Document UZ
1 oktyabr 2015

Xorazmlik militsionerlar Maloxat Eshonqulova va Yelena Urlaevalarni tahqirli tarzda tintuv qilishdi

29 sentyabr kuni o‘zbek huquq himoyachilari Yelena Urlaeva va Maloxat Eshonqulovalar Xorazm viloyat Xazorasp TIIB militsionerlari tomonidan ushlangan va ko‘p soat davomida uzluksiz tergov qilinib, tahqirli tarzda tintuv qilinishgan. Ularni ushlash sababi o‘quvchilar, talabalar va viloyatning turli muassasalari xodimlarini paxta terimiga majburlanayotgani haqida yiqqan axborotlari bo‘lgan.

Huquq himoyachilarini go‘yoki havfli jinoyatchilar misoli hibsga olishgan, ularga qarshi kuch ishlatishgan, qo‘llarini qayirishgan, garchi bu ikki zaif ayol ularga hech bir qarshilik ko‘rsatmagan. Maloxat va Yelenani Xazorasp tuman IIB keltirishgan, ularni alohida xonalarga joylashtirib yalang‘och qilib yechintirib tintuv qilishgan.

Militsionerlar ayollarning ichki a'zolarini tekshirish, u yerga go‘yo fleshkarta yashirilgan degan gumon bilan ginekolog chaqirishgan. Maloxat Eshonqulova ginekologdan ularni hech bo‘lmasa mahalliy poliklinikaga olib borishlarini, tekshiruv tozaroq joyda o‘tkazilishini iltimos qilgan. Ginekolog uning talabini rad qilgan va o‘zi bilan olib kelgan ginekologik asboblari bilan to‘g‘ri stolning ustida tekshiruv o‘tkazgan.

Boshqa xonada bo‘lgan Yelena Urlaeva esa quyidagilarni bildiradi:
“Meni ham avvaliga qip-yalang‘och qilib yechintirishdi, keyin ginekologik pribor bilan fleshkani qidirishdi, keyin qo‘llariga qo‘lqop kiyib qidirib ko‘rishdi. Mening qon bosimim oshib ketdi, keyin tez yordam chaqirishdi, qandaydir ukol qilishdi. Qandayligini bilmayman, biroq militsionerlar shifokorlarga kalamush dori urishni maslahat berishdi. Ukoldan keyin sal o‘zimga keldim. Men fleshka uchun qayg‘urdim, bizda hamma dalillar bor edii, biroq mening hamma narsamni yo‘q qilishdi..”.

Yelena Urlaeva va Maloxat Eshonqulova 14-soatlik hibsdan so‘ng ozod etildi.

Huquq himoyachilari suhbatlashishga muvaffaq bo‘lgan mahalliy fuqarolarning so‘zlariga ko‘ra, fuqarolarni paxtaga majburlanishi Xazorasp tumani hokimi O‘ktam Qurbonov buyrug‘iga ko‘ra amalga oshirilmoqda.

O‘zbekistonda hokimiyat to‘la markazlashgani e'tiborga olinsa, hokim O‘ktam Qurbonov odamlarni paxta terimiga majburlar, aniqrog‘i jinoyat sodir etarkan, Toshkentning buyrug‘ini bajaradi.
Huquq himoyachilari tomonidan yig‘ilgan axborotlar ushbu saytda e'lon qilinadi.

www.eltuz.com

Tag‘in o‘qing
18 may 2021
Samarqandda «Damas» avtomobili haydovchisi IIB xodimining o‘tish yo‘lini to‘sib to‘xtagan, davlat raqami 828 VSS bo‘lgan mashinasiga signal bergani uchun ...
12 noyabr 2022
O‘zbekiston «Erk» demokratik partiyasi faoli, jamoat arbobi va parlament deputati, dunyoda tinch siyosiy faoliyati uchun eng ko‘p qamoqda o‘tirgan ...
28 noyabr 2018
Taniqli o‘zbek xonandasi Sevara Nazarxonni mahalliy TVda va boshqa joylarda namoyish etilayotgan reklama roliklarida ko‘p uchratish mumkin. Uning hamma ...
26 mart 2019
O‘zbekiston Ichki ishlar vazirligi joriy qilgan IIV xodimlarining yangi formalari eskisidan tubdan farq qiladi. Aksariyat atributlari kulrangda bo‘lgan militsiyaning ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...