Catira
17 mart 2018

Saloevni «o‘z aybiga»ga iqror bo‘lishga advokati undagan

Jurnalist Bobomurod Abdullaev bilan birga davlat to‘ntarishida ayblanib sudlanayotgan tadbirkor Ravshan Saloevning advokati o‘z mijozini aybiga iqror bo‘lishga va Abdullaevga qarshi ko‘rgazma berishga undagan.

Mahkamada ishtirok etgan va sudlanuvchilarning yaqinlari bilan gaplashgan toshkentlik huquqshunos va yana bir faol «Eltuz» nashriga shu holat haqida bildirdi.

«Eltuz» suhbatdoshlariga ko‘ra, sudda o‘z aybiga qisman iqror bo‘lgan Ravshan Saloevning advokati Irina Muzalevskaya himoyasidagi shaxsga tergov paytidagi pozitsiyasini o‘zgartirmaslik va tergovda Abdullaevga qarshi bergan ko‘rsatmasini takrorlashi kerakligini aytgan.

Bu holatni surishtirish uchun «Eltuz» muxbiri advokat Muzalevskaya bilan bog‘landi. Advokat bu yuzadan izoh bermasligini aytdi. Ayni paytda u savol qolib, muxbirdan kim unga telefon raqamini berganini surishtira boshladi.

«Biz hozircha hech qanday izoh berolmaymiz. Shu bois, hech narsa gapirmaymiz. Faqat sudyaning muayyan ko‘rsatmasidan keyingina biror axborot berishimiz mumkin. Hozircha hech narsa. Chunki sud endigina boshlandi. Hatto Bobomurod hali ohirigacha o‘z ko‘rgazmasini bergani yo‘q. Shuning uchun biz sizga hech qanday ma'lumot bermaymiz», dedi Muzalevskaya «Eltuz» muxbiriga.

Advokat xonim Saloevning o‘z aybiga qisman iqror bo‘lgani, tergovda qanday ko‘rgazma bergan bo‘lsa, aynan takrorlaganini tasdiqladi, biroq himoyasi ostidagi shaxs bilan o‘zining o‘rtasida Bobomurodni ayblash uchun qandaydir «kelishuv» bo‘lganini inkor etdi.

«Saloev tergovda ham, sudda ham o‘z aybiga qisman iqror bo‘lganini bildirdi. Lekin kelgusida nima deb ko‘rgazma berishi hozircha noma'lum», dedi Muzalevskaya.

15 mart kuni sud majlisida bo‘lgan huquq faoli A'zam Turg‘unov Saloevning o‘zini tutishi, aybini tan olishi unga ancha shubhali ko‘ringanini aytadi.

«Suddagi chiqishida Saloev zaldagi sudlanuvchilarni qo‘llashga kelgan jamoatchilikka qarata: «Biz haqimizda har xil «sahnalashtirilgan» ortiqcha gap tarqatmanglar», dedi. Endi iltimos qilib gapiryapti, lekin ko‘rinib turibdi, unga kimdir, nimadir o‘rgatgan», deydi huquq faoli.

Shuningdek, Turg‘unov sudlanuvchilarning sudda qatnashayotgan advokatlari orasida faqat Sergey Mayorov astoydil o‘z mijozini himoya qilayotganini bildirdi.

«Qolgan advokatlarning oyoq olishi g‘alati, biror savol bersak, go‘yoki biz nonini tortib olayotganday, indamay to‘rsayib olishadi, maqsadi nima ekanini bilib bo‘lmaydi», deydi huquq faoli «Eltuz» muxbiriga.

Jurnalist Bobomurod Abdullaev, bloger Hayot Nasriddinov, tadbirkorlar Ravshan Salaev va Shavkat Olloyorov ustidan keyingi sud majlisi 26 mart kuniga belgilangan.

Milliy xavfsizlik xizmati xodimlari Bobomurodni shu yilning 27 sentyabrida o‘g‘irlab ketgan, oradan uch kun o‘tib, uning hokimiyatni ag‘darishga urinishda ayblanayotgani ma'lum bo‘lgan edi.

«Eltuz» nashri «Usmon Haqnazarov» taxallusi ostida 2003 yildan buyon tanqidiy maqolalar yozib kelgan jurnalist Bobomurod Abdullaevning sudi bilan bog‘liq jarayonlarni kuzatishda davom etadi.

Rassom Kirpi
Eltuz.com

Tag‘in o‘qing
16 noyabr 2020
O‘zbekiston maktablarida darsdan oldin madhiya kuylanib, tanaffusda maxsus radiokarnaylardan vatan mavzusidagi she'r va qo‘shiqlar eshittirila boshlandi. Joriy qilingan bu ...
23 may 2019
2019 yilning 3 mayida prezident imzolagan va matbuotda e'lon qilingan qonunda O‘zbekistondagi barcha haydovchilar malaka oshirish sertifikati olishi kerakligi ...
17 iyun 2022
Qadrdonlarim bormisiz? Omonmisiz? O‘tgan xafta kasal bo‘lganlar bugun tuzalganidan, puli yo‘qlar bugun boyib bitib ketganidan hursandman. Bugun kasal bo‘lib ...
2 mart 2021
Bugun men uchun va men mansub bo‘lgan millat uchun aziz inson – Sovet Ittifoqining ilk va so‘nggi prezidenti Mixail ...
Bloglar
3 yanvar 2023
Ulug‘ o‘zbek shoiri va muholifat lideri Muhammad Solih bilan suhbatning 20-qismida jurnalistning «Adabiyot nima?» degan ...
25 dekabr 2022
Ulug‘ o‘zbek shoiri va muholifat lideri Muhammad Solih bilan suhbatning 18-qismidan 90-yillarda taniqli adabiyotshunos Ibrohim ...
20 dekabr 2022
Ulug‘ o‘zbek shoiri va muholifat lideri Muhammad Solih suhbatning 17-qismi muxolifat va hokimiyatning kelajagi haqida ...