Rossiyani tark etish…

U paytlardagi katta krizis qarshisida hukumat ojiz edi. Migrantlarning kelib ishlashlari tugul, hatto mahalliy xalq ham ishsiz, pulsiz yurardi. Biroq, vaqt o‘tgach, taxtga Putin o‘tirdi va uning qo‘llagan politikasi evaziga Rossiya yana oyoqqa tura boshladi.

Migrantlarning Rossiyada paydo bo‘lishi ham o‘sha Putin tuzgan rejalarning bir qismi bo‘lib, ushbu reja asta-sekinlik bilan ish bera boshladi. Ular ancha ishlarni o‘z bo‘yniga olib, «qora ishlar»ni sariqchaqa evaziga bajarib kelishyapti.

Endilikda Rossiya yana oyoqqa turdi, Moskva dunyoning eng boy shaharlaridan biriga aylandi va tabiiyki, ruslar ham bir necha yil avval ochlik va pulsizlik mamlakatni zabt etgan zamonlarni tezda esdan chiqarib yuborishdi. Ularga endi migrantlarning ham, Putinning ham keragi yo‘q bo‘lib qoldi.

Shaxsan man Putinning taxtdan tushishiniyu, bu yerlarga ishlagani kelgan barcha migrantlarning chiqib ketishlarini juda ham istardim. Zero, ana o‘shandagina 90-chi yillar xodisalari takrorlanib, Rossiya o‘z o‘rniga tushardi va xalqning ham ko‘zi ochilardi.

Temurmalik Tojiddinzoda,
Eltuz.com