Ko‘zqarash
3 yanvar 2017

Terrorchining qirg‘izistonlik Mashrapov Yahyo ekani gumon qilinmoqda

Turkiyadagi tungi klubga hujum qilib 39 kishini o‘ldirgan hujumchi qirg‘izistonlik Mashrapov Yahyo ekani gumon qilinmoqda.

Turk matbuotiga ko‘ra, Mashrapov xotini va ikki farzandi bilan 2016 yilning 20 noyabr kuni Qirg‘izistondan Istanbulga uchib kelgan.

Matbuot iddaosiga ko‘ra, Mashrapovlar oilasi Istanbuldan, Anqaraga undan keyin esa Ko‘nya shahriga kelgan.

Seshanba kuni Mashrapovning xotini Turkiya istixborati tarafidan so‘roq qilingan.

Mashrapovning xotini erining dunyoqarashidan behabarligini aytgan.

Qotillikda gumon qilinayotgan, Mashrapov Yahyo ga tegishli pasport skrinshoti.

Ijtimoiy tarmoqda tarqalayotgan suratga ko‘ra, Mashrapov Yahyo 1988 yil tug‘ilgan.

Qirg‘iziston Tashqi Ishlar Vazirligi vakilining Eltuz muxbiriga aytishicha, muhtamal terrorchiga oid ma'lumotlar qidirilmoqda.

“Registratsiya idorasiga so‘rov yuborilgan, Mashrapov Yaxyo ismli shaxsga pasport berilganmi yoki yo‘qmi degan savol o‘rganilmoqda” deya bildiradi Eltuzning Qirg‘izistondagi manbasi.

Ba'zi habarlarda esa qotilning Qirg‘izistonlik o‘zbek ekani taxmin qilinmoqda.

Dushanba kuni IShID ekstremistik guruhi yangi yil kechasi Istanbulda 39 kishi o‘ldirilgan tungi klubga hujum uchun mas'uliyatni o‘z zimmasiga olgani ma'lum qilingan edi.

“Qorbobo” ning yangi yilga qarshi jihodi

1 yanvarga o‘tar kechasi Qorbobo kiyimini kiygan hujumchi Istanbuldagi Reina tungi klubiga hujum uyushtirdi.

Hujumda 39 kishi halok bo‘lgan, 69 odam yaralangan.

Hujumchi yashirinishga muvaffaq bo‘lgan, politsiya qidiruv amaliyotlarini olib bormoqda.

Turk politsiyasi Istanbulning Zaytunburni mavze'sidagi o‘zbek muhojirlari yashaydigan mahallada reyd o‘tkazgani haqida Eltuz.comda ma'lumot bor. Bu ma'lumotga ko‘ra dushanba kechquringi holatda, 12 kishi qo‘lga olingan.

Eltuz manbasiga ko‘ra Zaytunburni Nuriposhsho mahallasidagi omborni politsiya bosgan.

Terrorchining do‘sti bo‘lgan bir yoshroq yigitning derazadan sakrab qochgani haqida gaplar bor.

Eltuz muxbiri voqea joyidan xabarlar yo‘llamoqda.

Eltuz.com

Tag‘in o‘qing
10 dekabr 2019
Har yili 10 dekabr Inson huquqlari kuni sifatida nishonlanadi. 1948 yil ayni shu kuni tarixiy hujjat – Jahon inson ...
21 sentyabr 2017
20 sentyabr kuni Rossiya Havfsizlik Kengashi (SB) kotibi Nikolay Patrushev Toshkentga keldi va O‘zbekiston Havfsizlik kengashi kotibi Viktor Maxmudov ...
19 iyul 2016
Bugun O‘zbekistonning taniqli va jasur jurnalistlari bo‘lgan Galima va Bagila Buxarboevalarning onalari Manzura Buxarboeva vafot etgani haqida xabar topdik. ...
2 yanvar 2017
Ijtimoiy tarmoqda qorqiz kiyimini kiygan erkakni haqoratlab so‘kib, kaltaklangani aks etgan video paydo bo‘ldi. Shu bugun feysbukga qo‘yilgan, qo‘l ...
Bloglar
13 aprel 2021
«Eltuz» kanalida o‘zining “Nyu-Yorkdan nazar” videoblogini yuritayotgan 70 yoshli qishloq xo‘jaligi mutaxassisi Ismoil Ospanov e'tiborni ...
11 aprel 2021
«From Me to You» (Mendan senga) — Lennon va Makkartni dueti ijro qilgan zarif bir ...
8 aprel 2021
2010 yil 7 aprel kuni o‘z qarorlari bilan oziq-ovqat va kommunal xizmatlar uchun narx-navoni mislsiz ...