saidov ...
21 iyun 2020
(bo‘lgan voqea) Tarjimon sifatida Rossiyaning militsiya bo‘limlaridan biriga chaqirishgan edi. Bo‘limda jinoyatchi sifatida gumon qilingan ...