DXX raisining bayonoti dindorlarni hurkitdi

Oliy Majlis Senatida 29 mart kuni Davlat xavfsizlik xizmati (DXX) raisi Ixtiyor Abdullaev O‘zbekistonga havf solayotgan islomiy tahdid haqida gapirdi.

«Dinga berilgan erkinliklarni ayrimlar noto‘g‘ri tushunishi oqibatida diniy aqidaparastlikning kuchayib borayotgani namoyon bo‘lmoqda”, dedi DXX raisi Ixtiyor Abdullaev.

DXX raisining ilk chiqishi diniy erkinliklarni cheklash deya baholanmoqda. Ayni paytda, o‘tgan oyda ijtimoiy tarmoqni junbushga keltirgan toshkentlik imomlarning chiqishlari ancha pasaygani sezilmoqda.

«Tug‘ilmagan chaqaloq ayrimlarni halitdan qo‘rqita boshlabdi… Bosh almashdi deb xursand bo‘lgan edik, kepka almashibdi, bosh o‘sha-o‘sha qolibdi, shekilli…», deb yozdi feysbukda taniqli o‘zbek yozuvchisi Nurulloh Muhammad Raufxon.

Ixtiyor Abdullaev nutqidan keyingi holatni rassom Tuz ko‘zadan chiqqan jinning qaytib u yerga kirishi taraddudi bilan qiyoslaydi.

Rassom Tuz
Eltuz.com