Catira
6 noyabr 2017

Bosh prokuratura va IIV o‘rtasida ziddiyat kuchaymoqda

O‘zbekiston Bosh prokuraturasidagi ishonchli manbaning bildirishicha, yaqinda Toshkent viloyati prokuraturasi viloyat ichki ishlar boshqarmasi xodimlari tomonidan Yangiyo‘l tumanida yashovchi dehqon Ravshan Abduxoliqovga nisbatan ochilgan jinoyat ishining soxtalashtirilganini aniqlagan. Bu holat Ichki ishlar vazirligi va Bosh prokuratura xodimlari o‘rtasidagi ziddiyatni kuchaytirgan.

«Eltuz» manbasi so‘zlariga ko‘ra, o‘tgan yilning o‘rtalarida Toshkent viloyati ichki ishlar boshqarmasi boshlig‘i Saidikrom Nishonboev R.Abduxoliqovga tegishli yer maydonini zo‘ravonlik bilan olib qo‘yib, o‘z otasi nomiga rasmiylashtirgan.

Bundan tashqari, S.Nishonboev yangiyo‘llik dehqonga tegishli bo‘lgan 5 ming dona terakni sotib, pulini o‘zlashtirib yuborgan.

S.Nishonboevning harakatlaridan norozi bo‘lgan R.Abduholiqov adolat istab qator davlat idoralari, xususan, prezident qabulxonasiga ham murojaatlar qilgan.

«Eltuz» manbasining aytishicha, qilmishi fosh bo‘lishidan qo‘rqib ketgan S.Nishonboev dehqonning «ovozini o‘chirish» maqsadida ichki ishlar xodimlariga qanday qilib bo‘lsa ham R.Abduxoliqovni qamoqqa tiqishga ko‘rsatma bergan.

«Oqibatda Yangiyul tumani ichki ishlar xodimlari 66 yoshli dehqonga qarshi shu tumanda yashovchi qo‘shmachi «Manzura» ismli ayol nomidan go‘yoki Ravshan Abduxoliqov uning nomusiga tekkani yuzasidan shikoyat uyushtirib, dehqonni qamoqqa tiqishgan va bir necha kun turli qiynoqlar qo‘llashib, otaxonni sodir etmagan jinoyatni bo‘yniga olishga majburlashgan», dedi Bosh prokuraturadagi manba.

R.Abduxoliqov murojaatlari ortidan Toshkent viloyati prokuraturasi jinoyat ishini o‘rganish davomida ichki ishlar xodimlari tomonidan qator dalillar soxtalashtirilganini aniqlagan va R.Abduxoliqov qamoqdan chiqarib yuborilgan.

Ushbu ish bo‘yicha Yangiyul tumani ichki ishlar xodimlaridan bir nechasi ishdan bo‘shatilgan.

Bosh prokuratura vakilining ta'kidlashicha, mazkur hodisa ortidan Ichki ishlar vazirligi va Bosh prokuratura xodimlari o‘rtasida keskin qarama-qarshilik yuzaga kelgan.

«Hozir IIVning prokuratura harakatlaridan norozi ayrim mulozimlari tergovni olib borayotgan prokurorga nisbatan turli pinhona tazyiq va bosimlar uyushtirmoqda», dedi Bosh prokuratura xodimi.

Shamsiddin To‘laganov
O‘zbekistonlik muallif tahallusi
Eltuz.com

Tag‘in o‘qing
29 dekabr 2020
Antik tarixiy manbalarda buyuk sarkarda Aleksandr Makedonskiy eramizdan oldingi 329-326 yillarda barpo ettirgani aytiladigan Kampirtepa yodgorligi janubi-g‘arbiy devorining o‘rta ...
19 yanvar 2016
Choyxona oshi Mayxona oshi To‘yxona oshi Nahor oshi Ta'ziya oshi Payshanbayu yakshanba oshi Shunday o‘tar ro‘zu ro‘zgorim Nariroqda ho‘v ...
17 yanvar 2017
Istanbul hokimi Vosip Shohin va Istanbul amniyat mudiri Mustafo Cholishqon 17 yanvar kuni matbuot anjumani o‘tkazib, qo‘lga olingan odamning ...
15 aprel 2017
15 aprel kuni yozuvchi Nodir Normatovni taniqli rassomlar, ijodkorlar so‘nggi yo‘lga kuzatishdi. Marhum Toshkentdagi «Yalang‘och ota» qabristonida dafn qilindi. ...
Bloglar
17 mart 2024
Rassom Tuz bir mavzu muhokamasini boshlasa ag‘dar to‘ntarini chiqarib barcha qirralarini o‘rganadi. Tanganing ag‘iniyam¸ bag‘iniyam¸ ...
14 fevral 2024
«Yoshlar» telekanalida sodir bo‘layotgan korruptsiya oldida «Sport» telekanali direktori Zohid Karimov qo‘y og‘zidan cho‘p ololmaydigan ...
13 fevral 2024
Tarmoqning o‘zbek segmenti o‘zbek davlat ramzlariga nafratni parvarishlamoqda. Ijtimoiy tarmoqlarda mahalla raisi va faollarning davlat ...