Asosiy mavzular
8 yanvar 2017

Temur xo‘ja o‘g‘li: Terrorchining ulusi va kimligi yo‘qdir

“Istanbul xavfsizlik idorasi bu isqirtni “o‘zbek” deb aytdi, bundan oldin qirg‘iz va uyg‘ur degan gapni aytgan edi», deya yozdi turkiyalik professor Temur xo‘ja o‘g‘li o‘zining FBdagi sahifasida.

«Bir isqirtning shu yoki boshqa millat mansubi bo‘lishi turkistonliklarga isnod keltira olmaydi. Bizdan shunday isqirt chiqibdi deya hafa bo‘lishga asos yo‘q. Terrorchining dini, ulusi, shaxsiyati va kimligi yo‘qdir. U bir MANQURTdir!” deya yozdi Temur Xo‘ja o‘g‘li.

Turk matbuotida yoritilgan so‘nggi xabarlarga ko‘ra, 39 kishini o‘ldirgan terrorchi o‘zbekdir.

Yangi yil kechasi Reina tungi klubiga kalashnikov avtomati bilan hujum qilgan kimsaning ismi Abduqodir Masharipovdir.

IShID askari deya iddao qilingan Masharipov o‘ldirilgan

Qotilning so‘nggi selfisi

Hurriyat va boshqa turk gazetalarining yozishicha qotil “Abu Muhammad Xurosoniy” kod ismi bilan harakat qilgan.

Matbuot iddaosiga ko‘ra, terrorchi xotini va ikki farzandi bilan 2016 yilning 20 noyabr kuni Qirg‘izistondan Istanbulga uchib kelgan.

Keyin bu oila Istanbuldan, Anqaraga undan keyin esa Ko‘nya shahriga kelgan.

Turk matbuotida yozilishicha, IShIDning o‘zbek hujralaridan birida ta'limot olgan Masharipov 15 dekabr kuni Turkiyaning Ko‘nya shahridan Istanbulga kelgan.

Seshanba kuni terrorchining xotini Turkiya istixborati tarafidan so‘roq qilingan.

Terrorchining xotini erining dunyoqarashidan behabarligini aytgan.

Turkiya istixboratining matbuotga sizdirgan habariga ko‘ra, Abduqodir Masharipov o‘ldirilgan.

Uni kim va nima maqsadda o‘ldirganiga oid ma'lumot yo‘q.

Ma'lum bo‘lishicha qatliomda qo‘llanilgan qurollar IShIDning o‘zbek xujrasi faollari tarafidan Istambulga keltirilgan.

Iddaoga ko‘ra ayni faollar Masharipovning hujum uyushtirgani ortidan logistik qo‘llovni muntazam amalga oshirishgan.

Eltuz.com

Tag‘in o‘qing
26 may 2018
“Hayt!” degandan hadahalab yugurgilash kerak emas. Oldin u yoq-bu yoqqa qarab olish ham kerak. Hammamiz eyforiya holatidamiz. Sarmastlik tarqaydi, ...
3 dekabr 2018
“O‘z gazingni o‘zgaga berib, tappi yoqqan o‘zbegim”, deya sovet davrini yomonlagan xalqimiz o‘zining zamonaviy tarixida ham gazga yolchimayapti. O‘zbekistonda ...
11 sentyabr 2018
Rassom KirpiEltuz.com
1 iyul 2020
Power Briefs turkumining O‘zbekistondagi paxta sektorini xususiylashtirish jarayonida asosiy rol ajratilgan klasterlar tizimiga oid navbatdagi nashri tayyorlandi.  Buyuk Britaniyadagi Olster universitetining ...
Bloglar
18 yanvar 2022
Tarmoqda ikki toifa mullalar bir-biri bilan qirpichoq bo‘lmoqda. 1-toifa: Hukumat va DXX yo‘rig‘ida yurib chiziqdan ...
16 yanvar 2022
O‘zbekistondagi har bir mulozimning ichida bitta shoir, har bir shoirning ichida bitta mulozim yashaydi. Bu ...
10 yanvar 2022
O‘zini bir guruh faollar deb tanishtirgan guruh Eltuz telegram kanaliga yozib, quyidagi murojaatni chop qilishni ...