Dayjest
18 aprel 2016

Ajoyib xayolparast yoki deputatning chek-chegarasiz xayoloti

«Milliy tiklanish» gazetasi shu nomdagi partiyaning xalq deputatlari mahalliy kengashlari deputatlari tomonidan «xalq farovonligi» yo‘lida olib borilayotgan ishlar, ular qanchalik faollik ko‘rsatayotgani haqida maqola e'lon qildi.

Maqolada aytilishicha, «Milliy tiklanish» demokratik partiyasidan Xalq deputatlari Qashqadaryo viloyati kengashiga saylangan deputat Koson tumanidagi Guvalak qishloq fuqarolar yig‘ini ahlining qishloqni ichimlik suv bilan ta'minlash masalasi yuzasidan hokimlikka murojaat etgan. Hokimlik esa javob xatida qishloqni suv bilan ta'minlaydigan quduq va nasosni manzilli dasturga kiritganini bildirgan.

Gazetaning yozishicha, qishloq ahli shundan ham mamnun. Garchi ish hali boshlanmagan, demak boshqa shu kabi ko‘plab ishlar singari boshlanishi ham gumon bo‘lsa-da, mazkur qishloq fuqarolar yig‘ini raisi «bu aholi uchun yana bir qulaylik» bo‘lganini aytgan.

Bunisi ham mayli, mazkur partiyaning Chiyal saylov okrugidan viloyat kengashiga saylangan yana bir deputati kollej bitiruvchilarining ish bilan ta'minlanishi masalasini hal etish uchun viloyatdagi 659 ta mahallada kitob do‘konlari tashkil etishni taklif etibdi. Shuningdek, viloyatdagi mingdan ortiq kollej, litsey, maktab va 250 dan ziyod qishloq vrachlik punktining har birida fitobarlar tashkil etib, tibbiyot kollejining 1500 dan ortiq bitiruvchisini ish bilan ta'minlash masalani hal qilish yo‘lini o‘ylab topibdi.

Hatto shaharlarda ham kitob do‘konlari yo‘q bir paytda viloyatdagi barcha mahallalarda kitob do‘konlari tashkil etib, bitiruvchilarni ish bilan ta'minlashni xayol qilgan deputatning orzulari «ajoyib xayolparast»nikidan qaeri kam?!

Qolaversa, bu masala xalq deputatlari viloyat kengashining doimiy komissiyasida muhokama etilgani, viloyat hokimligiga yuborilgan bu taklifni o‘rganish uchun amaliy ishlar boshlab yuborilganiga nima deysiz?!

«Odnako, pokazuxa!» deyiladi shekilli bunaqa ishlar o‘rislarda.

Eltuz.com

Tag‘in o‘qing
29 may 2016
Tinchlik va xotirjamlik har qanday ezgu ishlarning debochasi ekanini hech kim inkor etmaydi. Lekin aynan shu ezguliklar ortida aslida ...
1 iyun 2016
25 may kuni Toshkentda 15 yashar bola boshqargan Nexianing militsiya mashinasiga urilishi oqibatida bir ichki ishlar xodimining halok bo‘ldi. ...
19 dekabr 2016
Bosh vazir Abdulla Aripov yetakchiligidagi komissiya «Xalq qabulxonalari»ni ochishi lozimligi aytiladi prezident Mirziyoevning farmoyishida. Karimov an'analari ortidan borayotgan Mirziyoev ...
11 mart 2019
O‘zbekiston matbuot va axborot agentligi bosh direktori o‘rinbosari, 4 farzandning onasi, 35 yashar Nargiza Saidovaning feysbuk yuzeri Hayot Baxtiyoro‘g‘li ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...