Ko‘zqarash
5 yanvar 2016

Olesya Nedobegova – Toshkent go‘zali

Yangi yil arafasida Feysbuk sahifasi ishtirokchilari «Toshkent go‘zali»ni tanlashdi. Aktrisa Olesya Nedobegova bu virtual tanlov g‘olibi bo‘ldi va u Eltuz savollariga javob berdi.

Eslatib o‘tamiz, O‘zbekistonda har qanday go‘zallik konkurslariga yozilmagan taqiq mavjud.

Oldin o‘z haqingizda gapirib bersangiz?

rasm678
Olesya Nedobegova — aktrisa teatr va kino aktrisasi. Frantsuz grafi nabirasi. O‘nlab badiiy filmlarda o‘ynagan. Dushmanlaridan qo‘rqmaydi va sog‘lom raqobat tarafdori.

Toshkentda inliz tiliga ixtisoslashgan gimnaziyani tugatgach Teatr institutining akterlik sohasida o‘qidim. Opera va musiqali komediya, Mixail Kamenskiy studiyalarida ijod qildim, keyin kino dunyosiga kirdim va bu sohani sevdim.

«O‘zbekfilm» kastingidan o‘tib, Dina Rubina romani asosidagi «Ko‘chaning quyoshli tomoni» filmida rol o‘ynadim. Film rejisseri Valeriy Ivanovich Uskov filmlarini butun dunyoda sevishadi. Bunday ulug‘ inson bilan tanishish menga taqdirning sovg‘asi bo‘ldi.

Shu tariqa men kino sanoatining sirli so‘qmoqlariga kirib bordim. Avvalo “Mosfilm”, keyinchalik Germaniya Universitetida tajriba orttirdim, u yerda doktorlik dissertatsiyasi yoqladim.

«Universal» va boshqa ko‘plab kinostudiyalar bilan hamkorlik qildim. Bo‘sh vaqtlarimda televidenieda Show Number dasturini tayyorlayman, unga taniqli mehmonlarni taklif qilaman.

Siz uchun Feysbukda o‘tkazilgan go‘zallik tanlovida ishtirok qilish nimani anglatadi?

Feysbuk o‘ta ommabop ijtimoiy tarmoq va meni „Toshkent go‘zallari“ tanloviga taklif etishdi va men bajonudil rozi bo‘ldim. Xalq saylovi natijalariga ko‘ra g‘olib chiqdim. Bu men uchun, garchi virtual tarmoqda bo‘lsin, xalq bilan muloqot qilish imkoniyatidir.

Tanlovda turli kasbdagi qizlar ishtirok qildi, buning jozibadorligi ham shunda. Bo‘yning balandligi, qomatning kelishganligi muhim bo‘lgan ayni tanlovlardan farqli, qizlar o‘z go‘zalligini fotosuratlarda aks ettirishlari lozim edi. Chorak finalda 321 layk olgan bo‘lsam, finalda esa ovozlar soni 713 ga yetdi, va xalqning meni tanlayotgani juda yoqimli edi.
Tashkilotchilar nima va'da qilishmoqda? Odatda g‘oliblarni mukofot kutadi…

Bilasizmi, tanlov hali yangi va pul mukofotlari ham, toj ham yo‘q, tashkilotchilarning shunchaki bunga qurblari yetmaydi, biroq buning ustida ishlashni va'da qilishmoqda. Toshkent go‘zali sahifasi, bir necha kun davomida shiddatli darajada ommalashdi. Aktrisa va rejisser sifatida men uchun stimul, – xalqning sevgisidir. Odamlar hayajonini hech narsaga alishib bo‘lmaydi. Ular yozadigan yozuvlar – eliksir kabidir.

O‘rta asrlarda qul bozorida cho‘rilarni keltirib sotishgan, ularning ham asosiy ustunligi go‘zalliklari va qaddi qomatlarining kelishgani bo‘lgan. Ushbu voqealardagi bu singari palallel ko‘nglingizni og‘ritmaydimi?

Bugungi kunda ham qullikdan farq qilmaydigan holatlar bor, uyda cho‘ri, askar bola saqlash, odam savdosi va zo‘rovon nikoh holatlari shunga kiradi. Ayrim hisob kitoblarga ko‘ra bu raqam 20 dan 36 millionga qadarni tashkil etadi. Biroq, men o‘rta asrlardagi qullik tushunchasi bilan, bu tanlovda mutlaqo o‘xshashlik ko‘rmayman. «Go‘zallik dunyoni qutqaradi!» deya bejiz aytishmaganku!

Siz hozirgi O‘zbekiston yoshlarining uchta eng muhim muammoni ajratib bera olasizmi?

Birinchi galda bu — kattalarni e'zozlash va hurmat qilishdir. Bizni (bunga) ota onalarimiz o‘rgatgan va hozirgi yoshlarning bunga intilmayotganligini ko‘rish achinarli. Ikkinchisi, ta'lim bilan bog‘liq muammo. Axir taraqqiyot asrida mamlakatga malakali mutaxassislar kerakku. Uchinchisi esa sport, sog‘lom ovqatlanish, farzandlarimiz, nabiralarimizning qanday bo‘lishi shunga bog‘liq.

O‘zbekiston fuqarolariga yangi yil tilaklaringiz

Uyingiz nurga to‘lsin, sizni u yerda hamisha tushunishsin, kutishsin va sevishsin. Har bir mashg‘ulotingiz qiziqarli kashfiyot bo‘lishini, kasbingiz xamisha istalgan, ijodga yo‘g‘rilgan bo‘lishi va sizni qadrlashlarini tilayman. Har soniya sevgiga yo‘g‘rilib, go‘zal ranglarda yaraqlasin, qadahlardagi sharob kabi quvonchga to‘la bo‘lsin!

Muhabbat bilan Olesya Nedobegova de San Jermen.

Eltuz.com

Tag‘in o‘qing
7 sentyabr 2018
O‘zbekiston hukumati 6 sentyabr kuni Internet veb-sayt sahifalaridan foydalanishni cheklash tartibi to‘g‘risidagi nizomni tasdiqladi. Ushbu nizomga muvofiq, tarqatilishi taqiqlangan ...
4 dekabr 2017
O‘zbekiston Markaziy Osiyoda kuchli o‘yinchi bo‘lishga intilish barobarida harbiy qudratini ham oshirib bormoqda. Afg‘oniston prezidenti Ashraf G‘anining 4 dekabr ...
13 dekabr 2016
Prezident saylovi o‘tar-o‘tmas matbuot xuddi Islom Karimov davridagi holatiga qaytdi-qo‘ydi. «Yo‘lchi yulduzi»ni bir muddat yo‘qotib qo‘ygan partiya nashrlari hatto ...
7 noyabr 2019
Keskin tanqidiy chiqishlari ortidan ta'qibu tazyiqda qolgan 48 yashar taniqli jurnalist Davlatnazar Ro‘zmetov 7 noyabrga o‘tar kechasi avtoavariya oqibatida ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...