Asosiy mavzular
3 aprel 2017

Navbaxor Karimova: Yoqmasa «Axborot»ni ko‘rmang

Oy oxirlayotgan kunlarda prezident videoselektor majlis o‘tkazdi. «Kun.o‘z» sayti o‘z manbalariga asoclanib, davlat rahbari bu majlisda «O‘zbekiston» va «Yoshlar» telekanallari nomini tilga olib, «Axborot» dasturiga ham to‘xtalib o‘tganini ma'lum qildi.

«Ura-urachilik zamoni o‘tdi. Televizorda tanqidiy va tahliliy materiallar berish kerak. Odam ko‘rsatuvlarni sog‘inib kutishi kerak. «Axborot» ko‘rsatuvini o‘zgartirishimiz kerak», degan prezident.

Lekin majlis haqida lavha namoyish etgan «Axborot» bu tanqidga to‘xtalib ham o‘tirmadi.

Gap boshqa – hayot boshqa

O‘zbekistondagi asosiy yangiliklar dasturining o‘zini bu kabi tutishi marhum prezident Islom Karimov bilan bog‘liq bir eshitmani esga soldi.

Unga ko‘ra, prezident Karimov bir chiqishida oshkoralik, erkinlik, xalq manfaatiga qayg‘urish yo‘lida OAVning roli haqida kuyib-pishib gapiribdi.

Uning bu gaplariga ishongan katta rahbarlardan biri prezident aytgan yo‘nalishda ish boshlab, ancha nom qozonibdi.

Bundan xabar topgan marhum prezident uni o‘z yoniga chaqirib: «Men bu gapni xalq uchun aytdim, rahbarlar uchun aytganim yo‘q» deb, rosa koyib, orqasiga tepib xonasidan chiqarib yuborgan ekan.

Umuman, I.Karimov odamlar oldida boshqacha gapirib, aslida hayotda boshqacha ish tutgani sir emas.

TV ham buni yaxshi bilgan holda marhum prezident qancha erkin bo‘l desa, buni shuncha «qisib yur», degandek qabul qilar, tutgan yo‘lidan umuman adashmasdi. Shunchalik silliq edi TV.

«Bizni ish uslubimiz shunaqa»

TV faoliyatiga oid oldingi sharhimizda yangiliklar dasturi, jumladan, «Axborot»ning ham prezident farmon va qarorlarini to‘liq o‘qib berishga o‘tganini tanqid qilgan edik.

«Axborot»ning ijtimoiy tarmoqlarda ko‘rinib turadigan cuhandoni bizning bu tanqidimizga e'tiroz bildirib: «Biz avval ham shunday ishlar edik. Yoqmasa ko‘rmang» qabilida fikr yozib qoldiribdi.

(feysbukdagi izoxdan skrinshot)

Aslida jannatdan xabarlar uzatadigan bu dasturni ko‘rishga bizning ham unchalik ishtiyoqimiz yo‘q. Lekin shimi yirtiqning ustidan kulayotgan ishtoni yo‘qlarga o‘zi yalong‘och ekanligi eslatib qo‘yish uchun uni ko‘rishga majburiyat sezamiz biz.

Noo‘rin gapirib, uyalib qolmadikmi, deb ancha xijolatomuz holatga tushib turgan bir paytimizda prezidentning o‘zi ura-urachilik zamoni o‘tib, tanqidiy va tahliliy ko‘rsatuvlar beradigan zamon kelganini e'lon qilib qoldi.

Shundan kelib chiqib, «Axborot»ning himoyachisi bo‘lgan xonim bizning tanqidlarimizga yana e'tiroz bildira olishiga ishonchimiz yo‘qroq, deyishga o‘zimizda qudrat seza olamiz.

Ishtoni yo‘q oldidagi majburiyat…

Endi gap prezidentning qat'iyatiga qoldi. Agar u marhum ustozining gapi boshqa, tutgan yo‘li boshqa siyosatiga sodiq bo‘lmay, bugun o‘zi e'lon qilgan qat'iyatidan qaytmasa, «Axborot» kabi ko‘rsatuvlar o‘zgarish sari yuz tutishi shart.

Bu yo‘lda o‘zi o‘sha yerda ishlab, O‘zbekistondagi bosh yangiliklar dasturi o‘zgarishiga to‘siq bo‘layotgan qandaydir shaxslarning prezidentga qarata:»Yoqmasa, ko‘rmang», deya olmasligiga biz kafolat beramiz!

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
19 iyun 2017
O‘zbekiston prezidenti Shavkat Mirziyoev yaqinda Toshkentda din arboblari, jamoat va davlat idoralari vakillari bilan o‘tkazilgan uchrashuvda mamlakat uchun juda ...
29 iyun 2017
Bir bor ekan, bir yo‘q ekan. Sudya och ekan, prokuror to‘q ekan. Sudyaning alvasti kabi xotini, yiqilay deb turgan ...
28 aprel 2021
«Abdulla G‘arip Prodakshn», rassom Elsevar, rassom Tuz va «Eltuz» yangi siyosiy satirik animatsion filmlar turkumining uchinchi qismini taqdim etadi. ...
3 fevral 2020
Komil Allamjonov va Saida Mirziyoevaning OAV va blogerlarni qo‘llab-quvvatlash maqsadida tashkil etilgan yangi jamoat fondi vasiylik kengashi rahbarligiga tayinlanishi ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...