Asosiy mavzular
22 may 2017

O‘zbekiston – Osiyodagi eng yirik «yo‘lbars»mi?

“XXI asr” gazetasining (18.05) «Taraqqiyotning yangi modeli yoki «yo‘lbars shiddati»ga shaylanayotgan mamlakat» maqolasidagi iddaoga ko‘ra shunday.

Maqolada Janubiy Koreya, Gonkong, Singapur, Tayvan, Malayziya va Tailand davlatlari o‘z iqtisodiyotidagi jadal o‘sishlar sabab «Osiyo yo‘lbarslari» nomiga sazovor bo‘lgani eslatib o‘tiladi.

Gazetaning “xalqaro ekspertlari” O‘zbekiston “yaqin davrda rivojlanish shiddati bo‘yicha hatto o‘sha mashhur «Osiyo yo‘lbarslari»dan ham o‘tib ketishini sezib turishibdi», deb yozadi maqola mualliflari.

O‘zbekistonning marhum prezidenti “kelajagi buyuk davlat” deya xalqning qo‘ynini puch yong‘oqqa to‘ldirib kelganini ko‘pchilik yaxshi xotirlasa kerak.

Ammo oradan 25 yil vaqt o‘tib ham pishak maqomida bo‘lgan O‘zbekiston shundan nariga ko‘tarila olmadi.

Yangi prezident zamonida O‘zbekiston yana «yo‘lbars»likka da'vo qila boshlagan ko‘rinadi.

Amaldagi davlat rahbarining harakatlar strategiyasini ulug‘lash maqsadida qoralangan bu maqoladagi baladparvoz gaplarni o‘qisangiz, aqlingiz shoshadi.

O‘zbekiston qanday shiddat bilan rivojlanayotgan ekanki, uning «yo‘lbars»dan zo‘r bo‘lib ketishi sezilib turilsa?!

Aytish kerakki, muallif keyingi 13 yildan buyon O‘zbekiston iqtisodiyoti 7-8 foizdan o‘sayotgani to‘g‘risidagi balandparvoz raqamlarni, harakatlar strategiyasi ijrosi doirasida jalb etilishi rejalashtirilgan investitsiyalarni o‘z mulohazalariga asos qilib keltirgan.

Real hayotda esa, bu «o‘sish» O‘zbekistonning na iqtisodiyotida, na aholi turmush tarzida o‘z aksini topayotganini ko‘rmaymiz, faqat xo‘jayinning silashiga ishtiyoqmand pishaklarning atrofda yana miyovlay boshlaganini sezish mumkin.

Bahodir Sharif
O‘zbekistonlik gazetxon tahallusi
Eltuz.com

Tag‘in o‘qing
29 noyabr 2017
28 noyabr kuni O‘zbekiston iqtisodiyot vaziri 61 yoshli Galina Saidova hamda O‘zbekiston tashqi savdo vaziri 57 yoshli Elyor G‘aniev ...
1 sentyabr 2021
Islom Karimov avgustdagi putch va O‘zbekiston mustaqilligi deklaratsiyasini qabul qilganidan keyin ham SSSR tarafdori bo‘lib qolgan. Ayni ikki voqeadan ...
18 oktyabr 2015
Shoxrux Aliboev, 2013 yilning 27 iyunida ota onasidan ajratilib bolalar uyiga topshirilgan edi. +video
13 sentyabr 2016
Agar Siz yoki yaqinlaringizni paxta terimiga qatnashishga majburlashsa, agar Sizdan paxta terimiga bormaslik uchun pul talab qilishsa, marhamat, bu ...
Bloglar
20 iyun 2022
1990 yil 20 iyunda O‘zbekiston SSR Oliy Soveti tomonidan Mustaqillik deklaratsiyasi qabul qilingan edi. Mamlakat ...
17 iyun 2022
Biz nima uchun o‘zbek jamiyatida «ayollar huquqi» deb gapiramiz va bu ko‘pchilikka yoqmaydi?Buning sabablarini bilish ...
7 iyun 2022
(Taniqli shoir va siyosatchi Muhammad Solihning “Imperativ” kitobidan 54-qism. Audiokitob matnini muallifning o‘zi o‘qigan) AMAL ...