Asosiy mavzular
11 dekabr 2017

Gazsiz qolgan oshxonalar

9 dekabrdan Toshkent shahridagi umumiy ovqatlanish shoxobchalarini tabiiy gaz tarmog‘idan butunlay uzish boshlandi.

Gaz idorasi nazoratchilari kafema-kafe yurib, ularning egalariga mavjud vaziyatni tushuntirmoqda va darhol gazdan uzib ketmoqda.

Mazkur tadbirdan maqsad poytaxt aholisining tabiiy gazga bo‘lgan ehtiyojini qondirish, mahallalarda gaz bosimi pasayishi oldini olishdir.

Bu haqda ma'lum qilgan «Transgaz» mas'ulining bildirishicha, umumiy ovqatlanish shoxobchalarini tabiiy gazdan uzish to‘g‘risidagi qaror tegishli idoralar, jumladan, Toshkent shahri hokimligi va «Transgaz» aktsiyadorlik kompaniyasi tomonidan qabul qilingan.

«Kunlar soviyapti. Toshkentning ba'zi mahallalarida gaz pasayib ketdi. Bu esa aholi noroziligini keltirib chiqaryapti. Shuning uchun tegishli idoralar shunday qarorga kelishga majbur bo‘ldi», dedi «Transgaz» vakili.

Sir emas, Toshkentda umumiy ovqatlanish shoxobchalarining oddiylaridan tashqari nufuzli shaxslarga tegishlilari ham juda ko‘p.

Hatto shunday restoran va kafelarni ham gazdan uzish boshlangan.

«Egalari darrov «krisha»lariga telefon qilyapti. Lekin «krisha»larning kuchi ham yetmay qolayotgan paytlar bo‘lyapti. Chunki bittasi ishlasa, yonidagisi gazdan uzib qo‘yilsa, darrov yozib yuboradi. Nazoratchilar shunday qo‘rqib, iloji boricha qattiq turibdi. «Krisha»lar ham hushyor tortib qolgan», deydi «Eltuz» manbasi.

Umumiy ovqatlanish shoxobchalari gaz o‘rnida o‘tin ishlatishni boshlasa, bu narx-navo keskin ko‘tarilishiga olib keladi. Chunki o‘tin falon pul turadi.

Mavjud ovqat tayyorlash uskunalarini elektr jihozlarga almashtirish ham katta xarajatlarga sabab bo‘ladi.

Shuning uchun umumovqatlanish sohasida faoliyat ko‘rsatayotgan tadbirkorlarning noroziligi kuchli.

«Bunday vaziyat uzoq davom etishi mumkin emas. Chunki hozirdanoq gaz idoralari xodimlariga tazyiq kuchaygan. Tadbirkorlar norozi. Shu sababli bu qarorning umri uzoqqa bormasa kerak», dedi «Transgaz» mas'uli.

Eltuz

Tag‘in o‘qing
30 mart 2018
Toshkent shahri Ichki ishlar bosh boshqarmasi boshlig‘i Rustam Jo‘raev ijtimoiy tarmoqda militsiya xodimlarini haqorat qilganlar jazolanishini bildirdi. ShIIBB ma'lumotlariga ...
18 may 2017
Shahrixon tumanida yuz bergan ommaviy zaharlanish muzqaymoq biznesiga sezilarli ta'sir ko‘rsatdi. Andijon shahridagi o‘nlab muzqaymoq do‘konlarida savdo 30 % ...
2 oktyabr 2015
Karimovning muxolifi bo‘lgan Muhammad Solihning mashhur satrlari bor, – “Ozodlik – hayollarning eng go‘zalidir, orzularning eng yuksagidir” degan. Men ...
26 noyabr 2019
Bu galgi «Yozarning sasi» ruknida «Eltuz» O‘zbekiston xalq shoiri, 98 yashar adib Shukrullo domlaning fikrlarini e'tiboringizga taqdim etadi. Shukrullo ...
Bloglar
26 noyabr 2022
Nukusdagi voqealarni o‘rganish bo‘yicha parlament komissiyasi taklifi va Qoraqalpog‘iston Jo‘qorg‘i Kengesi iltimosnomasiga ko‘ra, namoyishlarda qatnashib ...
3 noyabr 2022
1906 yilning 3 noyabrida Germaniyaning Berlin shahrida o‘tgan Xalqaro radiotelegrafiya anjumanida SOS signali halokatni bildiruvchi ...
1 noyabr 2022
Ulug‘ o‘zbek shoiri va muholifat lideri Muhammad Solih bilan suhbatning 11-qismi Turk birligi g‘oyasi va ...