Document UZ
24 may 2021

Litva Ryanair uchog‘ining Belarusga majburiy qo‘ndirilishiga oid tergov boshladi

Litva Bosh prokuraturasi Ryanair aviakompaniyasining Afinadan Vilnyusga parvoz qilayotgan uchog‘i minalashtirilgani iddaosi bilan Minskda majburan qo‘ndirilishi va yo‘lovchilarga nisbatan xalqaro huquqlarga zid munosabat yuzasidan jinoyat ish qo‘zg‘adi, ish Litva Jinoyat kodeksining ikki moddasiga asosan ochilgan.

«Samolyotni garovga olish va odamlarga nisbatan xalqaro huquqlarda taqiqlangan muomala qilish bo‘yicha sudgacha tergov ishi boshlandi», dedi Litva Bosh prokuraturasi kommunikatsiya bo‘limi boshlig‘i Elyana Martinonene 24 may kuni.

O‘z navbatida, Litva politsiyasi bosh komissari o‘rinbosari Arunas Arlauskas ham havo kemasini garovga olish intsidenti bo‘yicha jinoyat ishi qo‘zg‘atilgani haqida bayonot berdi. «Jinoyat ishi qo‘zg‘atildi. Shu bugunoq ekipaj a'zolari va yo‘lovchilarning ayrimlari guvoh sifatida so‘roq qilinadi», dedi u.

Politsiya xodimiga ko‘ra, samolyotda katta ehtimol bilan ziddiyat kelib chiqqan, janjal chog‘i uchoqda portlovchi moslama borligi e'lon qilingan. «Bu Minskka qo‘nish sabablaridan biri edi», dedi u. Ertasi kuni kechqurun Litva politsiyasi Jinoyat kodeksining ikki moddasi bo‘yicha sudgacha tergov boshlanganini e'lon qildi.

Afinadan Vilnyusga parvoz qilayotgan uchoq ekipaji 23 may kuni belaruslik dispetcherlardan samolyot bortining minalashtirilgani va Minskka qo‘nish lozimligi haqidagi topshiriqni olishadi. Laynerni qarshi olish uchun Belarusning MiG-29 harbiy uchog‘i havoga ko‘tarildi.

Minsk aeroportidagi xavfsizlik xizmati uchoq bortida hech bir shubhali narsani aniqlamadi va besh soat o‘tgach, parvozning davom etishiga ruxsat berildi. Biroq Belarus kuchishlatarlari Nexta telekanalining uchoqda bo‘lgan asoschilaridan biri va bosh muharriri Roman Protasevich va uning qaylig‘ini qo‘lga olishdi.  

Belarusda jurnalistga nisbatan jinoyat ishi ochilgan, uni ekstremistik faoliyatda ayblashmoqda. Protasevich terrorchilar ro‘yxatiga kiritilgan.

Manba: www.dw.com

Tag‘in o‘qing
20 aprel 2019
Ko‘plab manbalarda Muhammad CAV tug‘ilgan kunlari turlicha talqin qilinadi, biroq sahih deya atalgan ko‘p manbalarda 571 yilning 20 apreli ...
11 may 2021
1944 yilning 11 mayida Stalin barcha qrim tatarlarini Qrimdan surgun qilish haqidagi mash'um qarorni imzoladi. Ayni hujjat asosida yarim ...
5 fevral 2020
Xitoyning Uxan shahridan uchgan Uzbekistan Airways aviashirkati uchog‘ida kelgan 84 nafar yo‘lovchi 5 fevral kuni Toshkent aeroportida himoya vositalari ...
17 iyun 2016
Bugungi o‘zbek gazetalari mamlakat prezidenti Karimov tomonidan mustaqillikning bosh g‘oyasi deya belgilab berilgan shiorni muttasil chaynashga majbur. Lekin har ...
Bloglar
22 oktyabr 2021
O‘g‘il nevarasini qo‘rqitib, muntazam zo‘rlagan toshkentlik amaki haqida video tarqaldi. Bu amaki «nojo‘ya jinsiy harakat ...
18 oktyabr 2021
(Taniqli shoir va siyosatchi Muhammad Solihning “Imperativ” kitobidan 36-qism. Audiokitob matnini muallifning o‘zi o‘qigan. Davomi ...
14 oktyabr 2021
Dastlab bolsheviklar Yosh buxoroliklar, jadidlarning kommunistik partiyaga qo‘shilgan a'zolaridan iborat Buxoro Xalq Sovet Respublikasini tuzdilar.  ...