Document UZ
23 mart 2021

Turkmanistonlik talabalar o‘z yurtiga qayta olmayapti

Turkmaniston hukumati karantin qoidalari sabab o‘z talabalarini mamlakat hududiga kiritmayapti. Talabalar chegara punktida qolib ketgan va bir necha kundirki, o‘z yurtiga qayta olmay halak. 

Ma'lum bo‘lishicha, «Olot-avto» chegara punktida turkmanistonlik 11 nafar talaba yurtiga kira olmay o‘tiribdi. Ular hozir o‘sha yerdagi avtobus bekatlardan biriga joylashib, noqulay sharoitlarda yashashga majbur bo‘lmoqda. 

Talabalarni Turkmanistonga qaytishga nima majbur etdi? Gap shundaki, 2020 yilda iqtisodiyotning yomonlashuvi va valyuta defitsitining oldini olish uchun xalqaro kartalar orqali valyuta o‘tkazishga cheklov qo‘yilgan. 

Turkman talabalari avtobus bekatini o‘zlariga boshpana qilishgan

Shundan so‘ng xorijda o‘quvchi talabalarning moliyaviy ahvoli yomonlasha boshlagan. 2021 yilning o‘zida turkmanistonlik 170 dan ortiq talaba o‘zlari o‘qiyotgan universitet ma'muriyatiga ishga joylashtirish bo‘yicha iltimos bilan chiqishgan. 

Buxoro pedagogika kolleji talabasi B.Sultieva onasining vafoti sabab moliyaviy ko‘makdan mahrum bo‘lgan, onasining ta'ziyasiga borishga hatto taqiq qo‘yilgani sabab o‘z joniga qasd qilgan. 

Turkmanistonlik 600 dan ziyod talabani qamrab olgan «Turkmen students in Uzbekistan» nomli telegram guruhi a'zolari o‘z mamlakati hukumatining bunday harakatlari o‘ta salbiy baholangan.  

Bu kabi holat birinchi marta ro‘y berayotgani yo‘q. 2020-2021 yil davomidan turkman talabalar 4 marta o‘z yurtlariga qaytishga harakat qilishgan, biroq bari samarasiz yakunlangan. 

Turkmaniston hukumati fuqarolarining har qanday murojaatlarini bee'tibor qoldirmoqda. Talabalarga bunday sovuq munosabatni esa karantin me'yorlari va'ji bilan bekitishga harakat qilmoqda. 

Turkman talabasi ko‘cha sharoitida ovqat qilishga urinmoqda

Ta'kidlash joizki, Turkmaniston hududida karantin choralari kuchaytirilgan holda qolayotgan bo‘lsa-da, mamlakatda koronavirusga chalingan birorta bemor rasman ro‘yxatga olinmagan. Shunga qaramay, mamlakatga Rossiyadan «Sputnik V» hamda «EpiVakKorona» vaktsinalari olib kelindi. 

Fuqarolari chegara punktida og‘ir sharoitlarda qolayotgan bir paytda Turkmaniston hukumati eski kiyim kiyayotgan fuqarolar bilan ommaviy kurashga kirishgan.

Vaziyat shunday tus oladigan bo‘lsa, talabalar «Olot-avto» chegara punktida piket uyushtirishgacha borishmoqchi. 

Agar Turkmaniston hukumati tomonidan zaruriy choralar ko‘rilmasa, O‘zbekiston Respublikasi Prezidentiga ochiq murojaat qilishni ham rejalashtirishgan.

Eltuz.com

Tag‘in o‘qing
31 mart 2022
O‘zbekiston forumi (Uzbek Forum) va Transparency International tashkilotining Rossiya bo‘limi 29 mart kuni Gulnora Karimova pullarini O‘zbekistonga qaytarish jarayonida ...
3 oktyabr 2019
Rossiya Federatsiya Kengashi spikeri Valentina Matvienko bayonotiga ko‘ra, O‘zbekiston prezidenti mamlakatning Yevroosiyo iqtisodiy ittifoqiga qo‘shilishi masalasini o‘rganayotir. Matvienkoning aytishicha, ...
23 fevral 2018
O‘zbekiston Bosh prokuraturasi matbuot xizmati xodimi 23 fevral kuni telefonda «Eltuz» muxbiriga sobiq bosh prokuror Rashidjon Qodirovning hibsga olinmaganini, ...
6 mart 2017
Aleksey Navalniyning ma'lumotlariga ko‘ra, Dmitriy Medvedevga aloqador jamg‘armalar hisobiga “kamida 70 milliard rus rubli hajmidagi mablag‘ va mulk o‘tkazilgan». ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...