Document UZ
21 may 2020

Toshkent shahri madaniyat markazining xodimlari karantinda ishdan bo‘shatildi

Toshkent shahri markaziy madaniyat markazining kamida 7 nafar xodimi karantin davrida ishdan bo‘shatildi. 

Markaz administratori Shuhrat Tohirov xodimlar, jumladan, uning o‘zi ham joriy yilning 6 fevralida Madaniyat vazirligi taftish guruhi o‘tkazgan majlisdan keyin bir oy o‘tib, markaz direktori Zohida Umarovaning buyrug‘i bilan bo‘shatilganini «Eltuz»ga bildirdi.   

Qo‘shiqchi Iroda Allaberganova uni va hamkasblarini Madaniyat markazi direktori Zohida Umarova ustidan shikoyat yozishgani uchun qasddan bo‘shatishganini iddao qilmoqda.

Madaniyat markazining “Ritm” raqs dastasi sahnalashtiruvchi rejissyori lavozimida ishlagan Iroda Allaberganova o‘z mehnat daftarchasini 6 may kuni pochta orqali olganini aytadi.

“Men ishdan bo‘shash haqida ariza bermaganman. Markaz direktori Zohida Umarovaning o‘zi o‘tgan sana bilan buyruq chiqarib, bizni ishdan bo‘shatyapti, mehnat daftarchamizni esa pochta orqali uyimizga jo‘natyapti”, dedi u.

Uning bildirishicha, markazning 7 nafar xodimi 2020 yilning 3 yanvarida Toshkent shahri va Yunusobod tumani prokuraturalariga shikoyat yozishgan. Shundan so‘ng 6 fevralda Madaniyat vazirligi arizani tekshirish uchun ishchi guruh yuborgan.

“Biz hamkasblarim bilan direktorimiz Zohida Umarovaning mukofot pullarimizni o‘zlashtirayotgani yuzasidan shikoyat qilganmiz. Yig‘ilishdan ko‘p o‘tmay, bizni ishdan bo‘shatish to‘g‘risida buyruq chiqarib, mehnat daftarchamizni pochta bilan uyimizga jo‘natyapti”, deydi Allaberganova.

Vazirlik ishchi guruhi 2020 yil 6 fevralda tasdiqlagan ma'lumotnomaga ko‘ra, “markazda moliyaviy masalalar, xususan, xodimlarning ish haqlarini o‘zlashtirayotganligi, haqiqatda ishlamagan xodimlarga ish haqi ajratayotganligi, berilmagani, pul mablag‘lari talon-taroj holatlari yuzasidan” dalolatnoma tuzilgan.

“Markazda mehnat qonun hujjatlariga amal qilmagan holda xodimlarni ishga qabul qilish va mehnat shartnomasini qayd etish kitobida 2019 yil uchun 111 ta buyruqdan 22 ta buyruq qayd etilgan bo‘lsa, qolgan 89 ta buyruq qayd etilmagan”, deyiladi, jumladan, ma'lumotda.

Markaz administratori Tohirovning so‘zlariga ko‘ra, ishdan bo‘shatilganlar rejissyor, qo‘shiqchi,  raqqosa va administrator kabi lavozimdagilardir. U bo‘shatilganlar o‘rniga kim tayinlanganini hozircha bilmasligini aytadi, chunki markazning o‘zi karantin uchun hamon yopiqligicha qolmoqda.

Eltuz.com

Tag‘in o‘qing
22 fevral 2023
Eltuz portaliga kelgan navbatdagi 5 ta shikoyatni o‘qib eshittiramiz. Dastlabki shikoyat Toshkent viloyatining O‘rtachirchiq tumanidan. Avtomobil egasi yo‘llarning ahvolidan ...
15 oktyabr 2018
O‘zbekistonda Uy-joy kodeksiga kiritilgan o‘zgarishlarga ko‘ra, endilikda davlat va jamoat ehtiyoji uchun olib qo‘yilayotgan uylarning faqat mulkdorlarigina turar joy ...
29 noyabr 2017
28 noyabr kuni O‘zbekiston iqtisodiyot vaziri 61 yoshli Galina Saidova hamda O‘zbekiston tashqi savdo vaziri 57 yoshli Elyor G‘aniev ...
3 may 2021
3 may kuni taniqli huquq faoli Sur'at Ikromov 76 yoshida Toshkentda vafot etdi. U umrining 20 yilini siyosiy va ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...