Asosiy mavzular
3 oktyabr 2019

Muhammad Solih: Mustaqillikni migrantlar manfaati uchun qurbon qilmaymiz!

Rossiya Federatsiya Kengashi spikeri Valentina Matvienko bayonotiga ko‘ra, O‘zbekiston prezidenti mamlakatning Yevroosiyo iqtisodiy ittifoqiga qo‘shilishi masalasini o‘rganayotir.

Matvienkoning aytishicha, bu xususda «O‘zbekiston prezidenti bir qarorga kelgan».

Shu o‘rinda janob Shavkat Mirziyoevga bir necha savolimiz bor:

1.RIA Novosti kabi jiddiy xabar agentligida bosilgan bu xabarga nega javob bermayapsiz? Bu xabar to‘g‘rimi yoki ruslarning uydirmasimi?

2. Agar xabar to‘g‘ri bo‘lsa, nega davlatimiz uchun hayot-mamot masalasi bo‘lgan bu mavzu haqida Matvienko biladi-yu, sizni prezident qilib saylab, boshiga o‘tqazgan xalq bilmaydi?

3. O‘rtada shubhali bir holat bor: Matvienko O‘zbekistonning davlat rejalariga o‘zbeklardan ko‘proq voqifmi?

Ba'zi laganbardorlar bu xoinona rejaga dastak berib: «Bu iqtisodiy ittifoq, tahlikali emas», deyishni boshladilar.

Davlatlar orasidagi har qanday iqtisodiy aloqa mutlaqo siyosiy aloqaning instrumentidir. Hatto eng kuchli instrumentdir. Buni bilib bilmaslikka olayotgan, bizga bu ittifoqni suqishtirayotgan o‘zbeklar vatan xoinidir.

«O‘zbekistonni demokratik o‘lka» deb o‘ylayotgan ba'zilar esa masalani referendumga qo‘yish haqida fikrlar ham bildirishyapti.

Bunga zinhor yo‘l qo‘yish kerak emas. Agar ish referendumga yetib kelsa, O‘zbekistonga bu bo‘yinturuqni kiydirish juda osonlashadi.

Karimov 1991 yil Sovet Ittifoqi Konfederatsiyasi referendumiga kirib, 1990 yilda qozonilgan Mustaqillik deklaratsiyasini qanday oson bekor qilgan bo‘lsa, bu muhtamal referendum Mirziyoev ham 1991 yilda e'lon qilingan mustaqillikni shunday oson bekor qilishi mumkinligidan darak beradi.

Bir o‘zbek vatandoshi o‘laroq, o‘zbek siyosatchilarini ogohlantirmoqchiman. Agar haqiqatan ham O‘zbekiston davlati tepasidagilar kim bo‘lishidan qat'i nazar, Yevroosiyo iqtisodiy ittifoqiga kirish qaroriga kelgan bo‘lsalar va bu qarorini amalga oshirsalar, bu aktsiya O‘zbekistonning mustaqil davlat sifatida yo‘q bo‘lishining boshlanishi bo‘ladi. Va bu ishning boshida turganlar vatan xoini deb baholanajaklar.

Muhammad SOLIH,
O‘zbekiston “Erk” demokratik partiyasi rahbari
3.10.2019

Tag‘in o‘qing
7 noyabr 2019
Keskin tanqidiy chiqishlari ortidan ta'qibu tazyiqda qolgan 48 yashar taniqli jurnalist Davlatnazar Ro‘zmetov 7 noyabrga o‘tar kechasi avtoavariya oqibatida ...
17 fevral 2024
Anjanliklar uyni «eshik» deydi.  O‘lib ketgan O‘zbekiston prezidenti  Karimovning qizi Lola Karimova-Tillaeva egalik qilgan Beverli Hillzdagi hovlini «eshik» emas «qasr» desak ...
5 oktyabr 2016
4 oktyabr kuni o‘z onasiga nolalari tarzida bitilgan maktubida Gulnora Karimova ekani iddao qilinayotgan Afina@zabitaya1972 akkaunti egasi uch yillik ...
21 oktyabr 2015
Eltuz O‘zbekistonning jasur inson huquqlari himoyachilari Malohat Eshonqulova va Yelena Urlaevalarning monitoring reydlari davomida olgan eksklyuziv fotosuratlar va audio ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...